Reliance JioBook 2023 : జియో మరో సంచలనం.. లేటెస్ట్ లాప్‌టాప్ ధర ఎంతంటే?

Reliance Released Jio Book Second Version Full Details

రిలయన్స్​ జియో(Reliance Jio) మరో కొత్త ప్రొడక్ట్​ను మార్కెట్ లోకి రిలీజ్ చేసింది. అదే ‘రిలయన్స్​ జియో బుక్’​ (Reliance Jio Book) సెకండ్​ వెర్షన్​.​ దీనిని ఈ రోజు భారత్​ మార్కెట్లో లాంచ్ చేశారు. బ్లూ కలర్ లో వచ్చిన ఈ లాప్టాప్ ను దేశంలో ఫస్ట్ లెర్నింగ్ బుక్ ( first learning book)గా చెబుతోంది జియో. దీని ధర ఎంత, ఫస్ట్​ వెర్షన్​తో పోలిస్తే ఇందులో ఉన్న అదనపు ఫీచర్లు ఏంటో చూద్దామా.

దేశీయ టెలికమ్యూనికేషన్ రంగంలో ఒక సంచలనం సృష్టించిన సంస్థ రిలయన్స్ జియో. ప్రారంభంలో ఫ్రీగా సిమ్‌, టాక్ టైమ్, ఇంటర్నెట్ సౌకర్యాన్ని కల్పించి అందరికీ దగ్గరైంది. గతేడాది అక్టోబరులో ‘జియో బుక్’​ ల్యాప్​టాప్ విడుదల చేసిన ఈ కంపెనీ ఇప్పుడు దానికి కొనసాగింపుగా మరో జియో బుక్ తీసుకొచ్చారు. ఫస్ట్​ వెర్షన్​తో పోలిస్తే దీని డిజైన్​, పనితీరు మరింత మెరుగ్గా ఉండబోతోంది.

ఈ ల్యాప్​టాప్​ను​ మంచి కాంపాక్ట్​ డిజైన్​తో పాటు 4జీ ఇంటర్నెట్ యాక్సెస్ ​​కనెక్టివిటీతో తీసుకొచ్చారు. ఈ ల్యాప్‌టాప్ 11.6-అంగుళాల HD (768X1,366 పిక్సెల్‌లు) డిస్‌ప్లే కలిగి ఉంది. ఆక్టా-కోర్ MediaTek MT8788 ప్రాసెసర్‌పై పనిచేస్తుంది. అలాగే ఆండ్రాయిడ్ బేస్ ఉన్న JioOS ఆపరేటింగ్ సిస్టమ్‌పై రన్ అవుతుంది. జియో బుక్​ ఫస్ట్​ వెర్షన్​ బరువు 1.20 కేజీలు కాగా.. సెకండ్​ వెర్షన్​ను 990 గ్రాములు మాత్రమే. దీనిలో 4,000mAh బ్యాటరీ అందించారు. అంటే
ఒక్కసారి చార్జింగ్ చేస్తే గరిష్టంగా 8 గంటల బ్యాటరీ లైఫ్ అందిస్తుంది. అలాగే దీనిలో జియోమీట్​, జియోక్లౌడ్​, జియో సెక్యురిటీ లాంటి ఇన్​బిల్ట్​ యాప్స్​ కూడా ఉన్నాయి.

ఈ జియోబుక్​ అన్ని వయస్సుల వారికి అనుగుణంగా ఉంటుందని.. ఎంటర్​టైన్మెంట్​, ప్రొడక్టివిటీ, గేమింగ్​లను సపోర్ట్​ చేస్తుందని రిలయన్స్​ జియో తెలిపింది. ఇది 4GB RAM, 64GB మెమరీని కలిగి ఉంటుంది. మైక్రో SD కార్డు ద్వారా 256GB వరకు మెమరీని పెంచుకోవచ్చు. 2-మెగాపిక్సెల్ వెబ్ కెమెరా కూడా ఉంది. దీనిలో Wi-Fi తో పాటు, 4జీ సిమ్ కార్డు, బ్లూటూత్ 5, HDMI మినీ పోర్ట్, 3.5mm హెడ్‌ఫోన్ జాక్‌తో సహా వివిధ కనెక్టివిటీ ఎంపికలను అందించారు.

రిలయన్స్ యొక్క తాజా జియోబుక్‌ను కంపెనీ ప్రారంభ ధర రూ. 16,499గా ప్రకటించింది. రిలయన్స్ డిజిటల్ ఇ-కామర్స్ వెబ్‌సైట్, అమెజాన్, ప్రముఖ రిటైల్ స్టోర్‌ల ద్వారా ప్రీ-ఆర్డర్ కోసం అందుబాటులో ఉంది. ఇది ఆగస్టు 5 నుండి నేరుగా అమ్మకానికి వస్తుంది. అమెజాన్‌లో హెచ్‌డీఎఫ్‌సీ బ్యాంక్‌ కార్డులపై కొనుగోలు చేసేవారికి అదనంగా రూ.1,250 తగ్గింపు పొందే అవకాశం కూడా ఉంది.

Also Read : Moto G13: మోటోరోలా ఫోన్ పై భారీగా తగ్గింపు.. ధర, ఫీచర్స్ ఇవే?