ప్రముఖ స్మార్ట్ ఫోన్ తయారీ దిగ్గజ సంస్థ రియల్‌మీ ఇప్పటికే మార్కెట్లోకి ఎన్నో రకాల స్మార్ట్ ఫోన్లు విడుదల చేసిన విషయం తెలిసిందే. ఇప్పటికే మార్కెట్ లోకి విడుదల చేసిన చేసిన వాటితో పాటు కొత్త కొత్త స్మార్ట్ ఫోన్లను మార్కెట్లోకి విడుదల చేస్తూనే ఉంటుంది. అందులో భాగంగానే ఇప్పుడు మరో సరికొత్త స్మార్ట్ ఫోన్ ని లాంచ్ చేయబోతోంది. మరి ఆ వివరాల్లోకి వెళితే.. రియల్‌మీ 14 ప్రో సిరీస్ జనవరి 2025లో భారతదేశంలో లాంచ్ కానుంది. అధునాతన టెక్నాలజీతో ఈ ఫోన్ ను కంపెనీ విడుదల చేయనుంది. ఈ ఫోన్ ప్రత్యేకమైన రంగును మార్చే బ్యాక్ డిజైన్‌ను కలిగి ఉంటుంది. ఈ వెనుక ప్యానెల్ అధునాతన థర్మోక్రోమిక్ పిగ్మెంట్‌ లతో తయారు చేసి ఉంటుంది.
ఇవి ఉష్ణోగ్రతలో మార్పులతో వాటి రంగును మారుస్తాయి. ఉష్ణోగ్రత 16°C కంటే తక్కువగా పడిపోయినప్పుడు, వెనుక కవర్ పెర్ల్ వైట్ నుండి వైబ్రెంట్ బ్లూకి మారుతుంది. ఉష్ణోగ్రత పెరిగేకొద్దీ అది మళ్లీ అదే రంగులోకి మారుతుంది. రియల్‌మీ 14 ప్రో సిరీస్ లో యూనిక్ పెరల్ డిజైన్ ఉంటుంది. దీనిలో పెర్ల్ వైట్ వేరియంట్ ప్రత్యేక ఆకృతిని కలిగి ఉంటుంది. ఈ ఆకృతి సీషెల్ పౌడర్ నుండి తీసుకున్నట్లు తెలుస్తోంది. ఈ స్మార్ట్‌ఫోన్ చాలా స్లిమ్‌ గా ఉంటుంది. ఇది 8 మిమీ కంటే తక్కువ క్వాడ్ వంపు ప్రొఫైల్, మిరుమిట్లు గొలిపే ముత్యం లాంటి షైన్‌ ను కలిగి ఉంటుంది. ప్రతి ఫోన్ వెనుక ప్యానెల్ పై భిన్నమైన నమూనా కూడా ఉంటుంది. ఇది సహజమైన సముద్రపు షెల్‌ ల మాదిరిగా కనిపిస్తుంది. దీన్ని 30 డిగ్రీల ఫ్యూజన్ ఫైబర్ ప్రక్రియ ద్వారా తయారు చేశారు. ఇందులో 95% పర్యావరణ అనుకూలమైన, బయో ఆధారిత పదార్థాలను ఉపయోగించారు.
ఈ డిజైన్ వర్క్స్ కారణంగా, స్మార్ట్‌ఫోన్ లుక్ పూర్తిగా భిన్నంగా ఉంటుందట. ఇది వినియోగదారుకు ప్రీమియం అనుభవాన్ని ఇస్తుందని టెక్‌ వర్గాలు చెబుతున్నాయి. ఇకపోతే ఈ స్మార్ట్ ఫోన్ స్పెసిఫికేషన్ల విషయానికి వస్తే.. రియల్‌మీ 14 ప్రో + సెగ్మెంట్-ఫస్ట్ క్వాడ్ కర్వ్డ్ డిస్‌ప్లే, స్క్రీన్ టు బాడీ రేషియో 93.8% కలిగి ఉంటుంది. ఈ డిస్‌ప్లే వినియోగదారులకు ఎడ్జ్ స్వైపింగ్ సౌకర్యాన్ని అందిస్తుంది. అదనంగా ఇది ఓషన్ ఓకులస్ ట్రిపుల్ కెమెరా సిస్టమ్‌ ను కలిగి ఉంటుంది. ఇందులో కొత్త మ్యాజిక్‌ గ్లో ట్రిపుల్ ఫ్లాష్ టెక్నాలజీ ఉంటుంది. ఈ ఫ్లాష్ తక్కువ వెలుతురులో కూడా బెస్ట్‌ ఫోటోలను తీస్తుంది. అలాగే రాత్రిపూట అద్భుతమైన పోర్ట్రెయిట్‌ లను ఇస్తుందని కంపెనీ పేర్కొంది. ఈ స్మార్ట్‌ఫోన్‌లో ఐపీ 66, ఐపీ 68, ఐపీ 69 సర్టిఫికేషన్ కూడా ఉంటుంది. ఇది వాటర్‌, దుమ్ము నుండి సురక్షితంగా ఉంటుంది. రియల్‌మీ 14 ప్రో సిరీస్ వినూత్న డిజైన్, గొప్ప ఫీచర్లతో వినియోగదారుకు గొప్ప అనుభవాన్ని అందిస్తుందని చెబుతోంది.