చైనాకు చెందిన ప్రముఖ ఎలక్ట్రానిక్‌ దిగ్గజం ఐక్యూ సంస్థ భరత మార్కెట్లోకి ఇప్పటికే ఎన్నో రకాల స్మార్ట్ ఫోన్ లను విడుదల చేసిన విషయం తెలిసిందే. వినియోగదారులను ఆకర్షించడం కోసం ఎప్పటికప్పుడు కొత్త కొత్త స్మార్ట్ ఫోన్ లను మార్కెట్లోకి విడుదల చేస్తూనే ఉంది. ఈ క్రమంలోనే ఐక్యూ సంస్థ భారత మార్కెట్లోకి మరో సరికొత్త స్మార్ట్ ఫోన్ ని లోకి విడుదల చేసింది. ఐక్యూఓఓ జెడ్7 ప్రో పేరుతో లాంచ్ అయిన ఈ ఫోన్ ప్రారంభ ధర రూ. 23,999గా ఉంది. ఈ మిడ్ రేంజ్ 5జీ ఫోన్లో పెద్ద డిస్ ప్లే ఉంటుంది. భారీ బ్యాటరీ ఉంటుంది. శక్తివంతమైన మీడియాటెక్ ఎస్ఓసీ ప్రాసెసర్ ఆధారంగా పనిచేస్తుంది.
ఈ ఐక్యూఓఓ జెడ్ 7 ప్రో డిజైన్ కూడా చాలా ఆకర్షణీయంగా ఉంటుంది. యూనిక్ బ్లూ లాగూన్ పెయింట్ జాబ్ తో వస్తుంది. ఈ స్మార్ట్ ఫోన్ కి సంబంధించిన మరిన్ని వివరాల విషయానికొస్తే.. ఐక్యూఓఓ జెడ్7 ప్రో 5జీ ఫోన్ ధరలు పరిశీలిస్తే 8జీబీ ర్యామ్, 128జీబీ స్టోరేజ్ వేరియంట్ రూ. 23,999గా ఉంది. అయితే లాంచింగ్ ఆఫర్ కింద దీనిని రూ. 21,999కే విక్రయిస్తున్నారు. అదే విధంగా 256జీబీ స్టోరేజ్ వేరియంట్ రూ. 24,999 కాగా , రూ. 22,999కే లభిస్తోంది. అయితే ఈ ఆఫర్లు పరిమిత కాలం వరకూ ఉంటాయి. ఐక్యూఓఓ ఈ-స్టోర్ తో పాటు ప్రముఖ ఈ-కామర్స్ ప్లాట్ ఫారం అమెజాన్ లో లభిస్తోంది.
అలాగే ఐక్యూఓఓ జెడ్ 7 ప్రో 5జీ ఫోన్లో 6.74 అంగుళాల స్క్రీన్ ఫుల్ హెచ్ డీ రిజల్యూషన్ తో ఉంటుంది. మీడియా టెక్ డైమెన్సిటీ 7200 చిప్ సెట్ ఉంటుంది. ఆండ్రాయిడ్ 13 ఓఎస్ ఆధారంగా పనిచేస్తుంది. ఇకపోతే ఈ స్మార్ట్ ఫోన్ కెమెరా విషయానికి వస్తే.. వెనుకవైపు డ్యూయల్ కెమెరా సెట్ అప్ ఉంటుంది. 64 ఎంపీ మెయిన్ కెమెరా, ఎల్ఈడీ ఫ్లాష్ తో ఉంటుంది. 2ఎంపీ సెన్సార్ కూడా ఉంటుంది. ముందు వైపు సెల్ఫీల కోసం 16ఎంపీ మెగా పిక్సల్ సెన్సార్ ఉంటుంది. ఇక కనెక్టివిటీ ఫీచర్ల విషయానికి వస్తే.. వైఫై 6, బ్లూటూత్ 5.3 ఉంటుంది. ఈ 5జీ ఫోన్ 4,600ఎంఏహెచ్ బ్యాటరీ సామర్ధ్యమును కూడా కలిగి ఉండనుంది. 66వాట్ల ఫాస్ట్ చార్జింగ్ సపోర్టు ఉంటుంది. డిస్ ప్లే లో ఫింగర్ ప్రింట్ సెన్సార్ ఉంటుంది. ఫోన్ కింద సింగిల్ స్పీకర్ ఉంటుంది. మల్టీ టాస్కింగ్ తో పాటు క్లాస్ లుక్ లో ఫోన్ కావాలనుకొనే వారికి ఇవి బెస్ట్ ఆప్షన్. కర్వడ్ స్కీన్ మీకు అల్టిమేట్ లుక్ ను అందిస్తుంది. అంతేకాకుండా ఈ ఫోన్ చూడటానికి ఎంతో స్టైలిష్ గా కూడా ఉంటుంది.