మార్కెట్లో మనకు ఎన్నో రకాల మొబైల్స్ అందుబాటులో ఉన్నప్పటికీ స్మార్ట్ ఫోన్ వినియోగదారులు ఎక్కువ శాతం మంది ఇష్టపడే ఫోన్.. ఐఫోన్. ఈ ఫోన్ లకు మార్కెట్లో భారీగా క్రేజ్ డిమాండ్ కూడా ఉంది. చాలామందికి ఈ ఫోన్ ని వినియోగించాలని ఆశ ఉన్నప్పటికీ వాటి ధరల కారణంగా వెనుకడుగు వేస్తూ ఉంటారు. మిగతా ఫోన్లతో పోల్చుకుంటే ఐఫోన్ల ధర ఎక్కువగా ఉండడంతో పాటు అనేక ప్రత్యేకతలు కూడా ఉంటాయి. వాటిని కూడా ఎప్పటికప్పుడు ఆపిల్ కంపెనీ అప్ డేట్ చేస్తూ వినియోగదారులకు మరింత మెరుగైన సేవలు అందజేస్తోంది. అప్పుడప్పుడు ఐఫోన్ లపై బంపర్ ఆఫర్లను కూడా ప్రకటిస్తూ ఉంటుంది. వాడితో పాటు కొత్త కొత్త ఐఫోన్ లను మార్కెట్లోకి విడుదల చేస్తూనే ఉంటుంది.
అందులో భాగంగానే ఇప్పుడు మరో సిరీస్ ని మార్కెట్లోకి లాంచ్ చేయడానికి సిద్ధమయ్యింది యాపిల్ సంస్థ. పూర్తి వివరాల్లోకి వెళితే.. ఆపిల్ ఐఫోన్ 16 సిరీస్‌ను లాంచ్ చేస్తున్నట్లు అధికారికంగా ప్రకటించింది. ఈ ప్రత్యేక ఆపిల్ ఈవెంట్ సెప్టెంబర్ 9 న నిర్వహించనుంది. కంపెనీ ఐఫోన్ 16 సిరీస్ నాలుగు కొత్త మోడళ్లను విడుదల చేస్తుందని భావిస్తున్నారు. ఐఫోన్ 16, ఐఫోన్ 16 ప్లస్ , ఐఫోన్ 16 ప్రో , ఐఫోన్ 16 ప్రో మాక్స్. కాగా ఈ ఈవెంట్ కొత్త ఐఫోన్ 16 సిరీస్‌లోని ఆపిల్ ఇంటెలిజెన్స్ లక్షణాలపై దృష్టి పెడుతుంది. ఇది తరువాత సాఫ్ట్‌వేర్ అప్‌డేట్‌తో వస్తుందని భావిస్తున్నారు. ఆపిల్ ఐఫోన్ 16 సిరీస్‌లో ఫోటోను తక్షణమే షూట్ చేయడానికి లేదా కెమెరా యాప్ నుండి వీడియోను రికార్డ్ చేయడానికి కొత్త క్యాప్చర్ బటన్ ఉండే అవకాశం ఉందట.
ఇది ఫిజికల్ కెపాసిటివ్ బటన్‌గా ఉంటుంది. ఫోర్స్ సెన్సిటివ్ హాఫ్ ప్రెస్‌కు మద్దతునిస్తుంది. అలాగే ప్రతి సిరీస్ లాగే ఈ సిరీస్‌లో కూడా మొత్తం 4 మోడల్ లు ఉంటాయి. అవి ఐఫోన్ 16, ఐఫోన్ 16 ప్లస్, ఐఫోన్ 16 ప్రో, ఐఫోన్ 16 ప్రో మాక్స్. ఈ మోడల్ లో చాలా మార్పులు ఉన్నాయి. ఈసారి ప్రో మోడల్ డిస్‌ప్లే పరిమాణం వరుసగా 6.3 అంగుళాలు, 6.9 అంగుళాలకు పెరుగుతోంది. అయితే డిస్ ప్లే సైజ్ పెరిగినా ఫోన్ సైజ్ పెరగదు. ఈ కొత్త సిరీస్ లో డిస్‌ప్లే సన్నగా ఉండే అవకాశం ఉంది. అయినప్పటికీ, నాన్ ప్రో మోడల్స్ 16, 16 ప్లస్ పరిమాణం లేదా బెజెల్స్‌ లో ఎటువంటి మార్పు లేదు. నాన్ ప్రో మోడల్ లు రెండూ 60 Hz డిస్‌ప్లే రిఫ్రెష్ రేట్‌ ను కలిగి ఉంటాయి. అయితే ఈ సారి కెమెరా లెన్స్ మళ్లీ మారిపోయింది. ఆపిల్ కొత్త కెమెరా డిజైన్ సిరీస్ లో ఐదేళ్ల క్రితం కెమెరా డిజైన్ ను తిరిగి తీసుకురాబోతోంది.
అంటే, రెండు లెన్స్ లు లంబంగా ఉంటాయి. లెన్స్ లో 48 మెగా పిక్సెల్ మెయిన్ సెన్సార్, మరొకటి 12 మెగా పిక్సెల్ అల్ట్రా వైడ్ లెన్స్ గా ఉంటాయి. అయితే ఐఫోన్ 16 ప్రో, ప్రో మాక్స్ లలో మూడు కెమెరాలు ఉన్నాయి. 48 మె గాపిక్సెల్ ప్రధాన కెమెరా, 48 మెగా పిక్సెల్ అల్ట్రావైడ్, 5x ఆప్టికల్ జూమ్ లెన్స్ ఉంటాయి. అయితే ఈ నాలుగు మోడల్స్ బ్యాటరీ కెపాసిటీలో స్వల్ప పెరుగుదలను ఉన్నట్లు తెలుస్తోంది. అలాగే, రెండు ప్రో మోడల్స్‌లో 40 వాట్ ఛార్జింగ్ సపోర్ట్, 20 వాట్ మాగ్‌సేఫ్ ఛార్జింగ్ ఉన్నట్లు తెలుస్తోంది. నాన్ ప్రో మోడల్‌లో వరుసగా 27 వాట్స్, 15 వాట్స్ ఛార్జింగ్ సపోర్ట్ ఉంది. అంటే మీరు ఫోన్‌ను అన్‌లాక్ చేయకుండా, మీరు ఈ బటన్‌ను నొక్కడం ద్వారా కెమెరాతో సులభంగా ఫోటోలను తీయవచ్చట.