టెక్ దిగ్గజం ఆపిల్ కంపెనీ నుంచి రాబోయే ఐఫోన్ 14 సిరీస్కు డిమాండ్ చైనాలోని ఐఫోన్ 13 సిరీస్ కంటే ఎక్కువగా ఉంటుందని భావిస్తున్నారు. విశ్వసనీయ ఆపిల్ విశ్లేషకుడు మింగ్-చి కువో నిర్వహించిన ఒక సర్వే ప్రకారం ముందుగా ఊహించిన iPhone 14 యూనిట్ల కోసం సరఫరాదారులు, రిటైలర్లు గణనీయంగా ఎక్కువ డిపాజిట్లను ముందస్తుగా చెల్లిస్తున్నారని GizmoChina నివేదించింది. కొన్ని ప్రాంతాల్లో డిపాజిట్ మొత్తం రెండింతలు ఉంటుందని నివేదిక పేర్కొంది.
కంపెనీ తదుపరి తరం స్మార్ట్ఫోన్లను – iPhone 14, 14 Pro, 14 Max మరియు 14 Pro Maxలను సెప్టెంబర్లో విడుదల చేసే అవకాశం ఉంది. ఐఫోన్ 14, ప్రో మోడల్లు 6.1 ఇంచెస్ స్క్రీన్లతో వస్తాయని, మాక్స్, ప్రో మాక్స్ మోడల్లు 6.7 ఇంచెస్ స్క్రీన్లతో వస్తాయని ఇటీవలి నివేదిక తెలిపింది. అయితే టెక్ దిగ్గజం ఈ సంవత్సరం 5.4 ఇంచెస్ ఐఫోన్ మినీని నిలిపివేయవచ్చుని నివేదిక ద్వారా తెలుస్తోంది.
మరొక నివేదిక దాని ప్రో వెర్షన్ మెరుగైన స్క్రీన్ రిఫ్రెష్ రేట్ కారణంగా ‘ఆల్వేస్ ఆన్ డిస్ప్లే’తో రావచ్చని పేర్కొంది. ఐఫోన్ 13 ప్రో సిరీస్ 120 హెర్ట్జ్ రిఫ్రెష్ రేట్తో ప్రోమోషన్ డిస్ప్లేతో వచ్చినప్పటికీ ఈ సంవత్సరం ఐఫోన్ 14 ప్రో మోడల్లు కొన్ని అప్గ్రేడ్లతో పాటు ఈ డిస్ప్లే టెక్నాలజీని కూడా కలిగి ఉన్నట్లు తెలుస్తోంది. ఐఫోన్ 13 ప్రో సిరీస్ మెరుగైన శక్తి సామర్థ్యాన్ని అనుమతించే వేరియబుల్ రిఫ్రెష్ రేట్లను కలిగి ఉన్న LTPO ప్యానెల్లను కలిగి ఉంది.