హాంగ్‌కాంగ్‌ కు చెందిన ప్రముఖ స్మార్ట్ ఫోన్ దిగ్గజం ఇన్ఫినిక్స్ ఇప్పటికీ ఎన్నో రకాల స్మార్ట్ ఫోన్ లను మార్కెట్ లోకి విడుదల చేసిన విషయం తెలిసిందే. ఎప్పటికప్పుడు వినియోగదారులను ఆకర్షించడం కోసం సరికొత్త స్మార్ట్ ఫోన్ లను మార్కెట్లోకి విడుదల చేస్తూనే ఉంది. ఈ నేపథ్యంలోనే ఇన్ఫినిక్స్ సంస్థ త్వరలో మరో సరికొత్త స్మార్ట్ ఫోన్ ని మార్కెట్ లోకి విడుదల చేయబోతోంది. మరి ఆ వివరాల్లోకి వెళితే.. టాప్ స్మార్ట్ ఫోన్ బ్రాండ్లలో ఒకటైన ఇన్ఫినిక్స్ తన సరికొత్త స్మార్ట్ ఫోన్ నోట్ 40ఎక్స్ 5జీని లాంచ్ చేస్తున్నట్లు ప్రకటించింది. ఇన్ఫినిక్స్ నోట్ 40, ఇన్ఫినిక్స్ నోట్ 40 ప్రో తర్వాత వస్తున్న మోడల్ ఇది. కాగా దీని ధర రూ. 15,000 కంటే తక్కువకే ఉండనున్నట్లు పేర్కొంది.
కొత్త ఇన్ఫినిక్స్ నోట్ 40ఎక్స్ 5జీ స్మార్ట్ రెండు ర్యామ్ వేరియంట్లలో అందుబాటులో ఉంది. అవి 8జీబీ, 12జీబీ. ఈ స్మార్ట్ ఫోన్ మీడియా టెక్ డైమెన్సిటీ 6300 చిప్ సెట్ ఆధారంగా శక్తిని పొందుతుంది. ఆండ్రాయిడ్ 14 ఆపరేటింగ్ సిస్టమ్ ఆధారంగా నడుస్తోంది. ఇకపోతే ఈ ఇన్ఫినిక్స్ నోట్ 40ఎక్స్ 5జీ ధర, ఫీచర్స్ విషయానికి వస్తే.. ఇన్ఫినిక్స్ నోట్ 40ఎక్స్ 5జీ ఫోన్ ఆగస్తు 9వ తేదీన మధ్యాహ్నం 12 గంటలకు ప్రముఖ ఈ కామర్స్ ప్లాట్ ఫారం ఫ్లిప్ కార్ట్ లో అందుబాటులో ఉంటుంది. దీని ప్రారంభ ధర రూ. 13,499 గా ఉంటుంది. ఈ స్మార్ట్‌ఫోన్ రెండు మెమరీ వేరియంట్‌ లలో అందుబాటులో ఉంటుంది. 12జీబీ 256జీబీ ధర రూ. 14,999 కాగా, 8జీబీ+256జీబీ ధర రూ. 13,499 గా ఉంది.
దీంతో పాటు ఫ్లిప్ కార్ట్ లో బ్యాంక్ ఆఫర్ లు కూడా ఉన్నాయి. ఈ ఫోన్ మూడు డైనమిక్ గ్రేడియంట్ రంగులలో అందుబాటులో ఉంటుంది. పామ్ బ్లూ, లైమ్ గ్రీన్, స్టార్‌లిట్ బ్లాక్ వంటి కలర్ ఆప్షన్ లలో లభిస్తోంది. నో-కాస్ట్ ఈఎంఐ 8జీబీ+256జీబీ వేరియంట్‌కు రూ. 2,250, 12జీబీ+256జీబీకి రూ. 2,500 నుంచి ప్రారంభం అవుతుంది. ఈ తాజా ఆఫర్ మీకు సమీపం లోని ఫ్లిప్‌కార్ట్, రిటైల్ స్టోర్‌ లలో కొనుగోలు చేయడానికి అందుబాటులో ఉంటుంది. కాగా ఇన్ఫినిక్స్ నోట్ 40ఎక్స్ 5జీ రెండు మెమరీ కాన్ఫిగరేషన్‌ లను అందిస్తుంది. 8జీబీ+256జీబీ, 12జీబీ+256జీబీ ఉంటుంది. మీడియాటెక్ డైమెన్సిటీ 6300 ప్రాసెసర్ ఉంటుంది. ఇది రోజువారీ పనుల నుంచి రిసోర్స్ ఇంటెన్సివ్ అప్లికేషన్‌లు, మొబైల్ గేమింగ్ వరకు ప్రతిదానికీ బలమైన పనితీరును అందిస్తుంది.
స్మార్ట్ ఫోన్లో 108 మెగా పిక్సెల్ ట్రిపుల్ ఏఐ కెమెరా సెటప్‌ను క్వాడ్ ఎల్ఈడీ ఫ్లాష్‌తో ఉంటుంది. ఇది ఏఐ క్యామ్, పోర్ట్రెయిట్ మోడ్, ఏకకాలంలో ముందు, వెనుక కెమెరా రికార్డింగ్ కోసం డ్యూయల్ వీడియో మోడ్, ప్రో మోడ్, సినిమాటిక్ వీడియో క్యాప్చర్ కోసం ఫిల్మ్ మోడ్‌తో సహా 15కి పైగా కెమెరా మోడ్‌లను కలిగి ఉంది. ముందువైపు 8మెగా పిక్సెల్ తో ఎల్ఈడీ ఫ్లాష్‌తో వస్తుంది. 120హెర్జ్ రిఫ్రెష్ రేట్‌తో 6.78 అంగుళాల ఫుల్ హెచ్డీ ప్లస్ డిస్‌ప్లేను కలిగి ఉంది. డివైస్‌లో పంచ్ హోల్ డిస్‌ప్లే, డీటీఎస్ సౌండ్ టెక్నాలజీతో కూడిన డ్యూయల్ స్పీకర్ సిస్టమ్ ఉంది. అలాగే ఇది 18వాట్ల ఛార్జింగ్ సపోర్ట్‌తో 5000 ఎంఏహెచ్ బ్యాటరీని ప్యాక్ చేస్తుంది. పరికరంలో ఏఐ ఛార్జ్ ఫీచర్ కూడా ఉంటుంది.