తక్కువ బడ్జెట్ లోనే మంచి మంచి ఫీచర్లు కలిగిన స్మార్ట్ ఫోన్ ని కొనుగోలు చేయాలనుకుంటున్నారా.. అయితే ఇది మీకోసమే. తక్కువ ధరకే మంచి కెమెరా క్వాలిటీ కలిగిన స్మార్ట్ ఫోన్ ని కొనుగోలు చేయాలనుకుంటున్న వారికి హానర్ సంస్థ ఒక చక్కటి గుడ్ న్యూస్ తెలిపింది. ఆ వివరాల్లోకి వెళితే చైనాకు చెందిన ప్రముఖ స్మార్ట్ తయారీ సంస్థ హానర్ భారత మార్కెట్లోకి కొత్త ఫోన్ ను తీసుకొస్తోంది. హానర్ 200 లైట్ పేరుతో తీసుకొస్తున్న ఈ 5జీ ఫోన్ సెప్టెంబర్‌ 19వ తేదీ మధ్యాహ్నం 12 గంటల నుంచి అందుబాటులోకి రానుంది. ప్రముఖ ఈ కామర్స్‌ సంస్థ అమెజాన్‌తో పాటు హానర్ అధికారిక వెబ్‌సైట్‌లో ఈ ఫోన్ అందుబాటులోకి తీసుకురానున్నారు.
ఈ స్మార్ట్ ఫోన్ సియాన్ లేక్, మిడ్ నైట్ బ్లాక్, స్టారీ బ్లూ కలర్స్ లో లభించనుంది. ఈ సిరీస్‌ లో భాగంగా హానర్ 200 లైట్ 5జీ, హానర్ 200 5జీ, హానర్ 200 ప్రో 5జీ ఫోన్ లను తీసుకొచ్చారు. ఇకపోతే కెమెరా విషయానికొస్తే ఈ స్మార్ట్ ఫోన్ లో 108 మెగా పిక్సెల్ ట్రిపుల్ రెయిర్‌ కెమెరాను అందించారు. ఇక సెల్ఫీలు వీడియో కాల్స్ కోసం ఇందులో 50 మెగా పిక్సెల్స్‌ తో కూడిన ఫ్రంట్‌ కెమెరాను కూడా అందిస్తున్నారు. ఆండ్రాయిడ్ 14 ఆధారిత మ్యాజిక్‌ ఓఎస్‌ 8 వెర్షన్‌ పై ఈ ఫోన్ పని చేస్తుంది. ఇక ఈ ఫోన్ లో 6.7 ఇంచెస్‌ తో కూడిన ఫుల్‌ హెచ్‌డీ+ అమోఎల్‌ఈడీ స్క్రీన్‌ ను అందించారు. ఇకపోతే ఈ ఫోన్ బ్యాటరీ విషయానికొస్తే..
ఇందులో 35 వాట్స్‌ సూపర్ చేంజ్‌ కు సపోర్ట్‌ చేసే 4500 ఎంఏహెచ్‌ కెపాసిటీ గల బ్యాటరీని అందించారు. సెక్యూరిటీ కోసం ఇందులో సడ్‌ మౌంటెడ్‌ ఫింగర్‌ ప్రింట్ సెన్సర్‌ ను కూడా ఇచ్చారు. అలాగే ఈ ఫోన్ మీడియాటెక్‌ డైమెన్సిటీ 680 ఎస్‌ఓసీ ప్రాసెసర్‌ ను అందించారు. ఇకపోతే ధర విషయానికొస్తే.. 8 జీబీ ర్యామ్‌, 256 జీబీ స్టోరేజ్‌ వేరియంట్‌ ధర రూ. 29,000గా ఉండవచ్చని అంచనా వేస్తున్నారు. అయితే ధర విషయంలో ఇంకా పూర్తి సమాచారం తెలియాల్సి ఉంది.