ప్రముఖ ఎలక్ట్రానిక్ దిగ్గజం హానర్ ఇప్పటికే భారత మార్కెట్లోకి ఎన్నో రకాల స్మార్ట్ ఫోన్ లను విడుదల చేసిన విషయం అందరికీ తెలిసిందే. అద్భుతమైన ఫీచర్లతో అతి తక్కువ ధరకే ఎన్నో రకాల స్మార్ట్ ఫోన్ లను విడుదల చేసిన హానర్ సంస్థ భారత మార్కెట్లోకి మరో సరి కొత్త ఫోన్‌ను లాంచ్‌ చేస్తోంది. ఇప్పటికే అడ్వాన్స్‌ బుకింగ్స్‌ మొదలైన ఈ స్మార్ట్ ఫోన్ భారత మార్కెట్లోకి త్వరలోనే అందుబాటులోకి రానుంది. హానర్ ప్లే 40సీ పేరుతో ఈ ఫోన్‌ను తీసుకొచ్చారు. ఇకపోతే ఈ ఫోన్ ధర విషయానికొస్తే..
6 జీబీ ర్యామ్‌, 128 జీబీ స్టోరేజ్ ఫోన్ ధర రూ. 10,300గా ఉంది. ఈ ఫోన్లో 6.56 ఇంచెస్‌ ఎల్‌సీడీ డిస్‌ప్లేను అందించారు. 1612×720 పిక్సెల్స్ రిజల్యూషన్ ఈ స్క్రీన్‌ తో రానుంది. ఆక్టాకోర్‌ స్నాప్‌ డ్రాగన్‌ 480 ఎస్‌ఓసీ ప్రాసెసర్‌తో పనిచేసే ఈ స్మార్ట్ ఫోన్లో ఆండ్రాయిడ్‌ 13 ఆపరేటింగ్ సిస్టమ్‌ను అందించారు. కాగా స్మార్ట్ ఫోన్ కెమెరా విషయానికొస్తే.. ఈ ఫోన్లో 13 మెగా పిక్సెల్ రెయిర్‌ కెమెరాను అందించారు. అలాగే సెల్ఫీల కోసం 5 మెగా పిక్సెల్ ఫ్రంట్‌ కెమెరాను కూడా అందించారు. ఇకపోతే ఈ స్మార్ట్ ఫోన్ బ్యాటరీ విషయానికొస్తే..
హానర్ ప్లే 40 సీ స్మార్ట్ ఫోన్లో 5200 ఎమ్‌ఏహెచ్‌ బ్యాటరీ సామర్థ్యాన్ని కలిగి ఉండనుంది. ఈ స్మార్ట్ ఫోన్‌ను మ్యాజిక్ నైట్ బ్లాక్, ఇంక్ జేడ్ గ్రీన్, స్కై బ్లూ కలర్స్‌లో విడుదల చేయనున్నారు. త్వరలోనే విడుదల చేయనున్న ఈ స్మార్ట్ ఫోన్ కి సంబంధించి మరిన్ని ఫీచర్స్ ఇంకా తెలియాల్సి ఉంది. కాగా హానర్ సంస్థ కొత్త కొత్త స్మార్ట్ ఫోన్ లోనే విడుదల చేయడంతో పాటు ఇప్పటికే మార్కెట్లోకి విడుదల చేసిన స్మార్ట్ ఫోన్లో సరికొత్త ఫీచర్ లను అలాగే డిఫరెంట్ కలర్స్ ని తీసుకు వస్తోంది.