Photomath App : ఫోటో తీస్తే చాలు ‘లెక్క’ సాల్వ్.. గూగుల్ ‘ఫోటోమ్యాథ్’ యాప్

Photomath App

Photomath App : కఠినమైన మ్యాథ్స్ ప్రాబ్లమ్స్‌కు సొల్యూషన్స్ కోసం చాలామంది గూగుల్‌, యూట్యూబ్‌‌లలో వెతుకుతుంటారు. ఇలాంటి వారికిి ఇక వెతుకులాట అక్కర్లేదు. ఎందుకంటే.. గూగుల్ సరికొత్త ఏఐ యాప్‌ను లాంచ్ చేసింది. దానిపేరు ‘ఫోటోమ్యాథ్’. మనకు కొరకరాని కొయ్యగా మారిన  మ్యాథ్స్ ప్రాబ్లమ్స్‌‌ను ఈ యాప్‌లో ఒక్క ఫోటో తీస్తే చాలు.. నేరుగా సమాధానం ప్రత్యక్షం అవుతుంది. సూటిగా సుత్తి లేకుండా చెప్పాలంటే..  ఈ యాప్ ఒక స్మార్ట్ కెమెరా కాలిక్యులేటర్‌ అండ్ మ్యాథ్స్ అసిస్టెంట్ యాప్.  మ్యాథ్స్ ప్రాబ్లమ్స్‌కు సంబంధించిన సొల్యూషన్స్‌ను ఈ యాప్ స్టెప్ బై స్టెప్‌గా వివరణాత్మకంగా అందిస్తుంది.

We’re now on WhatsApp. Click to Join

• 2023 మార్చిలో ‘ఫోటోమ్యాథ్’ (Photomath App) యాప్‌ను గూగుల్ కొనుగోలు చేసింది.
• ఈ యాప్ ఇప్పుడు పూర్తిగా గూగుల్ యాప్ పోర్ట్‌ఫోలియోలో విలీనం చేయబడింది.
• ‘ఫోటోమ్యాథ్’ యాప్‌ గూగుల్ ప్లే స్టోర్‌లో అందుబాటులో ఉంది.
• ఈ యాప్ ద్వారా బీజగణితం, జ్యామితి, త్రికోణమితి, గణాంకాలు, కాలిక్యులస్‌ సహా వివిధ విషయాలలో గణిత సమస్యలకు పరిష్కారాన్ని పొందొచ్చు.
• ‘ఫోటోమ్యాథ్’ యాప్‌ ఇంటిగ్రేషన్‌తో గూగుల్ తన ఎడ్యుకేషనల్ పోర్ట్‌ఫోలియోను విస్తరిస్తోంది.
• గణితం నేర్చుకోవడాన్ని,  దాని సమస్యల పరిష్కారాన్ని వెతకడాన్ని సులభతరం చేయడానికి దోహదపడే టెక్నాలజీ  ‘ఫోటోమ్యాథ్’ యాప్‌లో ఉంది.

Also Read : ISRO Vigyani : విద్యార్థులకు ‘ఇస్రో విజ్ఞాని’గా మారే ఛాన్స్.. అప్లై చేయండి

‘ఫోటోమ్యాత్’ వాడటం ఇలా.. 

• ఆండ్రాయిడ్ డివైజ్‌లలో గూగుల్ ప్లే స్టోర్ నుంచి  లేదా iOS పరికరాలలో App Store నుంచి “Photomath” యాప్‌ను డౌన్ లోడ్ చేసుకోవాలి.
• యాప్‌ని తెరిచి, మీరు పరిష్కరించాలనుకుంటున్న గణిత సమస్య వైపుగా కెమెరాను ఆన్ చేయండి. మొత్తం గణిత సమస్య ఒక ఫ్రేమ్‌లో ఫిట్ కావాలి.
• స్కానింగ్ చేయడం సాధ్యం కాకపోతే.. మీరు మ్యాథ్స్ సమస్యను మాన్యువల్‌గా టైప్ చేయడానికి అంతర్నిర్మిత గణిత కీబోర్డ్‌ ఉంటుంది.
•  మ్యాథ్స్ ప్రాబ్లమ్‌ను స్కాన్ లేదా టైప్ చేసిన తర్వాత ఫోటోమ్యాథ్ యాప్ దాన్ని ప్రాసెస్  చేసి పరిష్కారాన్ని చూపిస్తుంది.
• ఈ యాప్ బీజగణితం(Algebra), జ్యామితి(Geometry), త్రికోణమితి(Trigonometry), గణాంకాలు(Statistics)  సహా వివిధ గణిత అంశాలను పరిష్కరించగలదు.
• మెరుగైన వినియోగదారు అనుభవం కోసం ఇందులో వివిధ భాషల ఆప్షన్లు కూడా ఉన్నాయి.
• యాడ్స్ లేకుండా ఈ యాప్‌ను వాడేందుకు, అదనపు ఫీచర్‌ల కోసం వినియోగదారులు ‘ఫోటోమ్యాథ్ ప్లస్‌’లో సభ్యత్వాన్ని పొందొచ్చు.
• ఫోటోమ్యాథ్ యాప్‌ను  క్రొయేషియాలో డెవలప్ చేశారు. దీన్ని డెవలపర్లు 2014లో లాంచ్ చేశారు.
• Photomath యాప్‌కు ఇప్పటికే 10 కోట్లకుపైగా డౌన్‌లోడ్లు ఉన్నాయి. Google Play స్టోర్‌లో దీనికి 4.5 స్టార్ రేటింగ్‌ ఉంది.

Also Read :Kendriya Vidyalaya : కేంద్రీయ విద్యాలయాల్లో ఒకటో తరగతి అడ్మిషన్ ఇలా..