ఇప్పుడు స్మార్ట్ ఫోన్ల మార్కెట్ లో ఉన్న పోటీ అంతా ఇంతా కాదు. కొనుగోలుదారులను తమ వైపు లాగేందుకు స్మార్ట్ ఫోన్ల కంపెనీలు ఇస్తున్న ఆఫర్లు అన్నీ ఇన్నీ కావు. ఈ క్రమంలో తాజాగా చైనాకు చెందిన స్మార్ట్‌ఫోన్‌ దిగ్గజ కంపెనీ షావోమీ ప్రత్యేకంగా భారత వినియోగదారుల కోసం ఓ ప్రత్యేక ఆఫర్‌ను ప్రకటించింది. ఎంపిక చేసిన ఫోన్ల మోడళ్లపై యూట్యూబ్ ప్రీమియం సభ్యత్వాన్ని 3 నెలలు ఉచితంగా అందిస్తోంది.
ఆఫర్ వర్తించే షావోమి మోడళ్లు..
షావోమి లోని 12 Pro, 11i, 11i హైపర్ ఛార్జ్, 11T Pro మోడళ్ల కొనుగోలుపై 3 నెలలు ఫ్రీ యూట్యూబ్ ప్రీమియం వస్తుంది. షావోమి లోని Pad 5 తో పాటు Redmi లోని Note 11 Pro+, Note 11 Pro, Note 11, Note 11T, and Note 11S మోడళ్లపై 2 నెలలు ఫ్రీ యూట్యూబ్ ప్రీమియం వస్తుంది. ఈ ఆఫర్ 2023 జనవరి 31 వరకు అందుబాటులో ఉంటుంది.
యూట్యూబ్ ప్రీమియం బెనిఫిట్స్
* యూట్యూబ్ ప్రీమియం సబ్‌స్క్రిప్షన్‌ ను విడిగా మనం తీసుకోవాలంటే నెలకు రూ. 129 చెల్లించాలి.
* ఈ ఫోన్లు కొంటే మోడల్ ను బట్టి 2 నుంచి 3 నెలలు ఈ సర్వీస్ ఫ్రీ. అంటే రూ.250 నుంచి 350 దాకా ప్రయోజనం లభిస్తుంది.
* యూట్యూబ్ ప్రీమియం వినియోగదారులకు వెబ్‌ సిరీస్‌లు, షోలతో పాటు ప్రత్యేకమైన ఒరిజినల్స్ ఉంటాయి.
* యాడ్స్‌ లేకుండా వీడియోలు చూసుకోవచ్చు.
* యూట్యూబ్ యాప్‌ నుంచి బయటకు వచ్చినా బ్యాక్‌గ్రౌండ్‌లో ఆడియో వినొచ్చు.
* డిస్‌ప్లేపై పిక్చర్‌-ఇన్‌-పిక్చర్‌ మోడ్‌లో వీడియోలను చూసుకోవచ్చు.
* యూట్యూబ్ మ్యూజిక్‌ కూడా ఫ్రీ.
* ఆఫ్‌లైన్‌లో యూట్యూబ్ వీడియోలను 720P, 1080P వంటి హైరెజల్యూన్‌లో డౌన్‌లోడ్ చేసుకోవచ్చు.