ChatGPT ఆర్టిఫీషియల్ ఇంటెలిజెన్స్ టెక్నాలజీ తో కొత్త చరిత్ర లిఖించబోతోంది. మనం నిత్యం టచ్ లో ఉండే వాట్సాప్ లోనూ అది కొత్త ఒరవడిని సృష్టించబోతోంది. మనకు వాట్సాప్ లో ఒక ముఖ్యమైన హెల్ప్ చేయబోతోంది. అదేనండి.. వాట్సాప్ మెసేజ్ ల టైపింగ్ లోనూ ChatGPT మిమ్మల్ని గైడ్ చేసే రోజులు ఎంతో దూరంలో లేవు. మీకు వాట్సాప్ మెసేజ్ లు టైప్ చేయడం ఇష్టం లేకుంటే.. మీ కోసం ఆ పనిని చేయమని ChatGPT ని అడగొచ్చు. అయితే ఇందుకోసం WhatsApp లో ప్రత్యేకమైన ట్యాబ్ లేదు. అయితే వాట్సాప్ వినియోగదారులు GitHubని ఉపయోగించి WhatsApp తో ChatGPT ని లింక్ చేసుకోవచ్చు. ఈ ఇంటిగ్రేషన్ తర్వాత ChatGPT మీ తరపున వాట్సాప్ మెసేజ్ లకి రెస్పాండ్ అవుతుంది. మీ తరపున ఇతరులకు రిప్లై ఇస్తుంది. ఇప్పటివరకు google చేయలేకపోయిన ఈ హెల్ప్ ను ఇప్పుడు ChatGPT ఈవిధంగా వాట్సాప్ యూజర్లకు చేయబోతోంది. ChatGPT ఇచ్చే ఆన్సర్స్ కూడా చాలా రీజనబుల్ గా, లాజికల్ గా ఉంటాయని టెక్ నిపుణులు చెబుతున్నారు.
దీన్ని డౌన్ లోడ్ చేసుకునే క్రమంలో యాప్ స్టోర్లు, క్రోమ్ వెబ్ స్టోర్లలో కనిపించే నకిలీ ChatGPT WhatsApp అప్లికేషన్ల పట్ల మీరు జాగ్రత్తగా ఉండాలి. OpenAI లేదా Meta అధికారికంగా chatgptతో AI ఇంటిగ్రేషన్ ఇచ్చే యాప్ను ఇంకా ప్రారంభించలేదు.
చాట్ జీపీటీ (జనరేటివ్ ప్రీ-ట్రైన్డ్ ట్రాన్స్ఫార్మర్) అనేది ఓపెన్ ఏఐ చాట్ బాట్.. ఇది మీ ప్రశ్నలకు దాదాపు ఖచ్చితమైన సమాధానాలను ఇస్తుంది. దీని ప్రత్యేకత ఏంటంటే.. ఇది గూగుల్ వంటి మీ ప్రశ్నలకు సమాధానం ఇవ్వడానికి చాలా లింక్లను ఇవ్వదు. ఇందుకు బదులుగా ఇది నేరుగా మీ ముందు ఉన్న ప్రశ్నలకు సరైన సమాధానాలను అందిస్తుంది. ఈ సాధనం ద్వారా, మీరు ఏదైనా విషయంపై మంచి కథనానికి మీ కోసం వ్రాసిన సెలవు దరఖాస్తును పొందవచ్చు. ఇది మాత్రమే కాదు. మీరు మీ సమస్యలకు పరిష్కారాలను కూడా అతనిని అడగవచ్చు.
Also Read: Delhi: ఢిల్లీలో దట్టమైన పొగమంచు, దృశ్యమానత స్థాయి పడిపోయింది