Google Collections : ‘గూగుల్ కలెక్షన్స్’ ఫీచర్ గురించి తెలుసా ? దాన్ని ఎలా వాడాలో తెలుసా ? మన ఫొటోలు, వీడియోలు, వెబ్ పేజీలు ఇలా అన్ని రకాల డాక్యుమెంట్లను ఈజీగా సేవ్ చేసుకునేందుకు ఉపయోగపడే ఈ ఫీచర్‌పై విలువైన సమాచారంతో కథనమిది.
We’re now on WhatsApp. Click to Join
- గూగుల్ కలెక్షన్స్(Google Collections) ఫీచర్ ఆండ్రాయిడ్‌తో పాటు ఐఓఎస్ ప్లాట్ ఫామ్‌లోనూ పనిచేస్తుంది.
- యూట్యూబ్‌తో పాటు థర్డ్ పార్టీ యాప్‌లకు కూడా ఇది సపోర్ట్ చేస్తుంది.
- న్యూస్ స్టోరీస్‌ను నిత్యం చదివేవారు ఏదైనా న్యూస్‌కు సంబంధించిన యూఆర్ఎల్ లింకులను ‘గూగుల్ కలెక్షన్స్’లో దాచుకోవచ్చు. యూట్యూబ్‌లో నచ్చిన వీడియోల యూఆర్ఎల్ లింకులను సైతం ఇందులో సేఫ్‌గా దాచేయొచ్చు.
- మనకు ఆ సమాచారం అవసరమైనప్పుడు.. నేరుగా గూగుల్ కలెక్షన్స్‌లో వెళ్లి దాన్ని తీసుకోవచ్చు.
Also Read : Rahul Gandhi : బిలియనీర్ మిత్రుల కోసం రూ.16 లక్షల కోట్లు మాఫీ చేసిన మోడీ – రాహుల్
గూగుల్ కలెక్షన్స్ ఫీచర్‌‌ను ఎలా వాడాలి ?
- తొలుత గూగుల్ యాప్‌లోకి వెళ్లండి.
- గూగుల్ యాప్‌ లోపల దిగువ భాగంలో కుడి వైపున ‘సేవ్డ్’ అనే ఆప్షన్ కనిపిస్తుంది. దానిపై క్లిక్ చేయగానే కొత్త పేజీ వస్తుంది.
- కొత్త పేజీలో ‘క్రియేట్’ అనే ఆప్షన్ కనిపిస్తుంది. దాన్ని క్లిక్ చేయగానే.. మనకు ‘లింక్’, ‘ఆల్ సేవ్డ్ ఐటమ్స్’, ‘బ్లాంక్’ అనే మూడు ఆప్షన్లు కనిపిస్తాయి.
- మూడు ఆప్షన్లలో మనకు ఏది అవసరమైతే దాన్ని ఎంచుకోవాలి.
- వెబ్ సైట్ల యూఆర్ఎల్ లింకులు, యూట్యూబ్ వీడియోల యూఆర్ఎల్ లింకులను, ఫొటోల యూఆర్ఎల్ లింకులను సేవ్ చేసేందుకు ‘లింక్’ ఆప్షన్ ఉపయోగపడుతుంది.
- సేవ్ చేసిన అన్ని డాక్యుమెంట్స్‌ను చూసేందుకు ‘ఆల్ సేవ్డ్ ఐటమ్స్’ ఆప్షన్ ఉంటుంది.
- మనం సేవ్ చేసే ప్రతీ డాక్యుమెంటుకు కూడా ఒక పేరును పెట్టొచ్చు. ఇందుకోసం ‘యాడ్ నోట్’ అనే ప్రత్యేకమైన బాక్స్ ఉంటుంది.
- ‘బ్లాంక్’ అనే మరో సెక్షన్‌లో ‘నేమ్’ అనే ఆప్షన్ ఉంటుంది. మనం ఏదైతే సమాచారాన్ని సేవ్ చేయబోతున్నామో దాని టైటిల్‌ను అక్కడ పెట్టాలి. ‘యాడ్ ఏ డిస్క్రిప్షన్’ అనే మరో ఆప్షన్ కూడా అక్కడే ఉంటుంది. మనం సేవ్ చేయాలని భావించే సమాచారాన్ని 280 పదాల దాకా అందులో పేస్ట్ చేయాలి.