రోజురోజుకీ స్మార్ట్ వాచ్ వినియోగదారుల సంఖ్య విపరీతంగా పెరిగిపోతుండడంతో స్మార్ట్ వాచ్ లకు కూడా మార్కెట్లో డిమాండ్ భారీగా పెరుగుతోంది. దీంతో ఆయా కంపెనీలు కూడా మంచి మంచి ఫీచర్స్ కలిగిన స్మార్ట్ వాచ్ లను మార్కెట్ లోకి విడుదల చేస్తున్నాయి. ఇప్పటికే కొన్ని వందల స్మార్ట్ వాచ్ లు మార్కెట్లోకి విడుదలైన విషయం తెలిసిందే. ఈ నేపథ్యంలోనే బోట్‌ కంపెనీ మరో కొత్త స్మార్ట్ వాచ్‌ను విడుదల చేసింది. బోట్‌ స్టోర్మ్‌ కాల్ 2 అనే పేరుతో కొత్త స్మార్ట్ వాచ్ ను భారత మార్కెట్లోకి విడుదల చేసింది. ఇది ఫ్లిప్‌ కార్ట్‌లో సేల్ కు అందుబాటులో ఉంది. ఇకపోతే ఈ స్మార్ట్ వాచ్ ధర ఫీచర్ల విషయానికి వస్తే.. ఈ స్మార్ట్ వాచ్ లో 240 x 284 పిక్సెల్‌ల రిజల్యూషన్‌తో కూడిన 1.83 అంగుళాల హెచ్‌డీ డిస్‌ప్లే ఉంటుంది.
ఇది స్పష్టమైన, శక్తివంతమైన విజువల్స్‌ ను కూడా అందించనుంది. దీనిలో మరో ప్రత్యేకత ఏంటంటే గెస్చర్‌ ఫీచర్‌. ఇది వినియోగదారులు చేతి కదలికలకు ప్రతి స్పందిస్తుంది. దీనిలో ఇన్‌ బిల్ట్‌ మైక్రోఫోన్ స్పీకర్ అమర్చారు. అధిక-నాణ్యత బ్లూటూత్ కాలింగ్‌ను అందిస్తుంది. స్మార్ట్‌వాచ్‌లో ఇంటరాక్టివ్ డయల్-ప్యాడ్ కూడా ఉంది. దీని ద్వారా వినియోగదారులు కేవలం కాల్‌లకు సమాధానం ఇవ్వడానికి మాత్రమే పరిమితం కాకుండా ఇతరులకు కాల్స్‌ చేసే అవకాశం ఉంటుంది. ఫిట్‌నెస్ లక్ష్యాలను సాధించడం కోసం ఆన్‌బోర్డ్‌లో డిజిటల్ రివార్డ్ సిస్టమ్ కూడా ఉంది. వినియోగదారులు చురుకుగా ఉండటానికి, ఆరోగ్యకరమైన జీవనశైలిని కొనసాగించడానికి ప్రోత్సహిస్తుంది.
స్పోర్ట్స్ ఔత్సాహికులు క్రికెట్, ఫుట్‌బాల్ వంటివి లైవ్ స్కోర్‌లను అందిస్తారు. దీనిలో 1000 కంటే ఎక్కువ వాచ్ ఫేస్‌లతో, వినియోగదారులు వారి శైలి, ప్రాధాన్యతలకు అనుగుణంగా వారి స్మార్ట్‌వాచ్‌ను వ్యక్తిగతీకరించవచ్చు. ఈ బోట్‌ స్టార్మ్ కాల్ 2 అనేది క్రెస్ట్ యాప్ హెల్త్ ఎకో-సిస్టమ్‌లో భాగం, ఇది సమగ్రమైన ఆరోగ్య పర్యవేక్షణ ఫీచర్‌లను అందిస్తోంది. ఇది ఎస్పీఓ2 మోనిటరింగ్‌, హార్ట్‌ రేట్‌ మోనిటరింగ్‌. బ్రీథింగ్‌ ఎక్సర్‌సైజ్‌లు, స్లీప్‌ మోనిటరింగ్‌ ఫీచర్లు ఉన్నాయి. ఇది, వినియోగదారులు ఆరోగ్యాన్ని సమర్థవంతంగా ట్రాక్ చేయడానికి వీలు కల్పిస్తుంది.
ఈ స్మార్ట్‌వాచ్‌లో సిరి లేదా గూగుల్ అసిస్టెంట్ వంటి వాయిస్ అసిస్టెంట్ ఫీచర్‌లను కూడా పొందుపరిచారు. ఇది వినియోగదారులు విధులను నిర్వహించడానికి, వాయిస్ ఆదేశాల ద్వారా సమాచారాన్ని పొందడానికి అనుమతిస్తుంది. దీనిలోని బ్యాటరీ సింగిల్‌ చార్జ్‌పై 5 రోజుల వరకూ పనిచేస్తుంది. ఐపీ67 రేటింగ్‌తో దుమ్ము, చెమటను నిరోధిస్తుంది. ఇవే కాక మ్యూజిక్ కంట్రోల్, కెమెరా కంట్రోల్, స్టాప్‌వాచ్, అలారం, టైమర్ వంటి ఫంక్షనాలిటీలు ఉన్నాయి. ఈ స్మార్ట్ వాచ్ ధర కేవలం రూ. 1,299 గా ఉంది. జూలై 13 నుంచి ప్రముఖ ఈ-కామర్స్‌ ప్లాట్‌ ఫారం ఫ్లిప్‌ కార్ట్‌లో అమ్మకానికి అందుబాటులో ఉంది.