ప్రస్తుత రోజుల్లో ఆధార్ కార్డు అన్నది ఎంత కీలకంగా మారిందో మనందరికీ తెలిసిందే. ముఖ్యమైన డాక్యుమెంటల్ లలో ఆధార్ కార్డు కూడా ఒకటి. ప్రైవేట్ గవర్నమెంట్ ఇలా ప్రతి ఒక పనికి ఆధార్ కార్డు అన్నది తప్పనిసరి. గ్యాస్ సిలిండర్ నుంచి బ్యాంకు ఖాతాల వరకు ప్రతి ఒక్క విషయానికి ఆధార్ కార్డు అన్నది తప్పనిసరి. చివరికి మొబైల్ ఫోన్ సిమ్ కార్డు తీసుకోవాలి అన్నా కూడా ఆధార్ నెంబర్ తప్పనిసరిగా ఉండాల్సిందే. అయితే ఆధార్ నెంబర్ ను మనం వినియోగిస్తున్నప్పటికీ మనకి తెలియకుండా చాలామంది నేరగాళ్లు దుర్వినియోగం చేస్తున్నారు. మరి ముఖ్యంగా సిమ్ కార్డ్స్ తీసుకునే విషయంలో ఆధార్ ని దుర్వినియోగం చేస్తున్నారు.
అయితే ఒకవేళ సిమ్ కార్డు తీసుకోవడానికి మీ ఆధార్ నెంబర్ ను ఎవరైనా మీకు తెలియకుండా ఉపయోగించి ఉంటే అటువంటప్పుడు టెన్షన్ పడాల్సిన పనిలేదు. ఈజీగా మీ ఆధార్ నెంబర్ పై యాక్టివ్ గా ఉన్న సిమ్ ల వివరాలు తెలుసుకోవచ్చు. అంతే కాకుండా వెంటనే ఆ సిమ్ములపై రిపోర్ట్ చేసి వాటి సేవలను నిలిపి వేయవచ్చు. అయితే ఆధార్ నెంబర్ పై యాక్టివ్గా ఉన్న సిమ్ముల వివరాలు తెలుసుకోవడం కోసం కేంద్ర ప్రభుత్వం టాఫ్ కాఫ్ పేరుతో ఒక వెబ్ సైట్ ను ప్రారంభించింది. ఈ వెబ్సైట్ ద్వారా మన పేరుతో రిజిస్టర్ అయిన మొబైల్ కనెక్షన్లను ఈజీగా తెలుసుకోవచ్చు. టాఫ్ కాఫ్ వెబ్ సైట్ సేవలను ప్రస్తుతం కొన్ని రాష్ట్రాలకు మాత్రమే కేంద్ర ప్రభుత్వం పరిమితం చేసింది. అందులో తెలంగాణ, ఏపీ,కేరళ రాజస్థాన్,జమ్మూ కాశ్మీర్ లో మాత్రమే ఈ సేవలు అందుబాటులో ఉన్నాయి.
మరి మన ఆధార్ నెంబర్ పై ఏ సిమ్ములు ఉన్నాయో ఎలా తెలుసుకోవాలో ఇప్పుడు మనం తెలుసుకుందాం.. https://tafcop.dgtelecom.gov.in/ లోకి వెళ్లి మీ మొబైల్ నంబరును ఎంటర్‌ చేసి రిక్వెస్ట్‌ ఓటీపీ పై క్లిక్ చేయాలి. తరువాత మీ ఫోన్‌కు వచ్చిన ఓటీపీ ఎంటర్‌ చేసి వాలిడేట్‌ పై క్లిక్ చేయాలి. అప్పుడు మన ఆధార్ నంబర్ పై జారీ అయిన మొబైల్ నంబర్లు కనిపిస్తాయి. వాటిలో మీకు తెలియని నంబర్లు ఉంటే వెంటనే రిపోర్టు చేయొచ్చు. ముందుగా నంబర్ ఎంచుకుని దిస్‌ ఈజ్‌ నాట్‌ మై నంబర్, నాట్‌ రిక్వయిర్డ్‌, రిక్వయిర్డ్‌ ఆప్షన్లలో మీకు అవసరమైనది సెలెక్ట్‌ చేసుకొని, రిపోర్టు చేయాలి. వెంటనే ఫోన్‌కు సందేశం వస్తుంది.