Yuvraj Singh Birthday : యువరాజ్ సింగ్.. గురించి ప్రత్యేకంగా పరిచయం చేయాల్సిన అవసరం లేదు. ఆయన 2007 సంవత్సరంలో టీ-20 మ్యాచ్‌లో ఏకంగా 6 బంతుల్లో 6 సిక్సర్లు కొట్టి యావత్ ప్రపంచం చూపును తన వైపునకు తిప్పుకున్నారు. ఇవాళ యూవీ బర్త్‌డే. ఆయన 1981 సంవత్సరం డిసెంబర్ 12న చండీగఢ్‌లో జన్మించారు. యువరాజ్ 43వ వసంతంలోకి అడుగుపెట్టారు. ఈసందర్భంగా ఆయన కెరీర్‌తో ముడిపడిన కొన్ని ఆసక్తికర, స్ఫూర్తిదాయక విశేషాలను తెలుసుకుందాం..
Also Read :Judge Vs India Bloc : ‘‘హిందుస్తాన్’’ వ్యాఖ్యలు.. హైకోర్టు జడ్జిపై ‘ఇండియా’ కూటమి అభిశంసన తీర్మానం
- యువరాజ్(Yuvraj Singh Birthday) 13 ఏళ్ల వయసులో పంజాబ్ అండర్ -16 క్రికెట్ టీమ్ తరఫున ఆడాడు. 2000 సంవత్సరంలో అండర్- 19 ప్రపంచకప్ ఆడాడు.
- 2000 సంవత్సరంలోనే కెన్యాపై ఇండియా టీమ్ తరఫున యువరాజ్ అరంగేట్రం చేశాడు.
- కెరీర్ తొలినాళ్లలో ఫినిషర్‌గా, ఆ తర్వాత మిడిలార్డర్ బ్యాటర్‌గా, ఆల్‌రౌండర్‌గా భారత జట్టు విజయాల్లో యూవీ కీలకపాత్ర పోషించాడు.
- 17 ఏళ్ల పాటు టీమిండియా కోసం ఆడారు.
- టీమిండియా టీ20 ప్రపంచకప్ 2007, వన్డే ప్రపంచకప్ 2011 టైటిల్ సాధించిందంటే దానికి ప్రధాన కారణం యువరాజ్ సింగ్ అని చెప్పుకోవచ్చు.
- 2011 క్రికెట్ ప్రపంచ కప్‌లో యువరాజ్ సింగ్ “మ్యాన్ ఆఫ్ ద సిరీస్”గా ఎంపికయ్యాడు. 2011 క్రికెట్ ప్రపంచ కప్‌లో యువరాజ్ సింగ్ 362 పరుగులు చేయడంతో పాటు 15 వికెట్లు పడగొట్టాడు.
- ఇప్పటివరకు క్రికెట్ ప్రపంచకప్‌లలో ‘మ్యాన్ ఆఫ్ ద సిరీస్’ అవార్డులను గెలుచుకున్న భారతీయులు ఇద్దరే. వారు సచిన్ టెండూల్కర్, యువరాజ్ సింగ్.
- 2011 వరల్డ్‌కప్ అనంతరం ప్రాణాంతక క్యాన్సర్‌ బారిన పడిన యూవీ.. అమెరికాలో చికిత్స తీసుకుని దాని ముప్పు నుంచి బయటపడ్డారు.
- యూవీ 2012లో చివరిసారిగా టెస్టు మ్యాచ్‌ ఆడారు.
- 2017లో యూవీ ఆఖరి వన్డే, టీ20 ఆడారు.
- యువరాజ్ సింగ్ 2019 జూన్‌ 10న అంతర్జాతీయ క్రికెట్‌కు వీడ్కోలు పలికారు.
- అప్పటి నుంచి క్రికెట్ కామెంట్రీ చేస్తూ యూవీ సందడి చేస్తున్నాడు.
- యూవీ జీవితం యువ ఆటగాళ్లకు ఒక స్ఫూర్తి.
- 19 ఏళ్ల కెరీర్‌లో యూవీ 40 టెస్టులు, 304 వన్డేలు, 58 టీ20 మ్యాచ్‌లు ఆడారు.