MI vs RCB: ఢిల్లీని ‘ఢీ’ కొట్టేదెవరు..? నేడు ముంబై, బెంగ‌ళూరు జ‌ట్ల మ‌ధ్య ఎలిమినేట‌ర్ మ్యాచ్‌..!

Safeimagekit Resized Img (1) 11zon

MI vs RCB: మహిళల ప్రీమియర్ లీగ్ 2024 ఇప్పుడు చివరి దశకు చేరుకుంది. లీగ్ మ్యాచ్‌ల్లో అగ్రస్థానంలో నిలిచిన ఢిల్లీ నేరుగా ఫైనల్‌కు చేరుకుంది. కాగా మార్చి 15న ఎలిమినేటర్ మ్యాచ్ ముంబై ఇండియన్స్, రాయల్ ఛాలెంజర్స్ బెంగళూరు (MI vs RCB) మధ్య జరగనుంది. రాయల్ ఛాలెంజర్స్ బెంగుళూరుకు టైటిల్ గెలుచుకునే సువర్ణావకాశం ఉంది. అయితే దాని కోసం RCB ఎలిమినేటర్‌లో ముంబై ఇండియన్స్‌ను, ఫైనల్‌లో ఢిల్లీ క్యాపిటల్స్‌ను ఓడించాలి. ఐపీఎల్‌లో టైటిల్ కోసం 16 ఏళ్లుగా ఆర్‌సీబీ అభిమానులు ఎదురుచూస్తున్నా.. ఇంకా టైటిల్ గెలవలేకపోయారు. WPL 2024లో స్మృతి మంధాన‌ టైటిల్ గెలుచుకునే అవ‌కాశానికి ద‌గ్గ‌ర‌లో ఉంది.

16 ఏళ్ల నిరీక్షణకు తెరప‌డుతుందా..?

రాయల్ ఛాలెంజర్స్ బెంగళూరు 2008 నుంచి ఐపీఎల్‌లో పాల్గొంటోంది. ఈ జట్టు ఐపీఎల్‌లో మూడుసార్లు ఫైనల్స్‌ ఆడింది. కానీ టైటిల్ గెలవలేకపోయింది. RCB అభిమానులు చాలా కాలంగా టైటిల్ కోసం ఎదురు చూస్తున్నారు. కానీ ప్రతిసారీ వారు నిరాశకు గురవుతారు. ఇప్పుడు మ‌హిళ‌ల లీగ్‌లో స్మృతి మంధాన ఈసారి RCB అభిమానుల అంచనాలకు అనుగుణంగా, WPLలో టైటిల్ గెలుచుకునే అవకాశం ఉంది. అయితే ముంబై ఇండియన్స్‌, ఢిల్లీ క్యాపిటల్స్‌ను ఓడించడం ఆర్‌సీబీకి అతిపెద్ద సవాల్‌గా మార‌నుంది.

Also Read: India-Pakistan: భార‌త్ వ‌ర్సెస్ పాకిస్థాన్‌.. ఆసీస్‌ మాజీ కెప్టెన్ ఇంట్రెస్టింగ్ కామెంట్స్‌..!

ముంబై ఇండియన్స్‌పై RCB రికార్డు

WPL 2024 లీగ్ మ్యాచ్‌లలో RCB, ముంబై ఇండియన్స్ మధ్య రెండు మ్యాచ్‌లు జరిగాయి. అందులో ఒక మ్యాచ్ టై అయింది. ఈ సీజన్‌లో ఎం.చిన్నస్వామి స్టేడియంలో జరిగిన తొలి మ్యాచ్‌లో ముంబై 7 వికెట్ల తేడాతో ఆర్‌సీబీని ఓడించింది. ఢిల్లీలోని అరుణ్ జైట్లీ స్టేడియంలో మంధాన సైన్యం పునరాగమనం చేసి ముంబైని 7 వికెట్ల తేడాతో ఓడించింది. ఢిల్లీలో జరిగిన మ్యాచ్‌లో ఆర్‌సీబీ సీనియర్ ఆల్‌రౌండర్ ఎల్లీస్ పెర్రీ తన బౌలింగ్‌తో సంచలనం సృష్టించి ముంబైపై 6 వికెట్లు పడగొట్టి రికార్డు సృష్టించింది.

ముంబైని ఓడించడం అంత ఈజీ కాదు

RCB కోసం డూ-ఆర్ డై మ్యాచ్‌లో ఎల్లీస్ పెర్రీ బలమైన ప్రదర్శనతో RCB మ్యాచ్ గెలిచింది. పాయింట్ల పట్టికలో మూడవ స్థానంలో లీగ్ మ్యాచ్‌ను ముగించింది. కాగా పాయింట్ల పట్టికలో ముంబై ఇండియన్స్ 8 మ్యాచ్‌ల్లో 5 గెలిచి రెండో స్థానంలో నిలిచింది. ఎలిమినేటర్‌లో ఆర్‌సిబి ముంబై ఇండియన్స్‌ను ఓడించాలంటే.. టాప్ ఆర్డర్‌ను త్వరగా ఔట్ చేయాలి. యాస్తికా భాటియా, హేలీ మాథ్యూస్, హర్మన్‌ప్రీత్ కౌర్‌లలో ఎవరైనా బ్యాట్స్‌మెన్ చివరి ఓవర్ వరకు ఉంటే ట్రోఫీని గెలుచుకోవాలనే RCB కల చెదిరిపోయే అవ‌కాశముంది.

We’re now on WhatsApp : Click to Join