Hardik Pandya Contract: హార్దిక్ పాండ్యా కాంట్రాక్ట్ ఎందుకు రద్దు కాలేదు..? బీసీసీఐ స‌మాధానం ఇదే..!

Hardhik Pandya

Hardik Pandya Contract: ఇద్దరు టీమిండియా ఆటగాళ్లు ఇషాన్ కిషన్, శ్రేయాస్ అయ్యర్‌లను బిసిసిఐ తన సెంట్రల్ కాంట్రాక్ట్ నుండి తొలగించింది. దేశవాళీ క్రికెట్ ఆడనందుకు ఇద్దరు స్టార్లకు ఈ శిక్ష విధించినట్లు సమాచారం. ఇద్దరు ఆటగాళ్లు ఫిట్‌గా ఉన్నారు. కానీ పదేపదే హెచ్చరించినప్పటికీ ఇప్పటికీ దేశవాళీ క్రికెట్ ఆడలేదు. దీనికి సంబంధించి భారత మాజీ క్రికెటర్ ఇర్ఫాన్ పఠాన్ కూడా ఇషాన్ కిషన్, శ్రేయాస్ అయ్యర్‌లతో ఒప్పందం కుదుర్చుకోని బీసీసీఐ.. హార్దిక్ పాండ్యా (Hardik Pandya Contract)తో ఎలా ఒప్పందం కుదుర్చుకుందని ప్రశ్నలను లేవనెత్తాడు. పాండ్యా కూడా చాలా కాలంగా దేశవాళీ క్రికెట్ ఆడడం లేదు. ఈ ప్రశ్నకు బీసీసీఐ వర్గాలు సమాధానమిచ్చాయి. హార్దిక్ కాంట్రాక్ట్ క్యాన్సిల్ కాకపోవడానికి కారణం ఏమిటో పేర్కొన్నాయి.

హార్దిక్ ఒప్పందంపై ఇర్ఫాన్ పఠాన్ ప్రశ్నలు

హార్దిక్ పాండ్యాతో ఒప్పందంపై ఇర్ఫాన్ పఠాన్ లేవనెత్తిన ప్రశ్నలు నిన్నటి నుంచి హెడ్ లైన్స్ లో ఉన్నాయి. సోషల్ మీడియాలో అభిమానులు కూడా ఇర్ఫాన్ ఈ ప్రశ్నల‌కు మద్దతు ఇస్తున్నారు. సమాధానం తెలుసుకోవాలనుకుంటున్నారు. ICC ప్రపంచ కప్ 2023 సమయంలో హార్దిక్ గాయపడ్డాడు. దీని కారణంగా ఆటగాడు మొత్తం టోర్నమెంట్ నుండి తప్పుకోవాల్సి వచ్చింది. అప్పటి నుంచి భారత జట్టులో పాండ్యా కనిపించలేదు. హార్దిక్ చాలా కాలం క్రితం కోలుకున్నాడు. మైదానంలో ప్రాక్టీస్ కూడా చేస్తున్నాడు. కానీ ఇప్పటికీ వారు దేశవాళీ క్రికెట్ ఆడలేదు. బీసీసీఐ కాంట్రాక్ట్ వెలువడినప్పటి నుంచి ఈ ప్రశ్న వార్తల్లో నిలుస్తోంది. ఇప్పుడు ఈ ప్రశ్నకు బీసీసీఐ అధికారిక వర్గాలు సమాధానమిచ్చాయి.

Also Read: Team India Future: కోహ్లీ, రోహిత్ తర్వాత కుర్రాళ్ళదే టీమిండియా

హార్దిక్ కాంట్రాక్ట్ ఎందుకు రద్దు కాలేదు?

ఇండియన్ ఎక్స్‌ప్రెస్‌తో మాట్లాడుతూ బీసీసీఐ అధికారి ఒకరు ఈ ప్రశ్నకు సమాధానం ఇచ్చారు. దేశవాళీ క్రికెట్ ఆడే విషయమై హార్దిక్ పాండ్యాతో మాట్లాడామని చెప్పాడు. బీసీసీఐ వైద్య బృందం ప్రకారం.. రెడ్ బాల్ క్రికెట్‌లో బౌలింగ్ చేయడానికి పాండ్యా ఇంకా పూర్తిగా ఫిట్‌గా లేడు. ఈ కారణంగానే ప్రస్తుతం పాండ్యాకు ఫస్ట్ క్లాస్ క్రికెట్ ఆడే ఫార్ములా సరిపోవడం లేదు. అందుకే అతను భారత జట్టుకు ఆడనప్పుడు సయ్యద్ ముస్తాక్ అలీ T20, విజయ్ హజారే ట్రోఫీలో బరోడా కోసం వైట్ బాల్ క్రికెట్ ఆడ‌తాడ‌ని పేర్కొన్నారు. ఒకవేళ పాండ్యా తాను ఇచ్చిన హామీని నెరవేర్చకుంటే బీసీసీఐ అతనితో ఒప్పందాన్ని కూడా రద్దు చేసుకుంటుందని ఆ అధికారి తెలిపారు.

We’re now on WhatsApp : Click to Join