ఐపీఎల్‌లో నేడు రసవత్తరమైన మ్యాచ్ జరగనుంది. ఆదివారం రాత్రి 7.30 గంటలకు బెంగళూరులోని ఎం. చిన్నస్వామి స్టేడియంలో ముంబై ఇండియన్స్, రాయల్ ఛాలెంజర్స్ బెంగళూరు (RCB vs MI) జట్ల మధ్య ఈ మ్యాచ్ జరగనుంది. ముంబై ఇండియన్స్ జట్టు తమ గత ఐపిఎల్ సీజన్‌లో ప్రదర్శనను మరచిపోయి విజయంతో ప్రారంభించాలని చూస్తుండగా, RCB మునుపటి సీజన్‌లో ప్రదర్శనను కొనసాగించడానికి, దానిని మరింత మెరుగుపరచడానికి ప్రయత్నిస్తుంది.
ఐపీఎల్ చివరి సీజన్‌లో ముంబై ఇండియన్స్ పాయింట్ల పట్టికలో చివరి స్థానంలో నిలిచింది. మరోవైపు RCB జట్టు ప్లేఆఫ్‌కు చేరుకుంది. కానీ ఫైనల్స్‌కు చేరుకోలేకపోయింది. ముంబై ఇండియన్స్ అత్యధిక సార్లు IPL ట్రోఫీని గెలుచుకున్నారని, RCB ఇప్పటికీ తన మొదటి ట్రోఫీ కోసం ఎదురుచూస్తోందని క్రికెట్ అభిమానులకు తెలిసిందే.
Also Read: Former India Allrounder: టీమిండియా మాజీ క్రికెటర్ కన్నుమూత
ముంబై ఇండియన్స్, రాయల్ ఛాలెంజర్స్ బెంగళూరు జట్ల మధ్య జరిగే తొలి మ్యాచ్‌లో ఇరు జట్లలోని పలువురు కీలక ఆటగాళ్లు గైర్హాజరు కానున్నారు. జస్ప్రీత్ బుమ్రా, రిచర్డ్‌సన్ మొత్తం సీజన్‌కు ముంబై ఇండియన్స్ నుండి తొలగించబడినప్పటికీ, జోఫ్రా ఆర్చర్ మొదటి మ్యాచ్‌లోకి వచ్చే విషయంపై సందేహం నెలకొంది. మరోవైపు వనిందు హసరంగా, రజత్ పాటిదార్, జోష్ హేజిల్‌వుడ్‌లు RCBకి దూరంగా ఉన్నారు. వనిందు ప్రస్తుతం న్యూజిలాండ్‌లో టీ20 సిరీస్ ఆడుతోంది. రజత్ పాటిదార్ గాయం కోలుకోవడం కోసం NCAలో ఉన్నాడు. హేజిల్‌వుడ్ కూడా గాయం కారణంగా ప్రారంభ మ్యాచ్‌లకు దూరమయ్యాడు.
ఇప్పటి వరకు రాయల్ ఛాలెంజర్స్ బెంగళూరు, ముంబై ఇండియన్స్ జట్ల మధ్య జరిగిన ఐపీఎల్ మ్యాచ్‌ల గణాంకాలను పరిశీలిస్తే.. ఆర్సీబీ, ముంబై ఇండియన్స్ మధ్య ఇప్పటి వరకు 32 మ్యాచ్‌లు జరిగాయి. ఈ 32 మ్యాచ్‌ల్లో ముంబై 19 విజయాలు సాధించగా, ఆర్సీబీ 12 మ్యాచ్‌ల్లో విజయం సాధించింది. ఐపీఎల్‌లో ముంబై ముందు బెంగుళూరు జట్టు తడబడుతున్నట్లు ఈ లెక్కలు చెబుతున్నాయి.