Mayank Yadav: లక్నో గెలుపులో కీల‌క పాత్ర పోషించిన అరంగేట్ర బౌల‌ర్‌ మయాంక్ యాదవ్..!
అనంతరం పంజాబ్ జట్టు 178 పరుగులు మాత్రమే చేయగలిగింది. లక్నో తరఫున అరంగేట్రం చేసిన మయాంక్ యాదవ్ (Mayank Yadav) అద్భుతంగా బౌలింగ్ చేశాడు.
- Written By: Gopichand
- Publish Date - March 31, 2024 / 06:55 AM IST
Mayank Yadav: ఉత్కంఠభరితంగా సాగిన మ్యాచ్‌లో లక్నో సూపర్ జెయింట్స్ 21 పరుగుల తేడాతో పంజాబ్ కింగ్స్‌ను ఓడించింది. తొలుత బ్యాటింగ్ చేసిన లక్నో 199 పరుగులు చేసింది. అనంతరం పంజాబ్ జట్టు 178 పరుగులు మాత్రమే చేయగలిగింది. లక్నో తరఫున అరంగేట్రం చేసిన మయాంక్ యాదవ్ (Mayank Yadav) అద్భుతంగా బౌలింగ్ చేశాడు. అరంగేట్రం మ్యాచ్‌లోనే 3 వికెట్లు తీశాడు. మొద‌ట్లో పంజాబ్‌కు మ్యాచ్ అనుకూలంగా ఉంది. కానీ మయాంక్ గేమ్ ఛేంజర్ అని నిరూపించుకున్నాడు. పంజాబ్ నుంచి విజయాన్ని లాగేసుకున్నాడు.
లక్నో ఇచ్చిన లక్ష్యాన్ని చేధించే క్ర‌మంలో పంజాబ్ జట్టుకు శిఖర్ ధావన్, జానీ బెయిర్‌స్టో ఓపెనర్లు వచ్చారు. ఈ సమయంలో వీరిద్దరి మధ్య మంచి భాగస్వామ్యం కుదిరింది. పంజాబ్ 11 ఓవర్లకు ఒక్క వికెట్ కూడా పడనివ్వలేదు. జట్టు స్కోరు కూడా ఎక్కువగానే ఉంది. అయితే తర్వాత మయాంక్ బౌలింగ్‌కు వ‌చ్చాడు. 12వ ఓవర్ నాలుగో బంతికి జట్టుకు తొలి వికెట్ అందించాడు. బెయిర్‌స్టో 29 బంతుల్లో 42 పరుగులు చేసి ఔటయ్యాడు. దీని తర్వాత మయాంక్ బౌలింగ్‌తో రెచ్చిపోయాడు.
Also Read: LSG vs PBKS: లక్నో కు తొలి విజయం… చేజింగ్ లో ఓడిన పంజాబ్ కింగ్స్
మయాంక్ గేమ్ ఛేంజర్ అని నిరూపించుకున్నాడు
మయాంక్ లక్నోకు గేమ్ ఛేంజర్ అని నిరూపించాడు. పంజాబ్ 11 ఓవర్లకు ఒక్క వికెట్ కూడా కోల్పోకుండా ఉండగా, ఆ జట్టు ఒకదాని తర్వాత ఒకటి వికెట్లు కోల్పోవడం ప్రారంభించింది. బెయిర్‌స్టో తర్వాత మయాంక్ ప్రభ్‌సిమ్రాన్ సింగ్‌ను ఔట్ చేశాడు. 7 బంతుల్లో 19 పరుగులు చేసి ప్రభాసిమ్రన్ క్యాచ్ ఔట్ అయ్యాడు. ఆ తర్వాత జితేష్ శర్మ వంతు వచ్చింది. మయాంక్ 16వ ఓవర్ నాలుగో బంతికి జితేష్‌కు పెవిలియన్ దారి చూపించాడు. కేవలం 6 పరుగులకే ఔటయ్యాడు. ఈ విధంగా మయాంక్ మ్యాచ్ మొత్తం గమనాన్నే మార్చేశాడు.
We’re now on WhatsApp : Click to Join
పంజాబ్ కింగ్స్ 21 పరుగుల తేడాతో ఓడిపోయింది
102 పరుగుల స్కోరు వద్ద పంజాబ్ తొలి వికెట్ కోల్పోయింది. 128 పరుగుల వద్ద రెండో వికెట్ పడింది. 139 పరుగుల వద్ద మూడో వికెట్ పడిపోయింది. 141 పరుగుల వద్ద నాలుగో వికెట్ పడిపోయింది. 70 పరుగుల అద్భుతమైన ఇన్నింగ్స్ తర్వాత ధావన్ ఔటయ్యాడు. శామ్ కుర్రాన్ ఖాతా కూడా తెరవలేకపోయాడు. దీంతో పంజాబ్ నిర్ణీత 20 ఓవర్లలో 5 వికెట్ల నష్టానికి 178 పరుగులు చేసింది. దీంతో 21 పరుగుల తేడాతో ఓటమి చవిచూడాల్సి వచ్చింది.