Sanjay Manjrekar: “బ్యాటింగ్ కోచ్ ఏం చేస్తున్నాడు?” – భారత జట్టు టాప్ ఆర్డర్ వైఫల్యంపై సంజయ్ మంజ్రేకర్ ప్రశ్నల వర్షం

Sanjay Manjrekar: ఆస్ట్రేలియాతో జరుగుతున్న బ్రిస్బేన్ మూడో టెస్టు మూడో రోజున భారత బ్యాటింగ్ మరోసారి ఘోరమైన ప్రదర్శనను ఇచ్చింది. ఈ సందర్భంగా భారత జట్టు బ్యాటింగ్ కోచ్ పాత్రపై మాజీ క్రికెటర్ మరియు వ్యాఖ్యాత సంజయ్ మంజ్రేకర్ తీవ్ర విమర్శలు గుప్పించారు భారత జట్టుకు ప్రత్యేక బ్యాటింగ్ కోచ్ లేకపోయినా, అసిస్టెంట్ కోచ్ అభిషేక్ నాయర్ బ్యాటింగ్ టెక్నిక్స్‌ను మెరుగుపర్చడం మరియు ఆటగాళ్లతో నెట్ ప్రాక్టీస్ నిర్వహించడం వంటి బాధ్యతలను చేపడుతున్నారు. ప్రధాన కోచ్ గౌతమ్ గంభీర్ నేతృత్వంలో మరో అసిస్టెంట్ కోచ్ రియాన్ టెన్ డోస్చేట్, బౌలింగ్ కోచ్ మోర్నే మోర్కెల్, ఫీల్డింగ్ కోచ్ టీ దిలీప్ పనిచేస్తున్నారు.

భారత టాప్ ఆర్డర్ వైఫల్యం:

వర్షం వల్ల అడ్డంకిగా మారిన మూడో రోజు భారత జట్టు స్కోర్ 48/4 గా నిలిచింది. యశస్వి జైస్వాల్, శుభ్‌మన్ గిల్, విరాట్ కోహ్లీ మరియు రిషభ్ పంత్ ఆటగాళ్లంతా ఆస్ట్రేలియా పేసర్ల బౌలింగ్‌లో బాడీకి దూరంగా షాట్లు ఆడటంతో ఔటయ్యారు.

ఆటగాళ్ల ప్రదర్శన:

యశస్వి జైస్వాల్: పర్త్ టెస్టులో 161 పరుగులతో అదరగొట్టినా, మిగతా నాలుగు ఇన్నింగ్స్‌లో కేవలం 28 పరుగులు చేశారు. ఇందులో రెండు డకౌట్లు కూడా ఉన్నాయి.
విరాట్ కోహ్లీ: పర్త్ టెస్టులో 100 పరుగులతో సెంచరీ కొట్టిన విరాట్, మిగతా ఇన్నింగ్స్‌లో 5, 7, 11 మరియు 3 స్కోర్లు మాత్రమే చేశారు.
శుభ్‌మన్ గిల్: గాయం కారణంగా పర్త్ టెస్టు మిస్ అయిన గిల్, అడిలైడ్ టెస్టులో అవకాశాలను సద్వినియోగం చేసుకోలేకపోయాడు. బ్రిస్బేన్ మొదటి ఇన్నింగ్స్‌లో మిచెల్ స్టార్క్ బౌలింగ్‌లో తేలికపాటి డ్రైవ్ ప్రయత్నించి 3 పరుగులకే ఔటయ్యాడు.
రిషభ్ పంత్: దూకుడైన బ్యాటింగ్ తరహా ఉన్నప్పటికీ పంత్ ఇప్పటివరకు ఐదు ఇన్నింగ్స్‌ల్లో కేవలం 97 పరుగులు మాత్రమే చేశారు.
కేఎల్ రాహుల్ స్థిరమైన ప్రదర్శన
ఓపెనర్ కేఎల్ రాహుల్ మాత్రమే ఈ సిరీస్‌లో భారత బ్యాటింగ్‌లో నిలకడగా ఆడిన ఆటగాడు. మొదటి రెండు టెస్టుల్లో 147 పరుగులు చేశాడు. బ్రిస్బేన్ టెస్టులో కూడా మంచి ప్రారంభాన్ని అందించాడు.

సంజయ్ మంజ్రేకర్ ట్వీట్

భారత బ్యాటింగ్ విఫలతపై సంజయ్ మంజ్రేకర్ X (మాజీ ట్విట్టర్) వేదికగా స్పందిస్తూ ఇలా ప్రశ్నించారు:”భారత జట్టులో బ్యాటింగ్ కోచ్ పాత్రను సీరియస్‌గా పరిగణించాల్సిన సమయం వచ్చింది. కొందరు బ్యాట్స్‌మెన్లలో ప్రధాన టెక్నికల్ సమస్యలు ఇంతకాలం ఎందుకు పరిష్కారమవ్వలేదు?”వాటిపై దృష్ఠి పెట్టల్సిన అవసరం ఎంతైనా ఉంది..
భారత బ్యాటింగ్ యూనిట్ టెక్నికల్ లోపాలతో కష్టాల్లో పడుతుండటం, వీటిని సరిదిద్దేలా సరైన మార్గదర్శకత్వం లేకపోవడం ఇప్పుడు చర్చనీయాంశమైంది. ఇది బ్యాటింగ్ కోచ్ మరియు సహాయక సిబ్బంది పనితీరుపై ప్రశ్నలు లేవనెత్తుతోంది.