Virat Kohli: టీమిండియా వెటరన్ బ్యాట్స్మెన్ విరాట్ కోహ్లీ (Virat Kohli) 13 ఏళ్ల తర్వాత రంజీ ట్రోఫీలో పునరాగమనం చేస్తున్నాడు. రంజీకి కోహ్లి పునరాగమనంతో అందరూ చాలా ఉత్సాహంగా కనిపిస్తున్నారు. ఢిల్లీ తరఫున రంజీల్లో ఆడుతున్న కోహ్లీని చూసేందుకు అభిమానులు కూడా ఆసక్తిగా ఎదురుచూస్తున్నారు. జనవరి 30 నుంచి ఢిల్లీ, రైల్వేస్ మధ్య జరగనున్న మ్యాచ్ కోసం విరాట్ కూడా అరుణ్ జైట్లీ స్టేడియంలో ప్రాక్టీస్ ప్రారంభించాడు. అయితే నిన్న ప్రాక్టీస్ సమయంలో విరాట్ ఒక చిన్న పిల్లవాడితో సంభాషించిన వీడియో సోషల్ మీడియాలో వైరల్ అవుతోంది.
రంజీ కోసం విరాట్ కోహ్లీ నిన్న ప్రాక్టీస్ కోసం ఢిల్లీలోని అరుణ్ జైట్లీ స్టేడియంకు చేరుకున్నప్పుడు అక్కడ తన చిన్ననాటి స్నేహితుడు షావేజ్ను కలిశాడు. షావెజ్, విరాట్ కోహ్లీ కలిసి జూనియర్ క్రికెట్ ఆడారు. ఈ సందర్భంగా షావెజ్ తన కుమారుడు కబీర్ను కోహ్లీకి పరిచయం చేశాడు. కోహ్లి కబీర్తో చాలా సేపు మాట్లాడాడు.
A beautiful little chat between Virat Kohli and a young kid. ❤️ pic.twitter.com/raeR7gUyiy
— Mufaddal Vohra (@mufaddal_vohra) January 29, 2025
ఈ సమయంలో కబీర్.. భారత క్రికెటర్గా మారడానికి మీరు ఏమి చేయాలి అని కోహ్లీని అడిగాడు. దీనిపై కోహ్లి స్పందిస్తూ.. మీరు చాలా కష్టపడాల్సి ఉంటుందని సమాధానం ఇచ్చాడు. ఎవరైనా ఒక గంట ప్రాక్టీస్ చేస్తే మీరు 2 గంటలు ప్రాక్టీస్ చేయాల్సి ఉంటుందని చెప్పాడు. కోహ్లీ, చిన్న పిల్లాడి మధ్య జరిగిన ఈ సంభాషణకు సంబంధించిన వీడియో ఇప్పుడు సోషల్ మీడియాలో వైరల్ అవుతోంది.
Also Read: National Puzzle Day : మెదడుకు మేత.. నేషనల్ పజిల్ డే చరిత్ర, ప్రాముఖ్యత తెలుసా..?
ఆయుష్ బదోని కెప్టెన్సీలో కోహ్లీ ఆడనున్నాడు
ఈసారి రంజీ ట్రోఫీలో ఢిల్లీ జట్టుకు యువ ఆటగాడు ఆయుష్ బదోనీ కెప్టెన్గా వ్యవహరిస్తున్నాడు. డిడిసిఎ కోహ్లీకి ఢిల్లీ కెప్టెన్సీని ఆఫర్ చేసినప్పటికీ విరాట్ అందుకు నిరాకరించాడు. కోహ్లి ఇప్పుడు ఆయుష్ బదోని కెప్టెన్సీలో ఆడబోతున్నాడు. విరాట్ చివరిసారిగా 2012లో ఢిల్లీ తరఫున రంజీ మ్యాచ్ ఆడాడు. ఇప్పుడు రెడ్ బాల్ క్రికెట్లో పేలవ ప్రదర్శన తర్వాత విరాట్ మరోసారి రంజీ వైపు మొగ్గు చూపాడు. రంజీ తర్వాత కోహ్లీ ఇంగ్లాండ్తో జరగబోయే వన్డే సిరీస్, ఛాంపియన్స్ ట్రోఫీ 2025లో కనిపించనున్నాడు.