Virat Kohli: మార్చి 2న భారత్, న్యూజిలాండ్ మధ్య మ్యాచ్ జరగనుంది. ఇప్పటికే ఇరు జట్లు సెమీఫైనల్‌కు చేరుకున్నాయి. అయితే ఈ మ్యాచ్ చాలా కీలకం కానుంది. ఎందుకంటే గ్రూప్‌-ఎలో భారత్, న్యూజిలాండ్ రెండూ అగ్రస్థానంలో నిలవాలనుకుంటున్నాయి. న్యూజిలాండ్‌పై భారత్ రికార్డు చాలా దారుణంగా ఉంది. వీటన్నింటి మధ్య విరాట్ కోహ్లి ఎన్నో రికార్డులపై కన్నేశాడు. న్యూజిలాండ్‌తో మ్యాచ్‌లో కోహ్లీ (Virat Kohli) అనేక రికార్డుల‌ను క్రియేట్ చేయ‌గ‌ల‌డు. పాక్‌ బౌలర్లను చిత్తు చేసిన విరాట్ ఇప్పుడు న్యూజిలాండ్‌పై కూడా రాణిస్తాడని భావిస్తున్నారు. దుబాయ్‌లో మరో భారీ రికార్డు సృష్టించే సువర్ణావకాశం విరాట్‌కు దక్కనుంది. కోహ్లి మరో అర్ధ సెంచరీ సాధిస్తే శిఖర్ ధావన్ ఆల్ టైమ్ రికార్డును బద్దలు కొడతాడు.
ప్రస్తుతం ఛాంపియన్స్ ట్రోఫీ చరిత్రలో భారత్ తరఫున అత్యధిక పరుగులు చేసిన ఆటగాడిగా శిఖర్ ధావన్ రికార్డు సృష్టించాడు. ఈ టోర్నీలో ఆడిన 10 ఇన్నింగ్స్‌ల్లో గబ్బర్ 77.88 సగటుతో మొత్తం 701 పరుగులు చేశాడు. ఈ క్రమంలో ధావన్ మూడు సెంచరీలు కూడా చేశాడు. ప్రస్తుతం ఈ జాబితాలో విరాట్ మూడో స్థానంలో ఉన్నాడు. ఛాంపియన్స్ ట్రోఫీలో ఇప్పటివరకు ఆడిన 14 ఇన్నింగ్స్‌ల్లో కోహ్లి 93 సగటుతో 651 పరుగులు చేశాడు.
Also Read: Skype: 22 ఏళ్ల స్కైప్ సేవ‌ల‌కు గుడ్ బై చెప్ప‌నున్న మైక్రోసాఫ్ట్‌!
న్యూజిలాండ్‌పై విరాట్ 52 పరుగులు చేయడంలో విజయవంతమైతే ఈ టోర్నీలో టీమిండియా తరఫున అత్యధిక పరుగులు చేసిన బ్యాట్స్‌మెన్‌గా రికార్డుల్లోకి ఎక్క‌నున్నాడు. అంటే కేవలం ఒక్క అర్ధ సెంచరీతో కోహ్లి గబ్బర్‌ను అధిగ‌మించే అవ‌కాశం ఉంది. 11 ఇన్నింగ్స్‌ల్లో 665 పరుగులు చేసిన సౌరవ్ గంగూలీ ఈ జాబితాలో రెండో స్థానంలో ఉన్నాడు. ఐదు పరుగులు చేసిన తర్వాత కోహ్లీ.. గంగూలీ కంటే ముందుంటాడు.
విరాట్ కోహ్లీ బ్యాట్ పాకిస్థాన్ పై ఘాటుగా మాట్లాడింది. కోహ్లీ తన పాత ఫామ్‌లో కనిపించి పొరుగు దేశ బౌలర్లపై విరుచుకుపడ్డాడు. విరాట్ అద్భుతంగా బ్యాటింగ్ చేసి 111 బంతుల్లో 100 పరుగులతో బలమైన ఇన్నింగ్స్ ఆడాడు. ఈ ఇన్నింగ్స్‌లో కింగ్ కోహ్లీ 7 ఫోర్లు కొట్టాడు. చివరి వరకు క్రీజులో నిలిచిన విరాట్ ఖుష్దిల్ వేసిన బంతికి ఫోర్ కొట్టి 6 వికెట్ల తేడాతో టీమిండియా విజయాన్ని అందించాడు. శుభ్‌మన్ గిల్‌తో కలిసి కోహ్లీ రెండో వికెట్‌కు 69 పరుగుల భాగస్వామ్యాన్ని నెలకొల్పగా, శ్రేయాస్ అయ్యర్‌తో కలిసి అతను మూడో వికెట్‌కు 114 పరుగులు జోడించాడు.