Virat Kohli: కింగ్ అని పిలిస్తే నాకు నచ్చదు.. విరాట్ అని పిలిస్తేనే నాకు ఇష్టం: కోహ్లీ

విరాట్ కోహ్లీ (Virat Kohli) ఈ తరంలో అత్యుత్తమ వైట్-బాల్ క్రికెటర్ అని చెప్పడంలో ఎటువంటి సందేహం లేదు. కోహ్లీని తన అభిమానులు తరచుగా ‘కింగ్’ అని పిలుస్తారు. ఆర్‌సిబి ఇన్‌సైడర్ సెషన్‌లో కోహ్లీ ‘కింగ్’గా పేర్కొనడంపై మౌనం వీడాడు. కింగ్ అని అభిమానులు తనని ప్రేమగా పిలుస్తారని, కింగ్ అనే పదం ఎక్కడ నుండి వస్తుందో తనకు తెలుసు కానీ అది ఇష్టం లేదని చెప్పాడు. “అభిమానులు అలా ఎందుకు పిలుస్తున్నారో నాకు తెలుసు. కానీ నేను దానిని ఇష్టపడను. నా స్వంత పేరుతో విరాట్ అని పిలవడం నాకు ఇష్టం’ అని ఆర్‌సిబి ఇన్‌సైడర్ షోలో కోహ్లీ చెప్పాడు. “అభిమానులు ప్రేమతో నన్ను కింగ్ అని పిలుస్తారు. కానీ నేను వ్యక్తిగతంగా దానిని ఇష్టపడను. ‘ఈ సలా కప్ నామ్‌దే’ లాగా, ‘కింగ్’ అని చెప్పకండి” అని కోహ్లీ చెప్పాడు.

Also Read: MS Dhoni: చెన్నై బౌలర్లకు వార్నింగ్ ఇచ్చిన ధోనీ.. ఇలానే చేస్తే కొత్త కెప్టెన్ కింద ఆడాల్సి ఉంటుందని హెచ్చరిక..!

ఐపీఎల్ చరిత్రలో అత్యధిక పరుగులు చేసిన రికార్డు విరాట్ కోహ్లీ పేరిట ఉంది. అతను ఇప్పటివరకు 215 ఇన్నింగ్స్‌లలో 36.19 సగటుతో 6624 పరుగులు చేశాడు. ఈ సమయంలో కోహ్లీ బ్యాట్‌లో 5 సెంచరీలు కూడా ఉన్నాయి. ఆదివారం ముంబై ఇండియన్స్‌తో జరిగిన మ్యాచ్‌లో విరాట్ కోహ్లీ 49 బంతుల్లో 82 పరుగులు చేశాడు. అతని ఇన్నింగ్స్‌లో విరాట్ 6 ఫోర్లు, 5 సిక్సర్లు కొట్టాడు. ఇన్నింగ్స్ ప్రారంభించిన విరాట్ కోహ్లీ, ఫాఫ్ డు ప్లెసిస్‌తో కలిసి తొలి వికెట్‌కు 148 పరుగుల భాగస్వామ్యాన్ని నెలకొల్పాడు. కెప్టెన్ డు ప్లెసిస్ 43 బంతుల్లో 73 పరుగులు చేసి ఔటయ్యాడు. అతని ఇన్నింగ్స్‌లో 5 ఫోర్లు, 6 సిక్సర్లు బాదాడు.