రెండు దశాబ్దాల పాటు టెన్నిస్ ప్రపంచాన్ని ఏలిన గొప్ప ఆటగాడు రోజర్ ఫెదరర్ రిటైర్మెంట్ ప్రకటించాడు. 20 గ్రాండ్ స్లామ్ టైటిళ్లను గెలుచుకున్న ఈ వెటరన్ ఈ ఏడాది లేబర్ కప్ తర్వాత క్రీడల నుంచి తప్పుకోవాలని నిర్ణయించుకున్నాడు. సోషల్ మీడియాలో ఓ వీడియోను విడుదల చేస్తూ తన అభిప్రాయాన్ని అభిమానుల ముందుకు తీసుకెళ్లాడు.
తన రిటైర్మెంట్ను ప్రకటిస్తూ ఫెదరర్ వీడియోను విడుదల చేశాడు. ఇందులో ఆయన మాట్లాడుతూ.. ‘‘నా వయసు 41 ఏళ్లు, గత 24 ఏళ్లలో నేను 1500కు పైగా మ్యాచ్లు ఆడాను, టెన్నిస్ నాకు ఊహించిన దానికంటే ఎక్కువే ఇచ్చింది. నాప్రొఫెషనల్ టెన్నిస్ కెరీర్ ఇంతటితో ముగిసింది అంటూ ట్వీట్ చేశాడు. కాగా గత రెండేళ్ల కాలంలోనే ఫెదరర్ మూడు సార్లు మోకాలి ఆపరేషన్లు చేయించుకున్నాడు. ఫెదరర్ తన ఆదాయంలో కొంత సామాజిక సేవా కార్యక్రమాలకు వినియోగిస్తుంటారు. ఫెదరర్ ఇచ్చిన విరాళాలతో ప్రపంచ వ్యాప్తంగా ఎన్నో కార్యక్రమాలు నిర్వహిస్తున్నారు.
2009లో 14 గ్రాండ్ స్లామ్ టైటిల్స్ నెగ్గిన సంప్రాస్ రికార్డును ఫెదరర్ బద్దలు కొట్టాడు. అయితే, దీని తర్వాత అతను స్పెయిన్కు చెందిన రాఫెల్ నాదల్ , సెర్బియాకు చెందిన నొవాక్ జకోవిచ్ల కంటే వెనుకబడ్డాడు. వరుసగా 237 వారాల పాటు నంబర్ వన్ టెన్నిస్ ప్లేయర్గా ఫెదరర్ రికార్డు సృష్టించాడు. అతని కెరీర్లో, అతను డబుల్ ఒలింపిక్ స్వర్ణంతో మొత్తం 103 ట్రోఫీలను గెలుచుకున్నాడు.
24 సంవత్సరాల తన కెరీర్లో, ఫెదరర్ మొత్తం 20 గ్రాండ్ స్లామ్ టైటిళ్లను గెలుచుకున్నాడు. ఇందులో అత్యధికంగా 8 వింబుల్డన్ టైటిల్స్ ఉన్నాయి. అతను 6 సార్లు ఆస్ట్రేలియా ఓపెన్ని కైవసం చేసుకోగా, 5 US ఓపెన్ టైటిల్స్ను తన పేరు మీద కైవసం చేసుకున్నాడు. అతని కెరీర్లో అత్యంత కష్టతరమైన ఫ్రెంచ్ ఓపెన్, కానీ దానిని ఒకసారి గెలవడం కెరీర్ స్లామ్ను కూడా పూర్తి చేసింది.
నాదల్కు 22 గ్రాండ్స్లామ్ టైటిల్స్ ఉన్నాయి. సెర్బియా ఆటగాడు జకోవిచ్ మొత్తం 21 గ్రాండ్స్లామ్లు సాధించాడు. ఫెదరర్ 20 స్లామ్లతో జాబితాలో మూడో స్థానంలో నిలిచాడు.