Team India Jersey: భారత్లో జరగనున్న వన్డే ప్రపంచకప్ కోసం భారత క్రికెట్ జట్టు జెర్సీ (Team India Jersey)ని బీసీసీఐ విడుదల చేసింది. అక్టోబర్ 5 నుంచి ప్రారంభం కానున్న వన్డే ప్రపంచకప్ 2023 కోసం టీమ్ ఇండియా జెర్సీపై త్రివర్ణ పతాక ముద్ర వేశారు. జెర్సీ విడుదలకు సంబంధించిన వీడియోను బీసీసీఐ, అడిడాస్ షేర్ చేశాయి. ఈ వీడియో ద్వారా జెర్సీ ఫస్ట్లుక్ను అభిమానులు చూడవచ్చు.
జెర్సీలో భుజాల దగ్గర మూడు తెల్లటి గీతలకు బదులుగా మూడు చారల త్రివర్ణ పతాకాన్ని ఉపయోగించారు. స్పాన్సర్ డ్రీమ్ 11 మధ్యలో వ్రాయబడి ఉంది. ఇది కాకుండా మిగిలిన జెర్సీని సరళంగా ఉంచారు. BCCI షేర్ చేసిన వీడియోలో జెర్సీకి క్యాప్షన్.. 1983- ది స్పార్క్. 2011- ది గ్లోరీ. 2023- ది డ్రీం. ఈ కల అసాధ్యం కాదు, ఇది మన కల అని రాసి ఉంది.
జెర్సీ వీడియో ఇక్కడ చూడండి..
1983 – the spark. 2011 – the glory.
2023 – the dream.
Impossible nahi yeh sapna, #3kaDream hai apna.@adidas pic.twitter.com/PC5cW7YhyQ— BCCI (@BCCI) September 20, 2023
జెర్సీపై రియాక్షన్స్
భారత్ జెర్సీ వీడియోపై అభిమానులు రకరకాలుగా స్పందించారు. చాలా మంది ప్రపంచ కప్ కోసం ఎదురుచూస్తున్నాం అన్నారు. “ఈసారి కల సాధ్యమవుతుంది, టీమ్ ఇండియా గో హెడ్” అని ఒక ట్విట్టర్ యూజర్ రాయగా.. మరొక యూజర్ “కలలు నిజమవుతాయి.” అని రాసుకొచ్చాడు. మరొక వినియోగదారు “జో సోనే నా దే వో సప్నా, తీన్ కా డ్రీమ్ హై అప్నా” అని రాశారు.
Also Read: Tim Southee: వన్డే ప్రపంచ కప్ కు ముందు న్యూజిలాండ్ జట్టుకు షాక్.. కీలక ఆటగాడికి గాయం..!
ఆస్ట్రేలియాతో భారత్ మొదటి మ్యాచ్
వన్డే ప్రపంచకప్లో భారత జట్టు తన తొలి మ్యాచ్ను అక్టోబర్ 8న చెన్నైలో ఆస్ట్రేలియాతో ఆడనుంది. దీని తర్వాత అక్టోబరు 11న ఢిల్లీలోని అరుణ్ జైట్లీ స్టేడియంలో ఆఫ్ఘనిస్థాన్తో జట్టు రెండో మ్యాచ్ ఆడనుంది. ఆ తర్వాత అహ్మదాబాద్లోని నరేంద్ర మోదీ స్టేడియంలో భారత జట్టు పాకిస్థాన్తో మూడో మ్యాచ్ ఆడనుంది. దీని తర్వాత బంగ్లాదేశ్, న్యూజిలాండ్, ఇంగ్లండ్, శ్రీలంక, దక్షిణాఫ్రికా, నెదర్లాండ్స్తో టీమ్ ఇండియా గ్రూప్ దశ మ్యాచ్లు ఆడనుంది. నవంబర్ 12వ తేదీన బెంగళూరులోని చిన్నస్వామి స్టేడియంలో నెదర్లాండ్స్తో భారత్ కు చివరి మ్యాచ్ జరగనుంది.