Suryakumar Yadav: శ్రీలంకతో జరిగిన మూడో, చివరి టీ20 మ్యాచ్‌లోనూ భారత క్రికెట్ జట్టు విజయం సాధించింది. స్వదేశంలో శ్రీలంకను 3-0తో ఓడించిన టీమిండియా సిరీస్‌ని క్లీన్‌స్వీప్‌ చేసింది. ఈ విజయం తర్వాత కోచ్ గౌతమ్ గంభీర్, కెప్టెన్ సూర్యకుమార్ యాదవ్ (Suryakumar Yadav) నాయకత్వానికి ప్రశంసలు అందుతున్నాయి. అదే సమయంలో మ్యాచ్ గెలిచిన తరువాత కెప్టెన్ సూర్యకుమార్ యాదవ్ మళ్లీ కెప్టెన్ అవ్వడం ఇష్టం లేదని స్టేట్మెంట్ ఇచ్చాడు. సూర్యకుమార్ యాదవ్ చేసిన ఈ ప్రకటన చర్చనీయాంశంగానే ఉంది.
మ్యాచ్ అనంతరం ప్రకటన ఇచ్చారు
మ్యాచ్ అనంతరం ప్రదర్శన సందర్భంగా టీమిండియా కెప్టెన్ సూర్యకుమార్ యాదవ్ ఈ ప్రకటన చేశాడు. తనకు కెప్టెన్ అవ్వాలని లేదని చెప్పాడు. టీ20 వరల్డ్‌కప్‌ టైటిల్‌ గెలిచిన తర్వాత రోహిత్‌ శర్మ ఈ ఫార్మాట్‌కు వీడ్కోలు పలికిన సంగతి తెలిసిందే. ఆ తర్వాత ఈ ఫార్మాట్‌ క్రికెట్‌కు సూర్యకుమార్ యాదవ్‌కు కెప్టెన్సీ బాధ్యతలు అప్పగించిన సంగతి తెలిసిందే. సూర్యకుమార్ యాదవ్‌ను కెప్టెన్‌గా చేసినప్పుడు చాలా మంది అనుభవజ్ఞులు ఆశ్చర్యం వ్యక్తం చేశారు. ఎందుకంటే ప్రజలు ఈ ఫార్మాట్‌కు హార్దిక్ పాండ్యాను కెప్టెన్‌గా చూడాలని కోరుకున్నారు.
Also Read: Ismail Haniyeh Dead: హమాస్ రాజకీయ విభాగం అధిపతి ఇస్మాయిల్ హనియా మృతి
సూర్యకుమార్ యాదవ్ ఏమన్నారు?
సిరీస్ గెలిచిన తర్వాత సూర్యకుమార్ యాదవ్ మాట్లాడుతూ.. తనకు కెప్టెన్ అవ్వాలని లేదని, లీడర్‌గా ఎదగాలని ఉందని చెప్పాడు. ఆటగాళ్లకు ఉన్న ఆత్మవిశ్వాసం, సామర్థ్యం వల్ల మైదానంలో పెద్దగా చేయాల్సిన పని లేదని అన్నాడు. ప్రతి ఆటగాడి సామర్థ్యానికి అనుగుణంగా ఉపయోగించుకోవాలి. జట్టు డ్రెస్సింగ్ రూమ్ వాతావరణంతో చాలా సంతోషంగా ఉన్నాను అని పేర్కొన్నాడు.
We’re now on WhatsApp. Click to Join.
నాయకత్వం కారణంగానే కెప్టెన్సీ లభించింది
సూర్యకుమార్ యాదవ్‌ను ఎందుకు కెప్టెన్‌గా చేశారనే దానిపై కోచ్ గౌతమ్ గంభీర్, సెలెక్టర్ అజిత్ అగార్కర్ స్పందిస్తూ శ్రీలంక టూర్‌కు బయలుదేరే ముందు కూడా అతనిలో నాయకత్వ గుణం ఉందని చెప్పారు. ఆటగాళ్ల మధ్య సమన్వయాన్ని ఎలా కొనసాగించాలో అతనికి తెలుసు. అందుకే జట్టుకు కెప్టెన్‌గా ఎంపికయ్యాడని తెలిపారు.
నాయకత్వానికి నిదర్శనం
ఈ సిరీస్‌లో సూర్యకుమార్ యాదవ్ కూడా తన నాయకత్వ సత్తా చాటాడు. గత మ్యాచ్‌లో బౌలింగ్ చేయడానికి వచ్చిన తీరు, బ్యాట్‌తో సిరీస్‌లో మంచి ప్రదర్శన కనబరిచాడు. జట్టు నాయకుడిగా అద్భుతంగా రాణించి తానే ఆదర్శంగా నిలవాలనుకుంటున్నట్లు స్పష్టమవుతోంది. అతని ప్రదర్శన ఆధారంగా అతను మ్యాన్ ఆఫ్ ద సిరీస్‌గా కూడా ఎంపికయ్యాడు.