Suryakumar Yadav: న్యూజిలాండ్తో జరగనున్న 5వ టీ20 అంతర్జాతీయ మ్యాచ్ కోసం భారత క్రికెట్ జట్టు త్రివేండ్రం చేరుకున్న సమయంలో సూర్యకుమార్ యాదవ్ సంజు శాంసన్పై ఒక సరదా వ్యాఖ్య చేశారు. గత 4 మ్యాచ్ల్లో కేవలం 40 పరుగులు మాత్రమే చేసిన శాంసన్ ఫామ్పై ప్రస్తుతం తీవ్ర చర్చ నడుస్తోంది. ఈ క్రమంలో సోషల్ మీడియాలో ఒక వీడియో విపరీతంగా వైరల్ అవుతోంది.
శాంసన్ను ఆటపట్టించిన సూర్య
ఇషాన్ కిషన్ అద్భుతమైన ఫామ్లో ఉండటంతో 2026 టీ20 వరల్డ్ కప్లో శాంసన్ స్థానంపై ప్రశ్నలు మొదలయ్యాయి. అయితే జనవరి 29 గురువారం నాడు టీమ్ ఇండియా ఆటగాళ్లు ఎయిర్పోర్ట్లో చాలా సరదాగా కనిపించారు. వైరల్ అవుతున్న వీడియోలో సూర్యకుమార్ జోక్ చేస్తూ.. ప్లీజ్ దారి ఇవ్వండి, మా చెట్టా (మలయాళంలో అన్నయ్య అని అర్థం) ని ఇబ్బంది పెట్టకండి అని అనడం వినిపించింది. కెప్టెన్ సూర్య చేసిన ఈ వ్యాఖ్యకు శాంసన్ కూడా తన నవ్వును ఆపుకోలేకపోయారు.
Also Read: హాట్ సమ్మర్ లో వస్తున్న వారణాసి ?
Make way for @IamSanjuSamson in 𝗚𝗼𝗱'𝘀 𝗼𝘄𝗻 𝗰𝗼𝘂𝗻𝘁𝗿𝘆 😉
🎥 Don't miss this banter between friends Sanju Samson and Captain Surya Kumar Yadav 😄#TeamIndia | #INDvNZ | @IDFCFirstBank | @surya_14kumar pic.twitter.com/zBAFPmZJGk
— BCCI (@BCCI) January 30, 2026
‘నేనైతే ఇషాన్ కే అవకాశం ఇస్తాను’
మరోవైపు భారత మాజీ వికెట్ కీపర్ పార్థివ్ పటేల్ శాంసన్ కంటే ఇషాన్ కిషన్కే ప్రాధాన్యత ఇవ్వాలని అభిప్రాయపడ్డారు. ఆయన ‘జియోహాట్స్టార్’తో మాట్లాడుతూ ఇలా అన్నారు. నేనే గనుక టీమ్ ఇండియా థింక్ ట్యాంక్లో ఉంటే సిరీస్ చివరి మ్యాచ్ కోసం సంజు శాంసన్ బదులు ఇషాన్ కిషన్కే అవకాశం ఇచ్చేవాడిని. సంజును పక్కన కూర్చోబెట్టి, ఇషాన్ను వికెట్ కీపర్-బ్యాటర్గా ఎంపిక చేసేవాడిని. టీ20 వరల్డ్ కప్ కోసం ఇషాన్ నా ప్రధాన వికెట్ కీపర్ కావాలనుకుంటే ఈ 5వ టీ20తో పాటు దక్షిణాఫ్రికాతో జరిగే వార్మప్ మ్యాచ్లో కూడా అతనికే వికెట్ కీపింగ్ బాధ్యతలు అప్పగించేవాడిని అన్నారు.
తిలక్ వర్మ కోసం చోటు కల్పించాలి
పార్థివ్ పటేల్ ఇంకా మాట్లాడుతూ.. వరల్డ్ కప్ లోపు తిలక్ వర్మ కోలుకునే అవకాశం ఉంది. రిపోర్ట్స్ ప్రకారం అతను ఫిట్గా ఉంటాడు. ఒకవేళ అతను పూర్తిగా ఫిట్గా ఉంటే అతని కోసం జట్టులో చోటు కల్పించాల్సి ఉంటుంది. అలాంటప్పుడు ఆ నిర్ణయం కోసం వేచి చూడటం ఎందుకు? చివరి మ్యాచ్లో సంజుకు బదులు ఇప్పుడే ఇషాన్ కిషన్ను ఆడించండి. ఇషాన్ రెండేళ్ల తర్వాత పునరాగమనం చేసి మంచి బ్యాటింగ్ చేస్తున్నాడు. అతను వరల్డ్ కప్లోనూ కీపింగ్ చేయాల్సి ఉంటుంది. కాబట్టి ఇప్పుడే ఎందుకు మొదలు పెట్టకూడదు? చివరి మ్యాచ్ సొంతగడ్డపై జరుగుతున్నప్పటికీ వరల్డ్ కప్ సన్నద్ధత కోసం నేను ఖచ్చితంగా ఇషాన్ కిషన్ను వికెట్ కీపర్-ఓపెనర్గా ఆడిస్తాను అని పేర్కొన్నారు.