Spain Record: యూరప్ టీ20 ప్రపంచకప్ సబ్ రీజినల్ క్వాలిఫయర్-సిలో స్పెయిన్ క్రికెట్ జట్టు గ్రీస్‌పై ఏడు వికెట్ల తేడాతో విజయం సాధించింది. టోర్నీలోని 16వ మ్యాచ్‌లో తొలుత బౌలింగ్ చేసిన స్పెయిన్ 20 ఓవర్లలో 9 వికెట్లకు 96 పరుగులకే పరిమితమైంది. అనంతరం ఈ లక్ష్యాన్ని స్పెయిన్ 13 ఓవర్లలో 3 వికెట్లు కోల్పోయి సాధించింది. స్పెయిన్ తరఫున హమ్జా దార్ (32), యాసిర్ అలీ (25), మహ్మద్ ఎహ్సాన్ (25) అద్భుత ఇన్నింగ్స్ ఆడారు. ఈ సమయంలో స్పెయిన్ తన పేరు మీద పెద్ద రికార్డు (Spain Record) సృష్టించింది.
స్పెయిన్ ప్రపంచ రికార్డు సృష్టించింది
టీ20 అంతర్జాతీయ క్రికెట్‌లో స్పెయిన్‌కు ఇది వరుసగా 14వ విజయం. దీంతో టీ20 మెన్స్ ఇంటర్నేషనల్‌లో వరుసగా అత్యధిక మ్యాచ్‌లు గెలిచిన జట్టుగా అవతరించింది. మలేషియా రికార్డును బద్దలు కొట్టింది. అంత‌కుముందు మలేషియా 13 మ్యాచ్‌ల్లో విజయం సాధించి టాప్ పొజిష‌న్‌లో ఉంది. అదే సమయంలో టీ20ల్లో అత్యధిక మ్యాచ్‌లు గెలిచిన రికార్డు థాయ్‌లాండ్ మహిళల జట్టు పేరిట ఉంది. వరుసగా 17 మ్యాచ్‌ల్లో విజయం సాధించింది.
Also Read: Dengue Cases : వామ్మో 4,294 డెంగీ కేసులు.. బాధితుల్లో ఎక్కువమంది పిల్లలే
స్పెయిన్ జట్టు గత 20 నెలలుగా అజేయంగా ఉంది
స్పెయిన్ క్రికెట్ జట్టు గత 20 నెలలుగా ఒక్క టీ20 మ్యాచ్‌లో కూడా ఓడిపోలేదు. చివరిసారిగా ఇటలీపై ఓటమి చవిచూసింది. దీని తర్వాత ఐల్ ఆఫ్ మ్యాన్, జెర్సీ, క్రొయేషియాతో జరిగిన సిరీస్‌లను స్పెయిన్ గెలుచుకుంది. అదే సమయంలో ప్రస్తుత టీ20 క్వాలిఫయర్‌లో స్పెయిన్ వరుసగా మూడు మ్యాచ్‌ల్లో విజయం సాధించింది. ఇప్పటి వరకు భారత్, ఆస్ట్రేలియా లాంటి పెద్ద జట్టు కూడా ఈ ఘనత సాధించలేకపోయాయి.
We’re now on WhatsApp. Click to Join.
ఈ రికార్టులో టాప్ 12 జట్ల గురించి మాట్లాడినట్లయితే.. భారత్, ఆఫ్ఘనిస్తాన్ వరుసగా అత్యధిక T20 అంతర్జాతీయ మ్యాచ్‌లను గెలిచిన రికార్డును కలిగి ఉన్నాయి. టీ20లో ఇరుజ‌ట్టు వరుసగా 12 మ్యాచ్‌లు గెలిచాయి.
టీ20లో వరుసగా అత్యధిక మ్యాచ్‌లు గెలిచిన జట్లు
- స్పెయిన్ – 14
- మలేషియా – 13
- బెర్ముడా – 13
- ఆఫ్ఘనిస్తాన్ – 12
- రొమేనియా – 12
- భారతదేశం – 12