Rohit Sharma: భారతదేశం తన 79వ స్వాతంత్య్ర దినోత్సవం జరుపుకుంటున్న ఈ తరుణంలోభారత క్రికెట్ జట్టు కెప్టెన్ రోహిత్ శర్మకు సంబంధించిన ఒక వీడియో నెట్టింట వైరల్ అవుతోంది. ఈ వీడియోలో రిషభ్ పంత్ రికార్డు చేస్తూ రోహిత్‌ను (Rohit Sharma) రిటైర్మెంట్ గురించి ప్రశ్నించగా రోహిత్ దానికి సమాధానంగా తాను వన్డేల నుంచి రిటైర్ కావడానికి ఎటువంటి ఆలోచనలో లేనని స్పష్టం చేశాడు.
రిషభ్ పంత్ పోస్ట్ చేసిన వీడియోలో ఏమి జరిగింది?
టీమ్ ఇండియా 2025 ఛాంపియన్స్ ట్రోఫీ గెలిచిన తర్వాత జరిగిన సెలబ్రేషన్స్ వీడియోను రిషభ్ పంత్ తన అధికారిక ఇన్‌స్టాగ్రామ్ అకౌంట్‌లో పోస్ట్ చేశాడు. ఈ వీడియోలో ఆటగాళ్లందరూ భారత విజయాన్ని ఉత్సాహంగా జరుపుకోవడం కనిపించింది. ఒక సందర్భంలో పంత్.. రోహిత్ శర్మ చేతిలో ఉన్న స్టంప్‌ను చూపిస్తూ “నీ చేతిలో స్టంప్ ఎందుకు ఉంది?” అని అడిగాడు. దానికి రోహిత్ నవ్వుతూ “రిటైర్మెంట్ తీసుకోమంటావా? ప్రతి ఐసీసీ ట్రోఫీ గెలిచిన తర్వాత రిటైర్మెంట్ తీసుకోను కదా!” అని సమాధానమిచ్చాడు. ఈ వ్యాఖ్యల ద్వారా రోహిత్ తాను వన్డే ఫార్మాట్ నుంచి రిటైర్ కావడానికి ఎటువంటి ఆలోచనలో లేనని స్పష్టం చేశాడు.
Also Read: CM Revanth: మన రాష్ట్రంలో ఉన్న మిమ్మల్ని ఎలా వదులుకుంటాం?: సీఎం రేవంత్‌
Happy Independence Day, India. 🇮🇳
Some moments stay with you forever and winning for India is at the top of the list. Proud to be Indian.#RP17 📷🕶️ pic.twitter.com/pfgr1tg7da— Rishabh Pant (@RishabhPant17) August 15, 2025
టీ20 వరల్డ్ కప్ తర్వాత రిటైర్మెంట్
గత సంవత్సరం టీమ్ ఇండియా వెస్టిండీస్, యునైటెడ్ స్టేట్స్‌లో జరిగిన 2024 టీ20 వరల్డ్ కప్‌ను గెలుచుకున్న తర్వాత రోహిత్ శర్మ టీ20 క్రికెట్‌కు వీడ్కోలు పలికాడు. అతనితో పాటు విరాట్ కోహ్లీ, రవీంద్ర జడేజా కూడా ఈ ఫార్మాట్ నుంచి రిటైర్ అయ్యారు. ఈ నిర్ణయం తర్వాత సూర్యకుమార్ యాదవ్ టీ20 జట్టు నాయకత్వ బాధ్యతలు చేపట్టాడు.
రోహిత్ తిరిగి ఎప్పుడు రానున్నాడు?
అక్టోబర్ 19, 2025 నుంచి భారత్- ఆస్ట్రేలియా మధ్య పరిమిత ఓవర్ల సిరీస్ ప్రారంభం కానుంది. ఈ సిరీస్‌లో భాగంగా మూడు వన్డేలు, ఐదు టీ20 అంతర్జాతీయ మ్యాచ్‌లు ఆడతారు. రోహిత్ శర్మ వన్డే సిరీస్‌లో భాగం కావడం దాదాపు ఖాయం. అతను తిరిగి నీలి జెర్సీలో టీమ్ ఇండియాకు నాయకత్వం వహిస్తూ కనిపించనున్నాడు.
రోహిత్ ఇటీవలి శిక్షణ, ఫిట్‌నెస్‌పై దృష్టి, అతను రాబోయే సిరీస్‌లో తిరిగి రాణించాలనే తన ఉత్సాహాన్ని చూపిస్తుంది. అయినప్పటికీ నివేదికల ప్రకారం.. ఆస్ట్రేలియా సిరీస్ తర్వాత రోహిత్, విరాట్ కోహ్లీ వన్డే క్రికెట్ నుంచి రిటైర్ కావచ్చని, ఎందుకంటే వారు 2027 వన్డే వరల్డ్ కప్ కోసం జట్టు ప్రణాళికలో భాగం కాకపోవచ్చని సూచిస్తున్నాయి. కానీ రోహిత్ తాజా వ్యాఖ్యలు ఈ పుకార్లకు తాత్కాలికంగా ముగింపు పలికాయి.