Shikhar Dhawan: భారత మాజీ ఆటగాడు, క్రికెట్ ప్రపంచంలో గబ్బర్‌గా పేరుగాంచిన శిఖర్ ధావన్ (Shikhar Dhawan) సోషల్ మీడియాలో చాలా యాక్టివ్‌గా ఉంటాడు. రీళ్లు, వీడియోలు షేర్ చేస్తూ అభిమానులను అలరిస్తూనే ఉన్నాడు. కాగా, గురువారం భారత్-బంగ్లాదేశ్‌తో జ‌రిగిన ఛాంపియన్స్ ట్రోఫీ రెండో మ్యాచ్‌లో అతను మ్యాచ్‌ను ఆస్వాదిస్తూ కనిపించాడు. ఈ సమయంలో ధావన్ ఒక మిస్టరీ అమ్మాయితో స్టాండ్‌లో కూర్చుని కనిపించాడు. వీరిద్ద‌రి ఫోటో సోషల్ మీడియాలో వైరల్ అవుతోంది.
శిఖర్ ధావన్ మిస్టరీ అమ్మాయితో కనిపించాడు
వాస్తవానికి భారత్-బంగ్లాదేశ్ మ్యాచ్ సమయంలో శిఖర్ ధావన్‌తో ఒక మిస్టరీ గర్ల్ కనిపించింది. ఇద్దరూ పక్కపక్కనే కూర్చుని మ్యాచ్‌ని ఎంజాయ్ చేస్తున్నారు. ఇప్పుడు, ఆ మిస్టరీ గర్ల్ ఎవరు? అనే ప్ర‌శ్న‌కు ఎలాంటి సమాచారం లేదు. కానీ ఈ ఫోటో సోషల్ మీడియాలో ఎక్కువగా వైరల్ అవుతోంది. దీనిపై వినియోగదారుల నుండి రకర‌కాల స్పందనలు కనిపిస్తున్నాయి.
Also Read: Delhi CM Salary: సీఎం రేఖా గుప్తా జీతం ఎంత? ఎలాంటి సౌకర్యాలు అందుబాటులో ఉంటాయో తెలుసా?
Who is this lady with Shikhar Dhawan?🥲 #ShikharDhawan #IndvsBan #RohitSharma𓃵 #ChampionsTrophy pic.twitter.com/JqFTeY4kAp
— lei 🌼 (@sakshimadik03) February 20, 2025
2023లో విడాకులు తీసుకున్నారు
శిఖర్ ధావన్ వ్యక్తిగత జీవితం గురించి మాట్లాడుకుంటే.. శిఖర్ ధావన్- అయేషా అక్టోబర్ 2023లో విడాకులు తీసుకున్నారు. అయితే 2020 నుంచి ఇద్దరూ విడివిడిగా నివసిస్తున్నారు. విడాకుల తర్వాత కొడుకు జోరావర్ కూడా అయేషాతో కలిసి ఆస్ట్రేలియా వెళ్లాడు. తండ్రి కొడుకుల మధ్య దూరం ఉంది. అయితే తన కొడుకుపై తనకున్న ప్రేమను సోషల్ మీడియాలో వ్యక్తపరుస్తూనే ఉన్నాడు ధావన్.
2024లో క్రికెట్‌కు గుడ్‌బై చెప్పాడు
భారత మాజీ ఓపెనింగ్ బ్యాట్స్‌మెన్ శిఖర్ ధావన్ ఆగస్టు 24, 2024న క్రికెట్‌కు వీడ్కోలు పలికాడు. అతను అంతర్జాతీయ, దేశీయ క్రికెట్ రెండింటికీ రిటైర్మెంట్ ప్రకటించాడు. అతని క్రికెట్ కెరీర్ చాలా అద్భుతంగా ఉంది. ధావన్ క్రికెట్ కెరీర్‌లో మొత్తం 269 మ్యాచ్‌లు ఆడాడు. ఇందులో 34 టెస్టులు, 137 ODIలు, 68 T20 మ్యాచ్‌లు ఉన్నాయి. శిఖర్ మూడు ఫార్మాట్లలో కలిపి మొత్తం 10,867 పరుగులు చేశాడు. ఈ సమయంలో అతను 55 అర్ధ సెంచరీలు, 24 సెంచరీ ఇన్నింగ్స్‌లు ఆడాడు.