Gautam Gambhir: భారత మాజీ వెటరన్ ఓపెనర్ గౌతమ్ గంభీర్ను టీమిండియా కొత్త కోచ్గా బీసీసీఐ నియమించింది. శ్రీలంకతో జరిగే సిరీస్ నుంచి గంభీర్ బాధ్యతలు స్వీకరించనున్నాడు. గంభీర్ హెడ్ కోచ్ అయిన తర్వాత పాకిస్థాన్ మాజీ కెప్టెన్ షాహిద్ అఫ్రిదీ స్పందించిన విషయం తెలిసిందే. తనను కోచ్గా నియమించాలన్న గంభీర్ నిర్ణయాన్ని సానుకూలంగా అభివర్ణించిన ఆఫ్రిది, తన కొత్త పాత్రలో తనదైన ముద్ర వేయడానికి ఇదొక మంచి అవకాశమని పేర్కొన్నాడు.
నిజానికి టి20 ప్రపంచ కప్ 2007 మరియు 2011 వన్డే ప్రపంచ కప్ విజేత జట్టులో భాగమైన గౌతమ్ గంభీర్ ఇప్పుడు టీమ్ ఇండియా ప్రధాన కోచ్ పాత్రలో కనిపించనున్నాడు. గంభీర్ కోచ్ అయిన తర్వాత షాహిద్ అఫ్రిది స్టార్ స్పోర్ట్స్‌తో మాట్లాడుతూ గౌతమ్ గంభీర్ కి ఇది ఒక సువర్ణ అవకాశం అని అన్నాడు. ఈ అవకాశాన్ని అతను ఎలా ఉపయోగించుకుంటారు అనేది ఇప్పుడు అతనిపై ఆధారపడి ఉంటుంది. కొన్నిసార్లు అతని ఇంటర్వ్యూలు గమనిస్తే గంభీర్ చాలా పాజిటివ్ విషయాలు మాట్లాడతాడని స్పష్టం చేశాడు పాకిస్థాన్ మాజీ ఆటగాడు ఆఫ్రిది. అంతకుముందు మరో స్టార్ గంభీర్ నియామకంపై స్పందించాడు.
మెన్ ఇన్ బ్లూ హెడ్ కోచ్గా గంభీర్ను ఎంపిక చేయడంపై సౌతాఫ్రికా దిగ్గజం డేల్ స్టెయిన్ తనదైన స్టైల్ లో స్పందించాడు. తాను గౌతీకి బిగ్ ఫ్యాన్నని. అతడిలో అగ్రెషన్ అంటే తనకు చాలా ఇష్టమని చెప్పాడు. డ్రెస్సింగ్ రూమ్లోకి ఆ అగ్రెషన్, ఫైర్ను తీసుకొస్తాడనే ఉద్దేశంతోనే అతడ్ని కోచ్గా తీసుకున్నారని స్టెయిన్ తెలిపాడు. అయితే గ్రౌండ్లో గంభీర్ అగ్రెసివ్గా ఉంటాడని కానీ బయట అతడో జెంటిల్మన్ అంటూ పొగడ్తలతో ముంచెత్తాడు. టీమిండియాకు అతడి లాంటి కోచ్ దొరకడం నిజంగా అదృష్టమే అని స్టెయిన్ చెప్పుకొచ్చాడు.
భారత జట్టు టి20 ప్రపంచ కప్ 2007 మరియు వన్డే ప్రపంచ కప్ 2011 ట్రోఫీలను గెలుచుకున్న జట్టులో గంభీర్ కీలక పాత్ర పోషించాడు. ఈ రెండు టోర్నీలోనూ తనదైన ముద్ర వేశాడు. రెండు టోర్నీల ఫైనల్స్‌లో మ్యాచ్ విన్నింగ్ ఇన్నింగ్స్ ఆడాడు. గౌతమ్ గంభీర్ 2007 టీ20 ప్రపంచకప్ ఫైనల్‌లో 54 బంతుల్లో 75 పరుగులు చేశాడు. 2011 వన్డే ప్రపంచకప్ ఫైనల్‌లో 122 బంతుల్లో 97 పరుగుల మ్యాచ్ స్కోర్ చేశాడు.
Also Read: YS Jagan: మాజీ సీఎం జగన్‌పై హత్యాయత్నం కేసు నమోదు