Rohit Sharma: 2025 ఛాంపియన్స్ ట్రోఫీ ఫైనల్లో న్యూజిలాండ్‌తో టీమ్ ఇండియా తలపడనుంది. ఈ మ్యాచ్‌లో టీమిండియా కెప్టెన్ రోహిత్ శర్మ (Rohit Sharma) మైదానంలోకి దిగిన వెంటనే చరిత్ర సృష్టించనున్నాడు. మొత్తం నాలుగు ఐసీసీ టోర్నీల్లో జట్టుకు సారథ్యం వహించిన తొలి కెప్టెన్‌గా నిల‌వ‌నున్నాడు. రోహిత్ నాయకత్వంలో భారతదేశం 2023 ప్రపంచ టెస్ట్ ఛాంపియన్‌షిప్, 2023 ODI ప్రపంచ కప్, 2024 T20 ప్రపంచ కప్‌ల ఫైనల్స్‌ను ఆడింది. ఆదివారం మెన్ ఇన్ బ్లూ ఛాంపియన్స్ ట్రోఫీ 2025 ఫైనల్లో న్యూజిలాండ్‌తో తలపడుతుంది.
ధోనీ కూడా ఈ ఫీట్ సాధించ‌లేక‌పోయాడు
MS ధోని ODI ప్రపంచ కప్, T20 ప్రపంచ కప్, ఛాంపియన్స్ ట్రోఫీలలో భారతదేశాన్ని ఫైనల్స్‌కు నడిపించాడు. కానీ అతనికి ప్రపంచ టెస్ట్ ఛాంపియన్‌షిప్‌లో కెప్టెన్‌గా అవకాశం రాలేదు. అదే సమయంలో కేన్ విలియమ్సన్ 2019 ODI ప్రపంచ కప్, 2021 WTC, 2021 T20 ప్రపంచ కప్ ఫైనల్స్లో ఆడిన న్యూజిలాండ్ జట్టుకు కెప్టెన్‌గా ఉన్నాడు.
Also Read: Rohit- Kohli Retirement: కోహ్లీ, రోహిత్ రిటైర్ కాబోతున్నారా? గిల్ ఏమ‌న్నాడంటే!
ధోనీ రికార్డును సమం చేయగలడు
దుబాయ్ ఇంటర్నేషనల్ క్రికెట్ స్టేడియంలో భారత్-న్యూజిలాండ్ జట్ల మధ్య జరిగే ఫైనల్ మ్యాచ్ సందర్భంగా ఎంఎస్ ధోనీ రికార్డును సమం చేసే అవకాశం రోహిత్‌కి ఉంది. ODI, T20 ఫార్మాట్‌లలో ICC టైటిల్స్ గెలుచుకున్న ప్రపంచంలో రెండవ కెప్టెన్‌గా అవ‌త‌రించే అవ‌కాశ‌ముంది. ఇంతకు ముందు ధోని మాత్రమే ఈ ఘనత సాధించాడు.
2007లో టీ20 ప్రపంచకప్, 2011లో వన్డే ప్రపంచకప్, 2013లో ఛాంపియన్స్ ట్రోఫీ గెలిచిన భారత జట్టుకు ధోనీ కెప్టెన్‌గా వ్యవహరించగా, రోహిత్ ఇప్పటికే 2024లో టీ20 ప్రపంచకప్‌ను భారత్‌కు అందించగా, ఆదివారం 50 ఓవర్ల ఐసీసీ టైటిల్‌ను గెలుచుకునే అవకాశం ఉంది. అలాగే ఈ మ్యాచ్ ఆడ‌టంతో మ‌రో స‌రికొత్త రికార్డు క్రియేట్ చేయ‌నున్నారు విరాట్ కోహ్లీ, రోహిత్ శర్మ, రవీంద్ర జ‌డేజా. వ‌రుస‌గా ఐసీసీ ఛాంపియన్స్ ట్రోఫీ ఫైన‌ల్స్ ఆడుతున్న ముగ్గురు టీమిండియా ఆట‌గాళ్లుగా ఈ ముగ్గురు స‌రికొత్త రికార్డు క్రియేట్ చేయ‌నున్నారు. 2013, 2017, 2025 ఛాంపియన్స్ ట్రోఫీ ఫైనల్స్లో ఈ ముగ్గురు ఆట‌గాళ్లు ఉండ‌టం విశేషం.