Pandya Divorce With Natasha: న‌టాషాతో పాండ్యా విడాకులు.. భార్య‌కు డ‌బ్బు ఇవ్వ‌డం కోస‌మే ముంబైలో చేరాడా..?

Pandya Divorce With Natasha

Pandya Divorce With Natasha: టీమ్ ఇండియా స్టార్ ఆల్ రౌండర్ హార్దిక్ పాండ్యా, నటాషా స్టాంకోవిచ్ (Pandya Divorce With Natasha) మధ్య విడాకుల వదంతులు వార్తల్లో నిలుస్తున్నాయి. ఈ జంట ఒకరి నుంచి ఒకరు విడిపోయారని మీడియాలో వార్తలు వస్తున్నాయి. నటాషా తన ఇన్‌స్టాగ్రామ్ నుండి పాండ్యా అనే పేరును తొలగించటంతో ఈ వార్తలు ఊపందుకుంటున్నాయి. నివేదికల ప్రకారం.. వారిద్దరూ విడాకులు తీసుకుంటే హార్దిక్ తన ఆస్తిలో 70 శాతం నటాషాకు ఇవ్వాలి. ఇదిలా ఉంటే హార్దిక్ ముంబై ఇండియన్స్ జ‌ట్టులో చేరడంపై ఓ ఆశ్చర్యకరమైన విషయం వెలుగులోకి వస్తోంది.

అందుకే హార్దిక్ పాండ్యా ముంబై ఇండియన్స్‌కి వ‌చ్చాడా?

హార్దిక్ ఆస్తిలో 70 శాతం నటాషా పేరు మీదనే ఉందని పలు మీడియా కథనాలలో ప్రచారం జరుగుతోంది. తన భార్యకు డబ్బు ఇవ్వడానికి, హార్దిక్ ఐపిఎల్ జట్టు గుజరాత్ టైటాన్స్‌ను వదిలి ముంబై ఇండియన్స్‌లో భారీ మొత్తానికి చేరాలని నిర్ణయించుకున్నట్లు కూడా వార్తలు వ‌స్తున్నాయి. ఐపిఎల్ 2024 వేలానికి ముందు హార్దిక్ పాండ్యాను గుజరాత్ నుండి ముంబై తన జట్టులో చేరిన విష‌యం తెలిసిందే. అయితే ఇది నగదు ఒప్పందం. హార్దిక్‌ను తన జట్టులోకి తీసుకురావడానికి ముంబై.. గుజరాత్‌కు విడిగా రూ.100 కోట్లు ఇచ్చిందని కథనాలు వచ్చాయి.

Also Read: IPL 2024 Final: ఐపీఎల్ ఫైనల్‌కు ముందు చెన్నైలో భారీ వర్షం.. మ్యాచ్ రద్దయితే పరిస్థితి ఏంటి?

ఐపీఎల్‌లో ముంబైకి మద్దతుగా నటాషా రాలేదు

ముంబై ఇండియన్స్ రోహిత్ శర్మను తొలగించి హార్దిక్ పాండ్యాకు జట్టు కమాండ్‌ని అప్పగించింది. హార్దిక్ కెప్టెన్సీలో ప్రదర్శన చాలా పేలవంగా ఉంది. ప్లేఆఫ్ రేసు నుండి నిష్క్రమించిన మొదటి జట్టు కూడా ముంబై జ‌ట్టే. ముంబై 14 మ్యాచ్‌ల్లో 4 మాత్రమే గెలిచి పాయింట్ల పట్టికలో చివరి స్థానంలో నిలిచింది. ఈ సమయంలో నటాషా మొత్తం IPLలో ఎక్క‌డా క‌నిపించ‌లేదు. గత 5-6 IPL సీజన్లలో హార్దిక్‌తో కలిసి నటాషా కనిపించగా.. ముంబైలో జరిగిన ఏ మ్యాచ్‌లోనూ ఆమె ఉత్సాహంగా స్టేడియానికి చేరుకోలేదు. అప్పటి నుంచి నటాషా, హార్దిక్ మధ్య అంతా సవ్యంగా సాగడం లేదనే ఊహాగానాలు వినిపిస్తున్నాయి.

We’re now on WhatsApp : Click to Join

హార్దిక్‌తో ఉన్న చిత్రాలను తొల‌గించింది

ఇన్‌స్టాగ్రామ్ నుండి ‘పాండ్య’ అనే ఇంటిపేరును తొలగించడమే కాకుండా హార్దిక్‌తో ఉన్న అన్ని చిత్రాలను నటాషా తొలగించింది. ఇద్దరూ కలిసి ఒకే చిత్రంలో కనిపించారు. అందులో వారి కుమారుడు అగస్త్య ఉన్నాడు. అయితే నటాషా పుట్టినరోజు సందర్భంగా హార్దిక్ ఎలాంటి పోస్ట్ చేయలేదు. ఈ విషయాలన్నీ చూస్తుంటే వీరి బంధంలో దూరం వచ్చిందనే అభిప్రాయం అంద‌రిలోనూ వ్యక్తమవుతోంది.