Olympics Javeline: పారిస్ 2024 ఒలింపిక్స్‌లో భారత జావెలిన్ త్రోయర్ నీరజ్ చోప్రా రజత పతకం సాధించాడు. టోక్యో 2020 ఒలింపిక్స్‌లో స్వర్ణ పతకం సాధించిన 26 ఏళ్ల నీరజ్, పారిస్‌లో మాత్రం రజత పతకంతో సంతృప్తి చెందాడు. ఫైనల్‌లో మొత్తం ఆరు సార్లు బల్లెం విసిరిన నీరజ్, రెండో ప్రయత్నంలో 89.45 మీటర్ల దూరం విసిరాడు, మిగతా ఐదు ప్రయత్నాల్లో ఫౌల్ చేశారు.
ఇదిలా ఉంటే, పాకిస్థాన్‌కు చెందిన జావెలిన్ త్రోయర్ అర్షద్ నదీమ్ పారిస్ 2024 ఒలింపిక్స్‌లో రికార్డు సృష్టించాడు. అతడు ఏకంగా 92.97 మీటర్ల దూరం జావెలిన్ విసిరి ఒలింపిక్ రికార్డును పగులగొట్టాడు. గతంలో ఈ రికార్డు 90.57 మీటర్లుగా ఉన్నది, ఇది బీజింగ్ 2008 ఒలింపిక్స్‌లో నార్వేకు చెందిన ఆండ్రియాస్ సృష్టించిన రికార్డు.
నీరజ్ చోప్రా, టోక్యో 2020 ఒలింపిక్స్‌లో స్వర్ణ పతకం సాధించిన భారత అథ్లెట్, పారిస్ 2024లో సరికొత్త అధ్యాయం ప్రారంభించడంలో సఫలమయ్యాడు, కానీ రజత పతకంతో పరిమితమయ్యాడు.
పారిస్ ఒలింపిక్స్‌లో భారత్ ఇప్పటివరకు 5 పతకాలు సాధించింది, అందులో నాలుగు కాంస్య పతకాలు కాగా, నీరజ్ చోప్రా రజత పతకం సాధించాడు. 10 మీటర్ల ఎయిర్ పిస్టల్ ఈవెంట్‌లో 22 ఏళ్ల మను భాకర్ కాంస్యం సాధించింది, ఇది విశ్వక్రీడల్లో భారత్‌కు తొలి పతకంగా నిలిచింది. తర్వాత మను భాకర్ 10 మీటర్ల ఎయిర్ పిస్టల్ మిక్స్‌డ్ టీమ్ ఈవెంట్‌లో సరబ్జోత్ సింగ్‌తో కలిసి కాంస్యపతకం గెలుచుకుంది. పురుషుల 50 మీటర్ల రైఫిల్‌లో షూటర్ స్వప్నిల్ కుశాలే కాంస్య పతకం సాధించాడు, అలాగే హాకీలో భారత పురుషుల జట్టు కూడా కాంస్య పతకాన్ని సాధించింది.
Congratulations to @Neeraj_chopra1 for winning the silver medal at the Paris 2024 Olympics. You lifted the hopes of billion hearts. Two consecutive Olympic medals is a rare and remarkable achievement. You have made the nation proud with your hard work, dedication and indomitable… pic.twitter.com/JKW1aGTRJb
— Ram Mohan Naidu Kinjarapu (@RamMNK) August 8, 2024