న్యూజిలాండ్ తో జరిగే T20, వన్డే సిరీస్లకు టీమిండియా సిద్ధమవుతుంది. నవంబర్ 18 నుంచి నవంబర్ 30 వరకు ఈ మ్యాచ్ లు జరగనున్నాయి. టీమిండియా.. కివీస్ తో మొత్తం మూడు T20, వన్డే సిరీస్లు ఆడనుంది. నవంబర్ 18 నుంచి భారత్తో ప్రారంభమయ్యే మూడు టీ20లు, వన్డేల సిరీస్లకు న్యూజిలాండ్ జట్టును ప్రకటించింది. భారత్తో జరిగే వన్డే, టీ20 సిరీస్లలో న్యూజిలాండ్ జట్టుకు కేన్ విలియమ్సన్ కెప్టెన్గా వ్యవహరించనున్నాడు. ట్రెంట్ బౌల్ట్, ఓపెనింగ్ బ్యాట్స్మెన్ మార్టిన్ గప్టిల్లకు జట్టులో చోటు దక్కలేదు. వారి స్థానంలో సెలెక్టర్లు యువ బ్యాట్స్మెన్ ఫిన్ అలెన్కు రెండు సిరీస్లకు జట్టులో చోటు కల్పించారు. ఇరు జట్ల మధ్య తొలి టీ20 నవంబర్ 18న వెల్లింగ్టన్లో జరగనుంది. అలెన్ తొలిసారి భారత్తో ఆడనున్నాడు.
ఈ 23 ఏళ్ల బ్యాట్స్మెన్ ఇప్పటి వరకు న్యూజిలాండ్ తరఫున 23 టీ20లు, 8 వన్డేలు ఆడాడు. అతను రెండు ఫార్మాట్లలో 5 అర్ధ సెంచరీలు, ఒక సెంచరీ సాధించాడు. అలెన్ను జట్టులోకి తీసుకోవడంతో టాప్ ఆర్డర్లో గప్టిల్ స్థానంపై సందేహాలు నెలకొన్నాయి. ట్రెంట్ బౌల్ట్ను కూడా భారత్తో సిరీస్ కోసం న్యూజిలాండ్ జట్టులో చేర్చలేదు. టిమ్ సౌథీ, మాట్ హెన్రీ (ODI మాత్రమే), లాకీ ఫెర్గూసన్, బ్లెయిర్ టిక్నర్, ఆడమ్ మిల్నే పేస్ అటాక్కు నాయకత్వం వహిస్తారు. ఈ సిరీస్ ద్వారా మిల్నే 2017 తర్వాత తన తొలి వన్డే ఆడుతున్నాడు. వన్డేల్లో వికెట్ కీపింగ్ బాధ్యతను టామ్ లాథమ్ తీసుకుంటుండగా, టీ20ల్లోనూ అదే పాత్రను డెవాన్ కాన్వే పోషించనున్నాడు. జిమ్మీ నీషమ్ తన పెళ్లికి సంబంధించిన సన్నాహాల కారణంగా మూడో వన్డే ఆడడం లేదు. అతని స్థానంలో హెన్రీ నికోల్స్ రానున్నాడు. గాయం కారణంగా కైల్ జేమ్సన్ పేరును పరిగణనలోకి తీసుకోలేదు.
భారత్, న్యూజిలాండ్ మధ్య తొలుత టీ20 సిరీస్ జరగనుంది. సిరీస్లోని తొలి మ్యాచ్ నవంబర్ 18న వెల్లింగ్టన్లో, రెండో మ్యాచ్ నవంబర్ 20న తౌరంగాలో, మూడో టీ20 నవంబర్ 22న నేపియర్లో జరగనుంది. తొలి వన్డే నవంబర్ 25న ఆక్లాండ్లో జరగనుంది. రెండవది నవంబర్ 27న హామిల్టన్లో మరియు మూడవది నవంబర్ 30న క్రైస్ట్చర్చ్లో జరుగుతుంది. వన్డే సిరీస్లో టిమ్ సౌతీకి 200 వన్డే వికెట్లు పూర్తి చేసే అవకాశం ఉంది. ఈ ఘనత సాధించిన 5వ న్యూజిలాండ్ బౌలర్గా నిలవనున్నాడు
న్యూజిలాండ్ జట్టు: కేన్ విలియమ్సన్ (కెప్టెన్), ఫిన్ అలెన్, మైఖేల్ బ్రేస్వెల్, డెవాన్ కాన్వే (T20), లాకీ ఫెర్గూసన్, మాట్ హెన్రీ (ODI), టామ్ లాథమ్ (ODI), డారిల్ మిచెల్, ఆడమ్ మిల్నే, జిమ్మీ నీషమ్, గ్లెన్ ఫిలిప్స్, మిచెల్ సాంట్నర్, (T20), టిమ్ సౌతీ, బ్లెయిర్ టిక్నర్ (T20).