MS Dhoni New Hairstyle: ఇంట‌ర్నెట్‌ను షేక్ చేస్తున్న ఎంఎస్ ధోనీ న్యూ లుక్‌.. హీరోలా ఉన్నాడంటూ కామెంట్స్‌..!

MS Dhoni New Hairstyle

MS Dhoni New Hairstyle: భారత క్రికెట్ జట్టు మాజీ కెప్టెన్ మహేంద్ర సింగ్ ధోని (MS Dhoni New Hairstyle) క్రికెట్ నుండి రిటైర్ అయ్యి చాలా కాల‌మైంది. కానీ అతని ప్రత్యేక శైలి, లుక్ ధోనీని త‌రుచూ వార్తల్లో ఉంచుతుంది. ఇప్పుడు చాలా పాపులర్ హెయిర్ స్టైలిస్ట్ ఆలిమ్ హకీమ్ సోషల్ మీడియాలో ఒక చిత్రాన్ని పంచుకున్నారు. ఇందులో ధోనీ తన పొడవాటి జుట్టును కత్తిరించి కొత్త లుక్‌లోకి వ‌చ్చాడు. ఈ లుక్ ధోనీ అభిమానుల‌కు తెగ న‌చ్చ‌టంతో సోష‌ల్ మీడియాలో వైర‌ల్ చేస్తున్నారు.

అయితే హెయిర్ స్టైలిస్ట్ ఆలిమ్ హకీమ్ ధోనీ చిత్రంతో ఓ క్యాప్షన్‌ రాశారు. మా యువ, డైనమిక్ అందమైన మహేంద్ర సింగ్ ధోనీ. మిస్ట‌ర్ కూల్ జుట్టును స్టైలింగ్ చేయడం ఒక సంతోషకరమైన అనుభవం. ధోనీ ఎప్పుడూ చాలా మర్యాదగా ఉంటాడు. అతను ఫోటోలు తీయకుండా నన్ను ఎప్పుడూ ఆప‌లేదు అని ఇన్‌స్టాలో రాసుకొచ్చాడు.

Also Read: Shafali Verma: చ‌రిత్ర సృష్టించిన షెఫాలీ వ‌ర్మ‌.. ఫాస్టెస్ట్ డ‌బుల్ సెంచరీ న‌మోదు..!

కొన్ని వారాల క్రితం రాంచీలో ఉన్న తన ఫామ్‌హౌస్‌లో ధోని విశ్రాంతి తీసుకుంటున్నప్పుడు ఈ కొత్త హెయిర్‌క‌ట్ వీడియో బయటపడింది. అప్పట్లో వచ్చిన చిత్రాలలో కూడా పొడవాటి జుట్టు ఉన్న ధోనీ ఇప్పుడు తన జుట్టు పొడవును కొద్దిగా తగ్గించాడు. కామెంట్ సెక్షన్‌లో ధోనీకి మరి కొద్ది రోజుల్లో 43 ఏళ్లు నిండుతాయని నమ్మలేకపోతున్నానని ఓ అభిమాని రాశాడు. నిజానికి ధోనీ ఇప్పటికీ చాలా యంగ్‌గా కనిపిస్తున్నాడని మ‌రో అభిమాని రాసుకొచ్చాడు. ఈ ఫొటో చూసి ధోనీ అభిమానులు చాలా మంది బాలీవుడ్ హీరోల‌కు ఏమాత్రం తీసిపోరంటూ కామెంట్స్ చేస్తున్నారు.

We’re now on WhatsApp : Click to Join

ఐపీఎల్ 2025లో ధోనీ ఆడతాడా?

IPL 2024లో ధోని అద్భుత ప్రదర్శన తర్వాత ధోని తదుపరి సీజన్‌లో ఆడతాడా లేదా అని తెలుసుకోవాలనే ఆసక్తి అభిమానులకు ఉంది. ఇటీవలి సీజన్‌లో అతను CSK కెప్టెన్సీని రుతురాజ్ గైక్వాడ్‌కు అప్పగించాడు. గైక్వాడ్‌ జట్టును ప్లేఆఫ్స్‌కు తీసుకెళ్లలేకపోయాడు. IPL 2024లో ధోని 220 స్ట్రైక్ రేట్‌తో ఆడుతూ 161 పరుగులు చేయ‌డం విశేషం. చివ‌ర్లో బ్యాటింగ్‌కు వ‌చ్చి త‌న‌దైన శైలిలో సిక్స్‌లు బాదిన మహీ.. ప్రేక్ష‌కుల హృద‌యాల‌ను సైతం కొల్ల‌గొట్టాడు. అయితే ఐపీఎల్ 2025 సీజ‌న్‌పై ధోని ఇంకా ఎటువంటి ప్రకటన చేయలేదు. ధోనీ ఫిట్‌గా ఉంటే ఖచ్చితంగా ఐపీఎల్ 2025లో భాగం అవుతాడ‌ని క్రీడా విశ్లేష‌కులు చెబుతున్నారు.