Kusal Mendis: పాకిస్థాన్తో జరిగిన తొలి వన్డే మ్యాచ్లో శ్రీలంక పరాజయం పాలైంది. పాకిస్థాన్ నిర్దేశించిన 300 పరుగుల లక్ష్యాన్ని ఛేదించే క్రమంలో శ్రీలంక బ్యాటర్లు సులభంగానే తలవంచారు. జట్టుకు మంచి ఆరంభం లభించినా మధ్య ఓవర్లలో శ్రీలంక ఇన్నింగ్స్ తీవ్రంగా తడబడింది. ఆ తర్వాత కోలుకోలేకపోయింది. తొలి వికెట్కు పాతుమ్ నిస్సంక, కామిల్ మిశారా 85 పరుగులు జోడించారు.
అయితే వీరిద్దరూ పెవిలియన్ చేరిన తర్వాత బ్యాటర్లు ఒకరి తర్వాత ఒకరు ఔట్ అయ్యేందుకు పోటీపడ్డారు. మూడో స్థానంలో బరిలోకి దిగిన కుశాల్ మెండిస్ (Kusal Mendis) తన ప్రదర్శనతో తీవ్ర నిరాశపరిచాడు. ఖాతా తెరవకుండానే వెనుదిరిగాడు. మెండిస్ అంతర్జాతీయ క్రికెట్లో 37వ సారి డకౌట్ అయ్యాడు. ఈ విషయంలో అతను జస్ప్రీత్ బుమ్రాను కూడా దాటేశాడు.
కుశాల్ మెండిస్ పేరిట అపకీర్తి రికార్డు నమోదు
అంతర్జాతీయ క్రికెట్లో కుశాల్ మెండిస్ అరంగేట్రం చేసినప్పటి నుండి అత్యధిక సార్లు సున్నా పరుగులకే ఔటైన బ్యాటర్గా అతనే నిలిచాడు. పాకిస్థాన్తో జరిగిన తొలి వన్డే మ్యాచ్లో అతను ఈ అపకీర్తి జాబితాలో తన పేరును సునాసునంగా నమోదు చేసుకున్నాడు. మూడు ఫార్మాట్లలో కలిపి మెండిస్ 37వ సారి సున్నా పరుగులకు ఔటై పెవిలియన్ చేరాడు. ఈ జాబితాలో రెండో స్థానంలో జస్ప్రీత్ బుమ్రా ఉన్నాడు. అతను 36 సార్లు డకౌట్ అయ్యాడు. ఇక జానీ బెయిర్స్టో 31, కగిసో రబాడా 28 సార్లు డకౌట్ అయ్యారు.
Also Read: Winter: చలికాలంలో పగిలిన పెదవులతో ఇబ్బంది పడుతున్నారా.. అయితే ఈ చిట్కాలు పాటించాల్సిందే!
బ్యాటర్లు నిరాశపరిచారు
శ్రీలంక తరఫున ఇన్నింగ్స్ ప్రారంభించిన పాతుమ్ నిస్సంక, కామిల్ మిశారా తొలి వికెట్కు 85 పరుగులు జోడించారు. అయితే నిస్సంక మంచి ఆరంభాన్ని సద్వినియోగం చేసుకోలేకపోయాడు. 29 పరుగులు చేసి ఔటయ్యాడు. కామిల్ పరిస్థితి కూడా ఇదే. అతను 38 పరుగులు చేసిన తర్వాత హారిస్ రవూఫ్ బౌలింగ్లో ఔటయ్యాడు.
మెండిస్ను రవూఫ్ క్లీన్ బౌల్డ్ చేసి ఖాతా తెరవకుండానే పెవిలియన్కు పంపించాడు. సదీర సమరవిక్రమ కూడా 39 పరుగులు చేసిన తర్వాత వెనుదిరిగాడు. కెప్టెన్ చరిత్ అసలంక బ్యాట్ నుండి 32 పరుగులు వచ్చాయి. చివరి ఓవర్లలో వనిందు హసరంగా ఓడిపోయిన మ్యాచ్ను మలుపు తిప్పడానికి చాలా ప్రయత్నించినా.. అతను అందులో విజయం సాధించలేకపోయాడు.