Mohammad Siraj: విరాట్ కోహ్లీ, రోహిత్ శర్మ వంటి దిగ్గజ ఆటగాళ్లు రిటైర్మెంట్ ప్ర‌క‌టించిన తర్వాత ఇంగ్లాండ్ పర్యటనకు వెళ్లే భారత జట్టుకు అనుభవం లోపిస్తుందని, వారు ‘బజ్‌బాల్’ (ఇంగ్లాండ్ దూకుడైన టెస్ట్ ఆట తీరు) ముందు సవాలును ఎదుర్కోవలసి వస్తుందని అంద‌రూ భావించారు. అయితే ఆండర్సన్- టెండూల్కర్ ట్రోఫీలో శుభ్‌మన్ గిల్ అండ్ కో విమర్శకులందరినీ తప్పుగా నిరూపిస్తోంది. ఇంగ్లాండ్ ప‌ర్య‌ట‌న‌లో భారత్ గ‌తంలో కంటే ఎక్కువ‌గా మైదానంలోనే ప్ర‌తి దాడికి దిగుతోంది. ఇవి వార్తల్లో నిలుస్తున్నాయి. తాజాగా భారత ఫాస్ట్ బౌలర్ మహమ్మద్ సిరాజ్‌పై 15% మ్యాచ్ ఫీజును ఐసీసీ జరిమానాగా విధించింది. అలాగే ఒక డిమెరిట్ పాయింట్‌ను కూడా ఇచ్చింది.
భారత్ మరియు ఇంగ్లాండ్ మధ్య లార్డ్స్ టెస్ట్‌లో చాలా ఉద్విగ్న వాతావరణం కనిపిస్తోంది. రెండు జట్ల ఆటగాళ్లు తమ జట్టును విజయం వైపు నడిపించడానికి స్లెడ్జింగ్‌లో పాల్గొంటున్నారు. ఈ సమయంలోనే ఐసీసీ భారత ఫాస్ట్ బౌలర్ మహమ్మద్ సిరాజ్‌పై జరిమానా విధించింది. అతని మ్యాచ్ ఫీజులో 15% జరిమానాగా కోత పడనుంది.
Also Read: IND vs ENG: లార్డ్స్‌లో టీమిండియా గెలుపు క‌ష్ట‌మేనా? ఐదో రోజు ఆట‌కు వ‌ర్షం ముప్పు?!
జులై 10 నుండి భారత్- ఇంగ్లాండ్ మధ్య ఐదు మ్యాచ్‌ల టెస్ట్ సిరీస్‌లో మూడవ మ్యాచ్ జరుగుతోంది. జులై 13 అంటే ఆట నాల్గవ రోజున సిరాజ్ బెన్ డకెట్‌ను ఔట్ చేసి పెవిలియన్‌కు పంపాడు. భారత్‌కు ఇది ఒక పెద్ద విజయం. డకెట్‌ను ఔట్ చేసిన తర్వాత సిరాజ్ అద్భుతమైన దూకుడును చూపించాడు. అంతేకాక ఈ ఫాస్ట్ బౌలర్ ఇంగ్లీష్ బ్యాట్స్‌మన్ దగ్గరకు వెళ్లి అరిచాడు. ఇప్పుడు ఈ విషయంపై ఐసీసీ సిరాజ్‌ను శిక్షించింది.
నాల్గవ రోజు ఆట ఆరవ ఓవర్‌లో సిరాజ్ బెన్ డకెట్‌ను ఔట్ చేశాడు. ఔట్ చేసిన తర్వాత డకెట్ పెవిలియన్‌కు తిరిగి వెళుతున్నప్పుడు సిరాజ్ అతని దగ్గరకు వెళ్లాడు. అప్పుడు సిరాజ్ దూకుడుగా డకెట్‌పై తన కోపాన్ని చూపించాడు. ఆ తర్వాత సిరాజ్ ఇంగ్లీష్ బ్యాట్స్‌మన్‌కు కళ్లు చూపిస్తూ గట్టిగా అరిచాడు. ఇప్పుడు ఈ విషయంపై ఐసీసీ సిరాజ్‌పై చర్యలు తీసుకుంది.
Mohammad Siraj has been fined 15% of his match fees. pic.twitter.com/C3qYR9JybI
— Mufaddal Vohra (@mufaddal_vohra) July 14, 2025
ఐసీసీ నియమం ఏమిటి?
ఐసీసీ ఆటగాళ్లు, సహాయక సిబ్బంది కోసం తన నిబంధ‌న‌ల ప్రకారం ఆర్టికల్ 2.5 కింద సిరాజ్‌పై చర్యలు తీసుకుంది. ఈ ఆర్టికల్ ప్రకారం.. ఒక బౌలర్ దూకుడుగా వ్యవహరించి బ్యాట్స్‌మన్‌ను రెచ్చగొట్టేలా చేస్తే అతనిపై జరిమానా లేదా శిక్ష విధించబడుతుంది. సిరాజ్ కూడా ఇలాంటి చర్యనే చేశాడు. దీని కారణంగా అతనికి శిక్ష ప‌డింది. సిరాజ్‌పై 15 శాతం మ్యాచ్ ఫీజు కోత, ఒక డిమెరిట్ పాయింట్ కూడా విధించింది.