Mohammad Abbas: పాకిస్థాన్ క్రికెట్ జట్టు ఫాస్ట్ బౌలర్ మహ్మద్ అబ్బాస్ (Mohammad Abbas) ఇంట తీవ్ర విషాదం నెలకొంది. అతని సోదరి ఆసుపత్రిలో మరణించింది. ఈ సమాచారాన్ని ఆయనే స్వయంగా సోషల్ మీడియా ద్వారా పంచుకున్నారు. అతను ఇటీవల దక్షిణాఫ్రికా పర్యటన నుండి పాకిస్తాన్ టెస్ట్ జట్టులో స్థానం ద‌క్కించుకున్నాడు. ఈ టెస్టు సిరీస్‌లో అతను అద్భుతమైన ప్రదర్శన కూడా చేశాడు. మహ్మద్ అబ్బాస్ తన సోషల్ మీడియా ప్లాట్‌ఫామ్ ‘ఎక్స్’లో ఇలా రాశాడు. నా సోదరి ఇప్పుడు ఈ ప్రపంచంలో లేదు. అల్లా ఆమెకు స్వర్గంలో పెద్ద స్థానం ప్రసాదిస్తాడు. దయచేసి మీ ప్రార్థనలలో ఆమెను స్మరించుకోండి అని రాసుకొచ్చాడు.
మహ్మద్ అబ్బాస్ కెరీర్ ఇదే
మహ్మద్ అబ్బాస్ పాకిస్తాన్ ప్రముఖ ఫాస్ట్ బౌలర్ తక్కువ సమయంలో తన బౌలింగ్‌తో అంతర్జాతీయ క్రికెట్‌లో పెద్ద స్థానాన్ని సాధించాడు. అతనికి ఫాస్ట్ బౌలింగ్‌తో పాటు స్వింగ్ రూపంలో పెద్ద ఆయుధాన్ని కలిగి ఉన్నాడు. ఇది అతనిని ప్రత్యేకంగా చేస్తుంది. అతను తన బౌలింగ్ ద్వారా చాలా ముఖ్యమైన మ్యాచ్‌లలో తన జట్టును విజయపథంలో నడిపించాడు. ఈ పాక్ బౌలర్ ఇప్పటివరకు 27 టెస్టులు ఆడి 23.18 సగటుతో 100 వికెట్లు పడగొట్టాడు. ఈ సమయంలో అతను 2.50 ఎకానమీ వద్ద పరుగులు ఇచ్చాడు. ఇక్కడ అతని అత్యుత్తమ ప్రదర్శన 54 పరుగులకు ఆరు వికెట్లు తీయడం. ఈ స‌మ‌యంలోనే అతను ఐదుసార్లు ఒక ఇన్నింగ్స్‌లో ఐదు వికెట్లు తీసి రికార్డు సృష్టించాడు.
Also Read: Virat Kohli: ఛాంపియన్స్ ట్రోఫీకి ముందు విరాట్ కోహ్లీ కీలక నిర్ణయం!
అబ్బాస్ వన్డేల్లో ఎక్కువ మ్యాచ్‌లు ఆడలేదు
అబ్బాస్ వన్డేల గురించి మాట్లాడుకుంటే.. ఈ ఫార్మాట్‌లో అతనికి చాలా మ్యాచ్‌లు ఆడే అవకాశం రాలేదు. అతను ఇప్పటివరకు మూడు వన్డేలు మాత్ర‌మే ఆడాడు. అందులో ఒక వికెట్ తీసుకున్నాడు. మహ్మద్ అబ్బాస్ వన్డేల్లో తక్కువ మ్యాచ్‌లు ఆడటంతో తన ప్రదర్శన నిరూపించుకునే అవకాశం రాలేదు. కానీ అతని బౌలింగ్‌లో వేగం, నియంత్రణ ఉంది. ఇది ఏ ప్రత్యర్థి జట్టుకైనా ప్రమాదకరంగానే ఉంటుంది. ఈ బౌలర్‌కు క్రికెట్‌లోని పొట్టి ఫార్మాట్‌లో ఒక్క మ్యాచ్ కూడా ఆడే అవకాశం రాలేదు.