Athletes Doping Test: పారిస్ పారాలింపిక్స్ ముందు భార‌త్‌కు ఎదురుదెబ్బ‌.. డోప్ టెస్టులో ముగ్గురు విఫ‌లం..!

Athletes Doping Test: పారిస్ పారాలింపిక్స్ 2024 ప్రారంభం కాకముందే భారత్‌కు భారీ ఎదురుదెబ్బ తగిలింది. డోప్ టెస్టులో (Athletes Doping Test) ముగ్గురు భారత అథ్లెట్లు విఫలమయ్యారు. ఈ ముగ్గురు అథ్లెట్లు పారిస్ పారాలింపిక్స్ 2024కి అర్హత సాధించబోతున్నారు. కానీ డోప్ పరీక్షలో విఫలమైన కారణంగ, ఇప్పుడు అథ్లెట్లు పారిస్ పారాలింపిక్స్ 2024లో పాల్గొనలేరు. సమాచారం ప్రకారం ఈ ముగ్గురు అథ్లెట్లు మధ్యప్రదేశ్‌కు చెందినవారు.

సస్పెండ్ చేయాల‌ని ఆదేశాలు

ఈ ముగ్గురు ఆటగాళ్లు మధ్యప్రదేశ్ వాసులు. ఇందులో పారా కెనో ప్లేయర్ రజనీ ఝా, అకాడమీ స్టార్ అథ్లెట్ షాలిని, మరో పారా కెనో ప్లేయర్ గజేంద్ర సింగ్ వంటి వెటరన్ అథ్లెట్లు డోప్ టెస్టులో విఫలమయ్యారు. ఈ ముగ్గురు ఆటగాళ్లు డోప్ టెస్టులో విఫలమైనట్లు జాతీయ డోపింగ్ నిరోధక సంస్థ (నాడా) నివేదిక విడుదల చేసింది. ఆ తర్వాత ఈ ఆటగాళ్లను వారి క్రీడా సంఘాలు సస్పెండ్ చేయాలని ఆదేశించాయి.

Also Read: Champions Trophy: టీమిండియా పాకిస్థాన్‌కు వెళ్లకుంటే పీసీబీకి లాభమా..?

అథ్లెట్ల ప్రదర్శన ఇదే

భారత్‌తో పాటు ఈ ముగ్గురు ఆటగాళ్లు డోప్ టెస్టులో విఫలమవడం మధ్యప్రదేశ్‌కు కూడా పెద్ద దెబ్బే. ఈ ముగ్గురు అథ్లెట్లు వేర్వేరు టోర్నీల్లో పతకాలు కూడా సాధించారు. ఇక షాలిని గురించి చెప్పాలంటే ఆమె వయసు 22 ఏళ్లు. రాంచీలో జరిగిన జాతీయ క్రీడల్లో షాలిని బంగారు పతకం సాధించింది. అంతేకాకుండా 34 ఏళ్ల రజనీ ఝా ఆసియా క్రీడలలో కాంస్య పతకాన్ని గెలుచుకుంది. డోప్ పరీక్షలో విఫలమైన 22 ఏళ్ల షాలిని రాంచీలో జరిగిన జాతీయ క్రీడల్లో డిస్కస్ త్రో ఈవెంట్‌లో బంగారు పతకం సాధించింది. ఆమె స్వస్థలం ఉత్తరప్రదేశ్‌. షాలిని మెటాండియెనోన్ మెటాబోలైట్‌కు పాజిటివ్‌గా తేలింది. ఇది వరల్డ్ యాంటీ డోపింగ్ ఏజెన్సీచే నిషేధించబడిన పదార్థం.

We’re now on WhatsApp. Click to Join.

ఇదే సమయంలో పారిస్ పారాలింపిక్స్‌లో అర్హత సాధించిన 34 ఏళ్ల రజనీ ఝా, ఆసియా క్రీడలలో పారా కానో ఈవెంట్‌లో కాంస్య పతక విజేత గజేంద్ర సింగ్ కూడా ఇందులో ఉన్నారు. రజనీకి మిథైల్ టెస్టోస్టిరాన్ మెటాబోలైట్స్ పాజిటివ్ అని తేలింది. గజేంద్ర సింగ్‌కు నోరాండ్రోస్టిరాన్‌ అనే హార్మోన్‌ పాజిటివ్‌ అని తేలింది. ఈ రెండూ కూడా నిషేధిత పదార్థాలు.