Virat Kohli : విజయ్ హజారే ట్రోఫీ 2025-26లో టీమిండియా స్టార్ బ్యాటర్ విరాట్ కోహ్లి దుమ్ము రేపాడు. బెంగళూరులో వేదికగా ఆంధ్రతో జరిగిన మ్యాచ్లో ఢిల్లీ తరఫున బరిలోకి దిగిన కోహ్లి.. అద్భుత సెంచరీ చేశాడు. ఈ శతకంతో లిస్ట్-ఏ వన్డేల్లో అత్యంత వేగంగా 16,000 పరుగులు చేసిన క్రికెటర్గా నిలిచాడు. దీంతో ఇప్పటివరకు మాస్టర్ బ్లాస్టర్ సచిన్ తెందూల్కర్ పేరిట ఉన్న రికార్డును బద్దలుకొట్టాడు. కాగా, దాదాపు 15 ఏళ్ల తర్వాత విజయ్ హజారే ట్రోఫీలో ఆడుతున్నాడు విరాట్ కోహ్లి.
- సచిన్ రికార్డును బద్ధలుకొట్టిన విరాట్ కోహ్లి
- మెరుపు సెంచరీతో అరుదైన రికార్డ్
- లిస్ట్-ఏ క్రికెట్లో అత్యంత వేగవంతమైన సెంచరీ
దేశవాళీ క్రికెట్ టోర్నమెంట్ విజయ్ హజారే ట్రోఫీ 2025-26లో టీమిండియా స్టార్ బ్యాటర్ విరాట్ కోహ్లి ఆడుతున్నాడు. ఢిల్లీ తరఫున ప్రాతినిధ్యం వహిస్తున్న కింగ్ కోహ్లీ.. బెంగళూరు వేదికగా బుధవారం (డిసెంబర్ 24) ఆంధ్ర జట్టుతో జరిగిన మ్యాచ్లో అద్భుత ప్రదర్శన చేశాడు. దాదాపు 130 స్ట్రైక్ రేట్తో 83 బంతుల్లో సూపర్ సెంచరీ (101 బంతుల్లో 131 పరుగులు) నమోదు చేశాడు. ఈ శకత ప్రదర్శనతో సరికొత్త రికార్డు క్రియేట్ చేశాడు విరాట్ కోహ్లి. దీంతో ఇప్పటివరకు మాస్టర్ బ్లాస్టర్ సచిన్ తెందూల్కర్ పేరిట ఉన్న రికార్డును బద్ధలుకొట్టాడు.
టాస్ ఓడి బ్యాటింగ్కు దిగిన ఆంధ్ర జట్టు నిర్ణీత 20 ఓవర్లలో 8 వికెట్ల నష్టానికి 298 పరుగులు చేసింది. రిక్కీ బూయ్ (122) సెంచరీతో అదరగొట్టాడు. ఓపెనర్లతో సహా మిగతా బ్యాటర్లు ఫర్వాలేదనిపించారు. అయితే ఢిల్లీ బౌలర్లలో సమర్జీత్ సింగ్ ఒక్కడే ఐదు వికెట్లు తీయడం గమానార్హం. ఇక ప్రిన్స్ యాదవ్ 3 వికెట్లు పడగొట్టాడు. ఆంధ్ర నిర్దేశించిన భారీ లక్ష్యంతో బరిలోకి దిగిన ఢిల్లీ.. ఆరంభంలోనే తడబడింది. ఓపెనర్ అర్పిత్ రానా డకౌట్ అయ్యాడు. అనంతరం బరిలోకి దిగిన విరాట్ కోహ్లీ.. మరో ఓపెనర్ ప్రియాన్ష్ ఆర్యతో కలిసి ఇన్నింగ్స్ చక్కదిద్దాడు. 114 పరుగుల వద్ద ప్రియాన్ష్ (74) పెలివియన్ చేరడంతో.. మ్యాచ్ను తన కంట్రోల్కి తీసుకున్నాడు విరాట్ కోహ్లి.
అనతరం విజృంభించాడు కింగ్ కోహ్లి. ధనాధన్ ఇన్నింగ్స్లో ఢిల్లీని విజయ తీరాలకు చేర్చాడు. అయితే ఈ సూపర్ సెంచరీతో అరుదైన రికార్డు సొంతం చేసుకున్నాడు విరాట్. లిస్టు-ఏ వన్డే క్రికెట్లో అత్యంత వేగంగా 16,000 పరుగులు చేసిన క్రికెటర్గా రికార్డు నెలకొల్పాడు. కోహ్లి కేవలం 330 ఇన్నింగ్స్ల్లో ఈ మైలురాయిని అందుకోవడం విశేషం. గతంలో ఈ రికార్డ్ “గాడ్ ఆఫ్ క్రికెట్” సచిన్ తెందూల్కర్ పేరిట ఉండే. సచిన్ 391 ఇన్నింగ్స్లో 16 వేల పరుగుల మార్క్ను అందుకున్నాడు. కాగా, దాదాపు 15 ఏళ్ల తర్వాత మళ్లీ విజయ్ హజారే ట్రోఫీ ఆడుతున్న కోహ్లీ ఈ రికార్డ్ సృష్టించాడు. కాగా, ఈ మ్యాచ్లో చేసిన సెంచరీ లిస్ట్-ఏ క్రికెట్లో 58వ శతకం కావడం గమనార్హం.
గతంలో కూడా విజయ్ హజారే ట్రోఫీలో కోహ్లి పేరిట మంచి రికార్డు ఉంది. విరాట్ 13 మ్యాచుల్లో 68 సగటుతో 819 పరుగులు చేశాడు. ఇందులో 4 సెంచరీలు, 3 అర్ధ సెంచరీలు ఉన్నాయి. కాగా, న్యూజిలాండ్తో జరగబోయే వన్డే సిరీస్కు ముందు కింగ్ కోహ్లి ఇలా ఫామ్లోకి రావడం టీమిండియాకు మంచిపరిణామమే.