KKR vs RCB: ఐపీఎల్‌లో మొదటి మ్యాచ్ కోల్కతా నైట్ రైడర్స్, రాయల్ ఛాలెంజర్స్ బెంగళూరు మధ్య జరుగుతుంది. ఈ సీజన్‌లో RCB జట్టుకు రజత్ పాటిదార్ కెప్టెన్‌గా వ్యవహరిస్తుండగా.. KKR జట్టుకు అజింక్య రహానే నాయకత్వం వహించ‌నున్నారు. ఐపీఎల్ అనేది ప్రపంచంలోని అత్యంత ప్రజాదరణ పొందిన క్రికెట్ లీగ్‌లలో ఒకటి, ప్రతి ఆటగాడు ఇక్కడ ఆడాలని కలలు కంటాడు. IPL 2025 ప్రారంభం కావడానికి ఇంకా ఒక్క‌రోజు మాత్రమే ఉంది. అభిమానులు ఐపీఎల్ గురించి చాలా ఉత్సాహంగా ఉన్నారు. టోర్నమెంట్ మొదటి మ్యాచ్ మార్చి 22న కోల్‌కతాలోని చారిత్రాత్మక ఈడెన్ గార్డెన్స్‌లో రాయల్ ఛాలెంజర్స్ బెంగళూరు, కోల్కతా నైట్ రైడర్స్ మధ్య జరుగుతుంది. ఈ పెద్ద మ్యాచ్‌కు ముందు IPL చరిత్రలో ఈ రెండు జట్ల హెడ్-టు-హెడ్ రికార్డు ఎలా ఉందో తెలుసుకుందాం.
కేకేఆర్ ఆధిపత్యం కొనసాగుతోంది
ఇప్పటివరకు IPLలో రాయల్ ఛాలెంజర్స్ బెంగళూరు (RCB), కోల్కతా నైట్ రైడర్స్ (KKR) మధ్య మొత్తం 34 మ్యాచ్‌లు జరిగాయి. వీటిలో RCB 14 మ్యాచ్‌లలో గెలిచింది. KKR 20 సార్లు గెలిచింది. ఇటువంటి పరిస్థితిలో గణాంకాలను పరిశీలిస్తే కోల్కతా జట్టు పైచేయి సాధించినట్లు కనిపిస్తోంది.
Also Read: KKR vs RCB: ఐపీఎల్ అభిమానుల‌కు బ్యాడ్ న్యూస్‌.. మొదటి మ్యాచ్ ర‌ద్దు?
గత సీజన్‌లో KKR రెండు మ్యాచ్‌ల్లోనూ గెలిచింది
IPL 2024లో రెండు జట్ల మధ్య రెండు మ్యాచ్‌లు జరగగా KKR రెండు సార్లు గెలిచింది. చివరి మ్యాచ్ ఈడెన్ గార్డెన్స్‌లో జరిగింది. అక్కడ KKR కేవలం 1 పరుగు తేడాతో ఉత్కంఠభరితమైన విజయం సాధించింది. ఆ మ్యాచ్‌లో KKR మొదట బ్యాటింగ్ చేసి 222 పరుగులు చేసింది. దీనికి బ‌దులుగా RCB జట్టు 221 పరుగులు మాత్రమే చేయగలిగింది.
మూడు సార్లు ఛాంపియ‌న్‌గా కేకేఆర్
కోల్కతా నైట్ రైడర్స్ (KKR) జట్టు ఇప్పటివరకు మూడుసార్లు IPL టైటిల్ గెలుచుకుంది. రాయల్ ఛాలెంజర్స్ బెంగళూరు (RCB) ఇంకా ట్రోఫీ గెలవడానికి తీవ్రంగా శ్ర‌మిస్తోంది. ఈ సీజన్‌లో RCB జట్టుకు రజత్ పాటిదార్ నాయకత్వం వ‌హిస్తున్నాడు. KKR జట్టుకు అజింక్య రహానే నాయకత్వం వహిస్తాడు. రెండు జట్లలోనూ చాలా మంది స్టార్ ఆటగాళ్లు ఉన్నారు. వారు కొన్ని బంతుల్లోనే మ్యాచ్ గమనాన్ని మార్చగల సామర్థ్యం కలిగి ఉన్నారు.