ఐపీఎల్ 2023 (IP-2-23) 17వ మ్యాచ్లో రాజస్థాన్ రాయల్స్ ఓపెనర్ జోస్ బట్లర్ (Jos Buttler) భారీ ఫీట్ సాధించాడు. చెన్నై సూపర్ కింగ్స్తో జరిగిన మ్యాచ్లో జోస్ బట్లర్ ఐపీఎల్లో 3000 పరుగులు పూర్తి చేశాడు. దీంతో అతి తక్కువ ఇన్నింగ్స్లో 3000 పరుగులు పూర్తి చేసిన మూడో ఆటగాడిగా నిలిచాడు. జోస్ బట్లర్ చెన్నై సూపర్ కింగ్స్పై ఎనిమిదో ఓవర్లో వరుస బంతుల్లో సిక్స్లు కొట్టడం ద్వారా 3000 పరుగుల మార్క్ను చేరుకున్నాడు.
చెన్నై సూపర్ కింగ్స్తో జరిగిన మ్యాచ్లో జోస్ బట్లర్ IPLలో 3000 పరుగులు పూర్తి చేసిన 21వ ఆటగాడిగా నిలిచాడు. అదే సమయంలో ఇన్నింగ్స్ పరంగా అత్యంత వేగంగా 3000 పరుగులు పూర్తి చేసిన రికార్డు 75 ఇన్నింగ్స్ ల్లో ఈ స్థానాన్ని సాధించిన క్రిస్ గేల్ పేరిట ఉంది. కేఎల్ రాహుల్ 80 ఇన్నింగ్స్ల్లో ఈ ఘనత సాధించాడు. కాగా జోస్ బట్లర్ 85 ఇన్నింగ్స్ల్లో ఈ ఘనత సాధించాడు. రాజస్థాన్ ఓపెనర్ జోస్ బట్లర్ 36 బంతుల్లో 52 పరుగులు చేసి ఔటయ్యాడు. ఇన్నింగ్స్లో మూడు సిక్సర్లు, ఒక ఫోర్ బాదాడు.
Also Read: Suryakumar Yadav: నెం.1 స్థానంలోనే సూర్యకుమార్ యాదవ్.. తాజాగా టీ20 ర్యాంకింగ్స్ విడుదల..!
ఇండియన్ ప్రీమియర్ లీగ్లో బుధవారం చెన్నైతో జరిగిన మ్యాచ్లో రాజస్థాన్ రాయల్స్ 3 పరుగుల తేడాతో ఘన విజయం సాధించింది. 176 పరుగుల లక్ష్యంతో బరిలోకి దిగిన చెన్నైలో కాన్వే(50), రహానే(31), ధోనీ (32) రాణించినా ఫలితం దక్కలేదు. అటు రాజస్థాన్ బౌలర్లలో అశ్విన్, చాహల్ తలో రెండు వికెట్లు తీసుకోగా.. జంపా, సందీప్ శర్మ తలో వికెట్ తీసుకున్నారు.
Love you 3000, Jos! 💗 pic.twitter.com/8Edhf9AhFy
— Rajasthan Royals (@rajasthanroyals) April 12, 2023
అత్యంత వేగంగా IPLలో 3,000 పరుగులు (ఇన్నింగ్స్ ద్వారా)
– క్రిస్ గేల్- 75 ఇన్నింగ్స్ లు
– కేఎల్ రాహుల్- 80 ఇన్నింగ్స్ లు
– జోస్ బట్లర్- 85 ఇన్నింగ్స్ లు
– డేవిడ్ వార్నర్- 94 ఇన్నింగ్స్ లు
– ఫాఫ్ డుప్లెసిస్- 94 ఇన్నింగ్స్ లు