BCCI Secretary: జై షా.. బీసీసీఐ సెక్రటరీ ఎలా అయ్యాడో తెలుసా..?

BCCI Secretary

BCCI Secretary: భారత క్రికెట్ కంట్రోల్ బోర్డు సెక్రటరీ (BCCI Secretary) జై షా తాజాగా ఓ పెద్ద ప్రకటన చేశారు. తాను అకస్మాత్తుగా బీసీసీఐ కార్యదర్శిని కాలేదని ఈ ప్రకటనలో తెలిపాడు. జై షా బీసీసీఐ కార్యదర్శిగానే కాకుండా ఆసియా క్రికెట్ కౌన్సిల్ అధ్యక్షుడిగా కూడా ఉన్నారు. అయితే జై షా జర్నీ గురించి తెలిసిన వారు చాలా తక్కువ మంది మాత్ర‌మే ఉన్నారు. పారిశ్రామికవేత్త, క్రికెట్ ప్రేమికుడు హర్షవర్ధన్ గోయెంకాతో జే షా మాట్లాడాడు. అక్కడ అతను తన ప్రయాణాన్ని వెల్లడించాడు.

హర్షవర్ధన్ గోయెంకా ఒక ఇంటర్వ్యూలో జై షాను ఈ విధంగా అడిగారు. నీకు 30 ఏళ్లు, అతి పిన్న వయస్కుడైన బీసీసీఐ యూత్ సెక్రటరీగా మీ కెరీర్ జర్నీ గురించి చెప్పండి? అని ప్ర‌శ్నించారు. ఈ ప్రశ్నకు షా స్పందిస్తూ.. మీరు నన్ను ఈ ప్రశ్న వేసినందుకు చాలా సంతోషంగా ఉంది. ఎందుకంటే నేను అకస్మాత్తుగా బీసీసీఐ సెక్రటరీని అయ్యానని చాలా మంది అనుకుంటున్నారు. అయితే అది అంత సులువుగా జ‌ర‌గ‌లేద‌ని చెప్పుకొచ్చాడు.

Also Read: Sai Dhansika : ముద్దు సీన్లు, బెడ్ రూమ్ రొమాన్స్.. అవి చేయకుండా రాణించాలంటే..?

జై షా మాట్లాడుతూ.. “నేను 2009లో అహ్మదాబాద్‌లోని సెంట్రల్ బోర్డ్ ఆఫ్ క్రికెట్ సభ్యునిగా నా ప్రయాణాన్ని ప్రారంభించాను. నేను 2009 నుండి 2013 వరకు గుజరాత్ క్రికెట్ అసోసియేషన్‌లో సభ్యునిగా కూడా ఉన్నాను అని జై షా తన ప్రయాణం గురించి బహిరంగంగా మాట్లాడాడు. అతను సాధించిన కొన్ని విజయాలను కూడా ప్రస్తావించాడు. బీసీసీఐ సెక్రటరీ కావడం తనకు అంత సులభం కాదని షా వివ‌రించాడు.

We’re now on WhatsApp : Click to Join

మా జట్టు మొదటి రంజీ ట్రోఫీని గెలుచుకుంది- షా

జై షా మాట్లాడుతూ.. నేను గుజరాత్ క్రికెట్ అసోసియేషన్‌తో సంబంధం కలిగి ఉన్నప్పుడు మా జట్టు రంజీ ట్రోఫీలో ప్లేట్ గ్రూప్‌లో ఉంది. నా హయాంలోనే మా జట్టు మొదటి రంజీ ట్రోఫీని గెలుచుకుంది. ఆ ట్రోఫీ త‌ర్వాత‌ రంజీ తర్వాత మేము విజయ్ హజారే, సయ్యద్ ముస్తాక్ అలీ ట్రోఫీలను కూడా గెలుచుకున్నాము. అయితే, ఆ తర్వాత 2013లో బీసీసీఐలో మార్కెటింగ్‌ మెంబర్‌ అయ్యాను. ఆ తర్వాత ఫైనాన్స్ కమిటీకి ఎంపికయ్యాను. అప్పుడే నేను బీసీసీఐ కార్యదర్శిని అయ్యానని చెప్పుకొచ్చారు.