Ishan Kishan: ఇషాన్ కిషన్ కెరీర్లో సయ్యద్ ముస్తాక్ అలీ ట్రోఫీ ఒక మధుర స్వప్నంలా నిలిచిపోయింది. 10 మ్యాచ్ల్లో 50కి పైగా సగటుతో ఆయన 517 పరుగులు సాధించారు. ఈ అద్భుత ప్రదర్శన చూశాక.. ఫిబ్రవరి 2026 నుంచి ప్రారంభం కానున్న టీ20 వరల్డ్ కప్లో ఆయనకు తప్పకుండా చోటు దక్కుతుందని అభిమానులు భావిస్తున్నారు. అయితే వరల్డ్ కప్కు ఎంపిక చేసినా లేదా పక్కన పెట్టినా తనకు ఎలాంటి ఇబ్బంది లేదని, తాను కేవలం తన ప్రదర్శనపైనే దృష్టి పెడుతున్నానని ఇషాన్ కిషన్ స్పష్టం చేశారు.
SMAT గెలిచిన తర్వాత ఇషాన్ కిషన్ వ్యాఖ్యలు
నవంబర్ 2023 నుంచి ఇషాన్ కిషన్ టీమ్ ఇండియాకు ఎంపిక కాలేదు. క్రమశిక్షణ సంబంధిత కారణాల వల్ల సెలక్టర్లు, హెడ్ కోచ్ ఆయనను జట్టు నుంచి తప్పించారు. జార్ఖండ్ జట్టును SMAT ఛాంపియన్గా నిలిపిన తర్వాత టీమ్ ఇండియాకు ఎంపిక కాకపోవడంపై ఇషాన్ స్పందిస్తూ.. “టీమ్ ఇండియాకు ఎంపిక కానప్పుడు చాలా బాధగా అనిపిస్తుంది. ఎందుకంటే నేను బాగా ఆడుతున్నాను. ఇంత మంచి ప్రదర్శన చేసినా ఎంపిక కాకపోతే నేను ఇంకా బాగా ఆడాలని నాకు నేను చెప్పుకున్నాను. నా జట్టును గెలిపించే స్థాయికి ఎదగాలని నిర్ణయించుకున్నాను” అని అన్నారు.
Also Read: ఏపీ అభివృద్ధికి జగన్ అడ్డు వస్తున్నాడు – లోకేష్ సంచలన ఆరోపణలు
టీ20 వరల్డ్ కప్కు సమయం తక్కువగా ఉండటంతో ప్రస్తుత టీమ్ కాంబినేషన్ దృష్ట్యా కిషన్ పునరాగమనం కొంచెం కష్టంగానే కనిపిస్తోంది. దీనిపై ఆయన మాట్లాడుతూ.. “చాలా సార్లు మనం మన అవకాశాల గురించి ఆలోచిస్తాం. జట్టులో మన పేరు లేనప్పుడు బాధ కలగడం సహజం. కానీ ప్రస్తుతం నేను అలా ఆలోచించడం లేదు. నేను దేనినీ ఆశించడం లేదు. నా పని కేవలం రాణించడం మాత్రమే” అని పేర్కొన్నారు.
ఇషాన్ కిషన్ ఇటీవలి ప్రదర్శన
రెండేళ్లుగా టీమ్ ఇండియాకు దూరంగా ఉన్నప్పటికీ ఇషాన్ కిషన్ ప్రదర్శన మాత్రం అద్భుతంగా ఉంది.
18 డిసెంబర్ 2025: జార్ఖండ్ను సయ్యద్ ముస్తాక్ అలీ ట్రోఫీ విజేతగా నిలిపారు.
టోర్నమెంట్ గణాంకాలు: 10 మ్యాచ్ల్లో 57.44 సగటుతో 517 పరుగులు చేశారు.
స్ట్రైక్ రేట్: 197.33 అత్యంత వేగంగా బ్యాటింగ్ చేశారు.
శతకాలు/అర్థశతకాలు: 2 సెంచరీలు, 2 హాఫ్ సెంచరీలు బాదారు.
సిక్సర్లు: ఈ టోర్నీలో మొత్తం 33 సిక్సర్లు కొట్టారు.