Ishan Kishan: దారికొచ్చిన ఇషాన్ కిష‌న్‌.. బీసీసీఐ కండీష‌న్ల‌కు ఓకే..!

Ishan Kishan: భారత స్టార్ వికెట్ కీపర్ బ్యాట్స్‌మెన్ ఇషాన్ కిషన్ (Ishan Kishan) ఇప్పుడు తన నిర్ణయంపై యూ-టర్న్ తీసుకున్నాడు. 2023 నుంచి భారత జట్టుకు దూరమైన ఇషాన్ కిషన్ ఈ నిర్ణయంతో తిరిగి టీమ్ ఇండియాలోకి రావాల‌ని చూస్తున్నాడు. టీమ్ సెలక్టర్ల సూచనతో అతను పూర్తిగా మనసు మార్చుకున్నాడని మీడియాలో వార్తలు వస్తున్నాయి.

ఇషాన్ కిషన్ ఏ నిర్ణయాన్ని వెనక్కి తీసుకుంటున్నాడు..?

ఇషాన్ కిషన్ టీమ్ ఇండియా నుంచి నిష్క్రమించాడు. మాజీ కోచ్ రాహుల్ ద్రవిడ్, కెప్టెన్ రోహిత్ శర్మ దేశవాళీ క్రికెట్‌లో ఆడాలని ఆటగాళ్లకు సూచించారు. దేశ‌వాళీలో రాణిస్తే జట్టులోకి తిరిగి రావడం సాధ్యమవుతుందని తెలిపారు. కానీ ఇషాన్ కిషన్ తన రాష్ట్ర జట్టు జార్ఖండ్‌కు దేశవాళీ క్రికెట్‌లో ప్రాతినిధ్యం వహించకూడదని నిర్ణయించుకున్నాడు. బదులుగా IPL కోసం శిక్షణ ప్రారంభించాడు. దీంతో బీసీసీఐ ఇషాన్ కిషన్‌ను సెంట్రల్ కాంట్రాక్ట్‌లో చేర్చుకోలేదు. అలాగే భారత జట్టులో చోటు ఇవ్వ‌లేదు.

ఐపీఎల్‌లోనూ ఫ్లాప్ అయ్యాడు

దేశవాళీ క్రికెట్ ను పక్కన పెడితే.. ఐపీఎల్ కు సిద్ధమైన‌ ఇషాన్ కిషన్ కు ఐపీఎల్ సీజన్ కూడా రాణించ‌లేదు. ముంబై ఇండియన్స్ తరఫున 14 మ్యాచ్‌లు ఆడి 320 పరుగులు మాత్రమే చేశాడు. పాయింట్ల పట్టికలో కూడా ఆ జట్టు అట్టడుగు స్థానంలో ఉంది.

Also Read: Urine Yellow: మీరు ఆరోగ్యంగా ఉన్నారో లేదో మీ మూత్రం రంగు చెప్పేస్తుంది..!

ఇప్పుడు యూటర్న్

క్రిక్‌బజ్ నివేదిక ప్రకారం.. ఇషాన్ కిషన్ ఇప్పుడు దేశవాళీ క్రికెట్‌లో తిరిగి రావడానికి సిద్ధంగా ఉన్నాడు. సెలక్టర్ల నుంచి ఆదేశాలు అందడంతో ఇషాన్ కిషన్ ఈ నిర్ణయం తీసుకున్నాడు. ఇషాన్ కిషన్ తన లభ్యత గురించి జార్ఖండ్ స్టేట్ క్రికెట్ అసోసియేషన్‌కు తెలియజేసినట్లు నివేదిక పేర్కొంది. ఈ సీజన్‌లో అతనికి జట్టు కమాండ్ కూడా ఇవ్వవచ్చని స‌మాచారం.

We’re now on WhatsApp. Click to Join.

శ్రేయాస్ అయ్యర్ జట్టులో చోటు దక్కించుకున్నాడు

ఇషాన్ కిషన్ దేశవాళీ క్రికెట్‌లో తన రాష్ట్రానికి ప్రాతినిధ్యం వహిస్తాడా లేదా అనే దానిపైనే టీమ్ ఇండియాకు తిరిగి రావడం ఆధారపడి ఉంటుందని క్రిక్‌బజ్ నివేదిక పేర్కొంది. శ్రీలంక టూర్‌కు ఎంపికైన శ్రేయాస్ అయ్యర్ బీసీసీఐ సెంట్రల్ కాంట్రాక్ట్ కూడా అయిపోయింది. కానీ అతను దేశవాళీ క్రికెట్‌లో ముంబై తరపున బాగా ఆడాడు. ఆ తర్వాత అయ్య‌ర్ జట్టులోకి ఎంపికయ్యాడు.

ఇషాన్ కిషన్ కెరీర్

ఇషాన్ కిషన్ భారత్ తరఫున ఇప్పటి వరకు 27 వన్డేలు, 32 టీ20, 2 టెస్టు మ్యాచ్‌లు ఆడాడు. 27 వన్డేల్లో 933 పరుగులు, 32 టీ20ల్లో 796 పరుగులు చేశాడు.