IPL 2025 Opening Ceremony: కలర్ ఫుల్‌గా ఐపీఎల్ 2025 ప్రారంభ వేడుకలు!

IPL 2025 Opening Ceremony: ఐపీఎల్ 2025 ప్రారంభం (IPL 2025 Opening Ceremony) కోసం అభిమానులు ఆసక్తిగా ఎదురుచూస్తున్నారు. ఇండియన్ ప్రీమియర్ లీగ్ 18వ ఎడిషన్ మార్చి 22 నుండి ప్రారంభం కానుంది. దీనికి సంబంధించిన సన్నాహాలు ఇప్పటికే ప్రారంభమయ్యాయి. అన్ని జట్లు త్వరలో వారి శిబిరాల్లో చేరుతాయి. అభిమానులు ఉత్తేజకరమైన మ్యాచ్‌లను చూడగలరు. ఈసారి కొత్త జట్ల జెర్సీలలో చాలా మంది పాత ముఖాలు కనిపించనున్నాయి. అభిమానులు చాలా ఉత్సాహంగా ఉన్నారు. డిఫెండింగ్ ఛాంపియన్ కేకేఆర్ కమాండ్ అనుభవజ్ఞుడైన అజింక్యా రహానేకి అప్పగించారు. రిషబ్ పంత్ ఈసారి లక్నో సూపర్ జెయింట్స్ (ఎల్‌ఎస్‌జి)కి కెప్టెన్‌గా కనిపించనున్నాడు. ప్రారంభోత్సవానికి సంబంధించిన అన్ని వివరాలను ఇక్కడ తెలుసుకుందాం.

ఈ రెండు జట్ల మధ్య IPL 2025 మొదటి మ్యాచ్

IPL 2025 మొదటి మ్యాచ్ డిఫెండింగ్ ఛాంపియన్స్ కోల్‌కతా నైట్ రైడర్స్ (KKR), RCBతో ఈడెన్ గార్డెన్స్‌లో జరగనుంది. ఈ తొలి మ్యాచ్ మార్చి 22న రాత్రి 7.30 గంటల నుంచి జరగనుంది. ఈసారి రెండు జట్లూ కొత్త కెప్టెన్‌తో పోటీకి దిగనున్నాయి. బెంగ‌ళూరు రజత్ పటీదార్‌కు RCB కెప్టెన్సీని అప్పగించింది. ఈసారి అజింక్యా రహానే కేకేఆర్ బాధ్యతలు చేపట్టనున్నాడు. RCB అభిమానులు గత 17 ఏళ్లుగా తమ తొలి ట్రోఫీ కోసం ఎదురుచూస్తున్నారు. ఈసారి అయినా ఆర్సీబీకి ట్రోఫీ వ‌స్తుంద‌ని అభిమానులు ఆశిస్తున్నారు.

Also Read: Rohit Sharma: శిఖర్ ధావన్ రికార్డును బద్దలు కొట్టే దిశగా రోహిత్ శర్మ!

ఐపీఎల్ 2025 ప్రారంభ వేడుక కోల్‌కతాలోని ఈడెన్ గార్డెన్ స్టేడియంలో జరగనుంది. ఐపీఎల్ తొలి మ్యాచ్ రాత్రి 7.30 గంటలకు ప్రారంభం కానుండ‌గా.. టాస్ 7 గంటలకు జరుగుతుంది. దీనికి ముందు సాయంత్రం 6 గంటలకు ఐపీఎల్ ప్రారంభ వేడుకలు ప్రారంభం కానున్నాయి. ఐపీఎల్ ప్రారంభ వేడుకల్లో బాలీవుడ్ ప్రముఖ తారలు ప్రదర్శన ఇవ్వనున్నారు. అయితే ఈ వేడుకలో ఏ ఆర్టిస్టులు ప్ర‌ద‌ర్శ‌న చేస్తార‌నేది ఇంకా ధృవీకరించ‌లేదు.

కోల్‌కతాలోని ఈడెన్ గార్డెన్‌లో KKR vs RCB మ్యాచ్‌కు ముందు IPL ప్రారంభ వేడుకలు జరుగుతాయి. ఈ మ్యాచ్‌కు సంబంధించిన టికెట్‌ ప్రారంభోత్సవానికి సంబంధించిన టిక్కెట్‌గా ఉంటుంది. ఈ మ్యాచ్ టిక్కెట్లు (KKR vs RCB IPL 2025 టిక్కెట్లు) ఆన్‌లైన్ విక్రయానికి అందుబాటులోకి వచ్చాయి. అభిమానులు BookMyShowలో టిక్కెట్లు బుక్ చేసుకోవచ్చు. చెన్నై సూపర్ కింగ్స్, ఢిల్లీ క్యాపిటల్స్, గుజరాత్ టైటాన్స్, కోల్‌కతా నైట్ రైడర్స్, లక్నో సూపర్ జెయింట్స్, ముంబై ఇండియన్స్, పంజాబ్ కింగ్స్, రాజస్థాన్ రాయల్స్, రాయల్ ఛాలెంజర్స్ బెంగళూరు, సన్‌రైజర్స్ హైదరాబాద్ ఐపీఎల్ 2025లో 10 జట్లు ఆడ‌నున్నాయి.