DC vs MI: ఇండియన్ ప్రీమియర్ లీగ్ (ఐపీఎల్) మ్యాచ్ నంబర్-43లో ఢిల్లీ క్యాపిటల్స్ వర్సెస్ ముంబై ఇండియన్స్ జట్ల (DC vs MI) మధ్య మ్యాచ్ జరగనుంది. ఢిల్లీలోని అరుణ్ జైట్లీ స్టేడియంలో ఇరు జట్ల మధ్య ఈ మ్యాచ్ జరగనుంది. రిషబ్ పంత్ నాయకత్వంలో ఢిల్లీ క్యాపిటల్స్ ఇప్పటివరకు ఎనిమిది మ్యాచ్లు ఆడగా నాలుగింటిలో విజయం సాధించింది. మరోవైపు హార్దిక్ పాండ్యా కెప్టెన్సీలో ముంబై ఇండియన్స్ ఎనిమిది మ్యాచ్లు ఆడగా మూడింటిలో విజయం సాధించింది. భారత కాలమానం ప్రకారం ఈ మ్యాచ్ మధ్యాహ్నం 3.30 గంటలకు ప్రారంభమవుతుంది.
ఈ మ్యాచ్ కోసం అభిమానులు ఇరు జట్లలో ఆడే 11 మందిపై కూడా ఒక కన్ను ఉంచుతారు. ఢిల్లీ క్యాపిటల్స్ ప్లేయింగ్-11లో మార్పు వచ్చే అవకాశం లేదని తెలుస్తోంది. డేవిడ్ వార్నర్, ఇషాంత్ శర్మ గాయం కారణంగా ఈ మ్యాచ్కు అందుబాటులో ఉండరు. మరోవైపు ఆల్ రౌండర్ రొమారియో షెపర్డ్ ముంబై ఇండియన్స్ ప్లేయింగ్-11కి తిరిగి రావచ్చు. గత మ్యాచ్లో షెపర్డ్ లేకపోవడంతో నువాన్ తుషారకు అవకాశం లభించింది.
Also Read: Shashank Singh: ఎవరీ శశాంక్ సింగ్.. వేలంలో పొరపాటున కొనుగోలు చేసిన పంజాబ్..!
DC vs MI హెడ్ టు హెడ్
ప్రస్తుత ఐపీఎల్ సీజన్లో ఇరు జట్లు రెండోసారి తలపడుతున్నాయి. అంతకుముందు ఏప్రిల్ 7న వాంఖడే స్టేడియంలో ఇరు జట్ల మధ్య జరిగిన మ్యాచ్లో ముంబై 29 పరుగుల తేడాతో విజయం సాధించింది. ఐపీఎల్ చరిత్రలో ఢిల్లీ క్యాపిటల్స్, ముంబై ఇండియన్స్ మధ్య ఇప్పటి వరకు 34 మ్యాచ్లు జరిగాయి. ఈ కాలంలో ముంబై ఇండియన్స్ 19 మ్యాచ్లు, ఢిల్లీ క్యాపిటల్స్ 15 మ్యాచ్లు గెలిచాయి.
We’re now on WhatsApp : Click to Join
ఢిల్లీ క్యాపిటల్స్ ప్రస్తుత సీజన్లో మంచి ప్రదర్శన కనబరిచింది. కొన్ని మ్యాచ్లలో అద్భుతమైన విజయాలను నమోదు చేసింది. కొన్నింటిలో పరాజయాలను ఎదుర్కొంది. ఢిల్లీ ముంబైని ఓడిస్తే ప్లేఆఫ్కు మరింత బలం చేకూరుతుంది. ముంబై మూడింటిలో గెలిచింది. అయితే చివరి మ్యాచ్లో రాజస్థాన్ రాయల్స్ (RR) చేతిలో తొమ్మిది పరుగుల తేడాతో ఓడిపోయింది. ఈ మ్యాచ్లో ఎలాగైనా గెలచి ప్లే ఆఫ్ రేసులో నిలవాలని చూస్తోంది ముంబై ఇండియన్స్.
జట్ల అంచనా
ఢిల్లీ క్యాపిటల్స్: షాయ్ హోప్, పృథ్వీ షా, జేక్ ఫ్రేజర్-మెక్గుర్క్, రిషబ్ పంత్ (కెప్టెన్/వికెట్ కీపర్), అభిషేక్ పోరెల్, ట్రిస్టన్ స్టబ్స్, అక్షర్ పటేల్, కుల్దీప్ యాదవ్, ముఖేష్ కుమార్, ఖలీల్ అహ్మద్, ఎన్రిచ్ నోకియా.
ఇంపాక్ట్ ప్లేయర్: రసిక్ సలాం దార్
ముంబై ఇండియన్స్: ఇషాన్ కిషన్ (వికెట్ కీపర్), రోహిత్ శర్మ, సూర్యకుమార్ యాదవ్, తిలక్ వర్మ, హార్దిక్ పాండ్యా (కెప్టెన్), టిమ్ డేవిడ్, నెహాల్ వధేరా, మహ్మద్ నబీ, గెరాల్డ్ కోయెట్జీ, రొమారియో షెపర్డ్, జస్ప్రీత్ బుమ్రా.
ఇంపాక్ట్ ప్లేయర్: పీయూష్ చావ్లా