ఐపీఎల్ 2023 (IPL 2023)లో చెన్నై సూపర్ కింగ్స్ (CSK) కెప్టెన్ మహేంద్ర సింగ్ ధోని (MS Dhoni)కి చివరి సీజన్ కావచ్చు. జట్టు తన కెప్టెన్కు విజయంతో వీడ్కోలు పలకాలని కోరుకుంటోంది. లీగ్లో ఐదో టైటిల్ గెలుచుకోవాలనే ఉద్దేశంతో మహి కూడా రంగంలోకి దిగనున్నాడు. అయితే లీగ్ ప్రారంభం కాకముందే చెన్నై సూపర్ కింగ్స్ కి గట్టి షాక్ తగిలింది. ఆ జట్టు స్టార్ పేసర్ కైల్ జేమీసన్ ఐపీఎల్కు దూరమయ్యాడు. జేమీసన్ను చెన్నై సూపర్ కింగ్స్ వేలంలో కోటి రూపాయలకు కొనుగోలు చేసింది. ఇది అతని ప్రాథమిక ధర. ఇంతకుముందు, జేమీసన్ రాయల్ ఛాలెంజర్స్ బెంగళూరులో భాగంగా ఉన్నాడు. అక్కడ అతన్ని రూ. 15 కోట్లకు కొనుగోలు చేశారు.
న్యూజిలాండ్ బౌలర్ కైల్ జేమీసన్ ఈ వారం వెన్నులో శస్త్రచికిత్స చేయించుకున్న తర్వాత కనీసం మూడు నుంచి నాలుగు నెలల పాటు క్రికెట్కు దూరంగా ఉండవచ్చని నివేదికలు తెలుపుతున్నాయి. గతేడాది జూన్లో జేమీసన్ వెన్ను గాయంతో బాధపడ్డాడు. ఇంగ్లండ్తో జరిగిన మొదటి టెస్ట్ మ్యాచ్ నుండి అతను తిరిగి మైదానంలోకి వచ్చాడు. అయితే వార్మప్ మ్యాచ్లో అతని గాయం మళ్లీ బయటపడింది. అటువంటి పరిస్థితిలో జేమీసన్ మొత్తం సిరీస్ నుండి తొలగించబడ్డాడు. MRI స్కాన్, సర్జన్ సలహా తర్వాత, న్యూజిలాండ్ క్రికెట్ బోర్డు జేమీసన్కు శస్త్రచికిత్స చేయాలని నిర్ణయించింది.
Also Read: Pat Cummins: మూడో టెస్టుకు ముందు స్వదేశానికి పయనమవుతున్న ఆసీస్ కెప్టెన్.. కారణమిదే..?
న్యూజిలాండ్ జట్టు ప్రధాన కోచ్ గ్యారీ స్టెడ్ మాట్లాడుతూ.. ఇది కైల్కు సవాలు, కష్టమైన సమయం. మాకు పెద్ద నష్టమని అన్నారు. IPL 2023లో గ్రూప్ Bలో RCB, గుజరాత్ టైటాన్స్, సన్రైజర్స్ హైదరాబాద్, పంజాబ్ కింగ్స్లతో పాటు చెన్నై సూపర్ కింగ్స్ చోటు దక్కించుకుంది. మహేంద్ర సింగ్ ధోని నాయకత్వంలో CSK 4 సార్లు IPL టైటిల్ గెలుచుకుంది. లీగ్ రౌండ్ తర్వాత పాయింట్ టేబుల్లో తొమ్మిదో స్థానంలో ఉన్న జట్టుకు గత సీజన్ చాలా చెడ్డది. 2021లో చెన్నై తన చివరి ఐపీఎల్ టైటిల్ను గెలుచుకుంది. గత సీజన్లో ఓపెనింగ్ మ్యాచ్లలో పేలవమైన ప్రదర్శన తర్వాత, రవీంద్ర జడేజా నుండి కెప్టెన్సీని తీసుకున్న MS ధోనీకి రెండుసార్లు జట్టు నాయకత్వ బాధ్యతలని అప్పగించారు.