India vs South Africa: దక్షిణాఫ్రికాతో జరుగుతున్న రెండో టెస్ట్ మ్యాచ్‌లో భారత్‌కు (India vs South Africa) 549 పరుగుల భారీ లక్ష్యం ఎదురైంది. దీనికి సమాధానంగా నాలుగో రోజు ఆట ముగిసే సమయానికి టీమ్ ఇండియా 27 పరుగులకే రెండు వికెట్లు కోల్పోయింది. భారత జట్టు ఇంకా 522 పరుగులు వెనుకబడి ఉంది. ప్రస్తుతం సాయి సుదర్శన్, కుల్దీప్ యాదవ్ క్రీజులో ఉన్నారు. నాలుగో రోజు ఆటలో దక్షిణాఫ్రికా తమ రెండో ఇన్నింగ్స్‌ను 260 పరుగుల వద్ద డిక్లేర్ చేసి, తొలి ఇన్నింగ్స్‌లో లభించిన ఆధిక్యం ఆధారంగా భారత్‌కు 549 పరుగుల లక్ష్యాన్ని నిర్దేశించింది. భారత జట్టు ఇప్పుడు చాలా పెద్ద ఓటమి అంచున ఉంది.
దక్షిణాఫ్రికా రెండో ఇన్నింగ్స్ హైలైట్స్
దక్షిణాఫ్రికా 26/0తో నాలుగో రోజు ఆటను ప్రారంభించింది. ర్యాన్ రికల్టన్ 35 పరుగులు, ఎయిడెన్ మార్కరం 29 పరుగులు చేసి అవుటయ్యారు. అయితే ట్రిస్టన్ స్టబ్స్ టీమ్ ఇండియా బౌలర్లను బాగా ఇబ్బంది పెట్టాడు. అతను 94 పరుగులు చేసి సెంచరీకి చేరువలో అవుటయ్యాడు. టోనీ డి జార్జి అర్థ సెంచరీ చేయడంలో విఫలమయ్యాడు, అతన్ని రవీంద్ర జడేజా 49 పరుగుల వద్ద అవుట్ చేశాడు. రెండో ఇన్నింగ్స్‌లో భారత్ తరఫున రవీంద్ర జడేజా 4 వికెట్లు పడగొట్టాడు.
Also Read: H5N5 Virus: కరోనా తర్వాత ప్రపంచంలోకి కొత్త వైరస్!
ఘోర ఓటమి అంచున టీమ్ ఇండియా
549 పరుగుల లక్ష్యాన్ని ఛేదిస్తున్న భారత జట్టు నాలుగో రోజు ఆట ముగిసే సమయానికి 2 వికెట్లు కోల్పోయి కేవలం 35 పరుగులు మాత్రమే చేసింది. టెస్ట్ క్రికెట్‌లో భారత్‌పై అత్యధిక పరుగుల తేడాతో విజయం సాధించిన రికార్డు ఆస్ట్రేలియా పేరిట ఉంది. ఆ జట్టు 2024లో టీమ్ ఇండియాను 342 పరుగుల తేడాతో ఓడించింది. ఈ మ్యాచ్‌లో దక్షిణాఫ్రికా గెలిస్తే ఆస్ట్రేలియా రికార్డును అధిగమించి భారత్‌ను అత్యధిక పరుగుల తేడాతో ఓడించిన జట్టుగా నిలిచే అవకాశం ఉంది.
భారత్ బ్యాటింగ్-బౌలింగ్ దారుణంగా విఫలం
గువాహటి టెస్ట్‌లో భారత జట్టు బ్యాటింగ్‌లోనూ, బౌలింగ్‌లోనూ రాణించలేకపోయింది. భారత బౌలర్లు 246 పరుగులకే దక్షిణాఫ్రికాకు చెందిన 6 వికెట్లను పడగొట్టినప్పటికీ.. ఆఫ్రికా జట్టు చివరి 4 వికెట్లు కలిసి 243 పరుగులు జోడించాయి. ఫలితంగా దక్షిణాఫ్రికా తొలి ఇన్నింగ్స్ 489 పరుగుల వద్ద ముగిసింది. ఈ భారీ స్కోరును ఛేదించడంలో భారత జట్టు తమ తొలి ఇన్నింగ్స్‌లో కేవలం 201 పరుగులకే ఆలౌట్ అయింది. దీని ఫలితంగా దక్షిణాఫ్రికాకు 288 పరుగుల భారీ ఆధిక్యం లభించింది. భారత బౌలర్లు దక్షిణాఫ్రికా రెండో ఇన్నింగ్స్‌ను త్వరగా ముగించాల్సి ఉన్నా.. వారు 260 పరుగులు చేసి తమకు అనుకూలంగా డిక్లేర్ చేసుకున్నారు. ఇప్పుడు 549 పరుగుల లక్ష్యాన్ని ఛేదిస్తూ టీమ్ ఇండియా 27 పరుగులకే 2 వికెట్లు కోల్పోయి ఘోర పరాజయం వైపు పయనిస్తోంది.